Scéim Chóiríochta Ar Cíos

Eolas

Má bhíonn tú ag fáil Forlíonadh Cíosa ar feadh níos mó ná 18 mí agus má tá tithíocht fhadtéarmach de dhíth ort, b’fhéidir go mbeifeá incháilithe don Scéim Chóiríochta ar Cíos (RAS). Tá an scéim á reáchtáil ag údaráis áitiúla (ba chóir go mbeadh an scéim curtha i ngníomh ag na húdaráis áitiúla go léir roimh dheireadh 2005). Déanfaidh an t-údarás áitiúil an cinneadh deireanach maidir le cé a bheidh i incháilithe faoin scéim.

Faoin scéim déanann údaráis áitiúla conarthaí le tiarnaí talún chun tithíocht a chur ar fáil do dhaoine a bhfuil riachtanas fadtéarmach tithíochta orthu go ceann tréimhse aontaithe. Íocann an t-údarás áitiúil an cíos go díreach leis an tiarna talún (b’fhéidir go leanfá ar aghaidh ag cur airgid isteach le haghaidh do chíosa ach íocann tú an ranníocaíocht seo leis an údarás áitiúil agus ní leis an tiarna talún).

Is iad príomheilimintí na scéime ná:

• Íocfaidh údaráis áitiúla an cíos iomlán leis an tiarna talún ar son an tionónta
• Ní mór do thiarnaí talún tionóntachtaí a chlárú le Bord na dTionóntachtaí Príobháideacha Cónaitheacha (PRTB) agus tá na tionóntachtaí faoi réir ag an Acht um Thionóntachtaí Cónaitheacha 2004 (pdf).
• Caithfidh an chóiríocht a bheith ag teacht le caighdeáin íosta do chóiríocht phríobháideach cíosa.
• Ní bhíonn éarlaisí de dhíth cionn is go bhfuil conradh déanta idir an údarás áitiúil agus an tiarna talún.

Tá dhá bhileog mhínitheacha foilsithe ag an Roinn Comhshaoil, Pobal agus Rialtais Áitiúil: bileog ar an Scéim Chóiríochta Cíosa do thiarnaí talún (pdf) agus osamharc ginearálta ar an Scéim Chóiríochta Chíosa (pdf).