Ag éileamh íocaíocht leasa shóisialaigh bhreise ar leathráta

Eolas

Go hiondúil ní féidir ach íocaíocht chúnaimh shóisialta phearsanta amháin nó íocaíocht árachais shóisialta amháin a éileamh ag aon uair amháin in Éirinn. I roinnt cúinsí, áfach, féadann tú d'íocaíocht phearsanta a choinneáil agus leath d'íocaíocht leasa shóisialaigh eile a fháil.

Ó 27 Meán Fómhair 2007 má tá tú ag fáil íocaíochtaí leasa shóisialaigh áirithe agus ag tabhairt aire do dhaoine atá ag brath ar chúram lán aimseartha, féadann tú do phríomh íocaíocht a choinneáil agus Liúntas Cúramóra ar leathráta a fháil. Tá tuilleadh eolais faoi cáiliú le haghaidh Liúntais Cúramóra.

Má tá tú ag obair agus ag éileamh íocaíocht leasa shóisialaigh, d'fhéadfá a bheith i dteideal Sochar Cuardaitheora Poist, Sochar Breoiteachta, Sochar Máithreachais, nó Forlíonadh Éagumais ar leathráta nuair a stopfaidh tú de bheith ag obair. Mar shampla, má tá tú i bhfostaíocht inárachais agus tá tú ag éileamh Íocaíochta Teaghlaigh Aontuismitheora ach stopann tú de bheith ag obair mar thoradh ar ghalar, féadann tú d'Íocaíocht Teaghlaigh Aontuismitheora a choinneáil agus d'fhéadfá a bheith i dteideal Sochar Breoiteachta ar leathráta freisin. Gan amhras, ní mór duit na coinníollacha incháilithe le haghaidh Sochar Breoiteachta a chomhlíonadh chun a bheith ina theideal.

Má tá tú ag obair agus ag fáil íocaíocht leasa shóisialaigh ar ráta laghdaithe, d'fhéadfá Sochar Cuardaitheora Poist, Sochar Breoiteachta, Sochar Máithreachais, nó Forlíonadh Éagumais ag níos mó ná leathráta a fháil nuair a stopfaidh tú de bheith ag obair.