Pacáiste Sochar Teaghlaigh

Eolas

Má chomhlíonann tú roinnt coinníollacha, d'fhéadfadh sé go mbeadh tú i dteideal na Pacáiste Sochar Teaghlaigh. Tá an pacáiste seo ar fáil do dhaoine atá ina gcónaí sa Stát. Ní féidir ach le duine amháin i dteaghlach cáiliú le haghaidh an phacáiste uair ar bith.

San áireamh sa Pacáiste Sochar Teaghlaigh tá:

• Liúntas Leictreachais
• Liúntas Gáis Nádúrtha
• Liúntas Leictreachais (Grúpchuntas)
• Liúntas le Buidéal Gáis a Athlíonadh
• Liúntas Teileafóin
• Ceadúnas Teilifíse Saor in Aisce

Má tá foinse leictreachais nó gáis nádúrtha agat ní mór duit rogha a dhéanamh idir an Liúntas Leictreachais agus an Liúntas Gáis Nádúrtha. Ní féidir an Liúntas Leictreachais/Liúntas (Grúpchuntas) Leictreachais a íoc ag níos mó ná seoladh amháin nó ag an am céanna le Liúntas Gáis Nádúrtha.

Liúntas Leictreachais

Clúdaíonn an Liúntas Leictreachais gnáth-tháillí seasta agus suas le 1,800 aonaid leictreachais sa bhliain (300 aonad leictreachais i ngach bille dhá-mhí). Ó Meán Fómhair 2010 clúdaíonn an Liúntas Leictreachais an Oibleagáid Seirbhíse Poiblí (OSP) agus CBL ar an tobhach freisin.

BSL

Tar éis d’iarratas ar Liúntas Leictreachais a bheith faofa, tugann an Roinn Coimirce Sóisialaí fógra do BSL, a dhéanfaidh an liúntas a chur i bhfeidhm ar an gcéad bhille eile nó ina dhiaidh sin, lena n-áirítear creidmheas siardhátaithe ar bith.

Íoctar an liúntas díreach le BSL. Caithfear íoc mar is gnáth as leictreachas ar bith a úsáidtear os cionn an liúntais. Mura n-úsáideann tú na haonaid saor in aisce go léir, féadtar suas go dtí 1200 aonad saor in aisce gan úsáid a thabhairt ar aghaidh idir gach tréimhse billeála. Bíonn modhanna íocaíochta difriúla i gceist má athraíonn tú ón BSL chuig soláthraí leictreachais eile - féach 'Soláthraithe leictreachais eile' thíos.

Má tá méadar ‘Nightsaver’ agat sa teach, laghdóidh na haonaid leictreachais saor in aisce gan úsáid an costas leictreachais sa chuntas ‘Nightsaver’ atá agat.

Soláthraithe leictreachais eile

Mura bhfuil BSL mar sholáthraí leictreachais agat, íocfar an Liúntas Leictreachais díreach leat le húsáid i dtreo do bhille leictreachais. Sa chás sin, is féidir leat an liúntas a íoc isteach sa chuntas bainc atá agat nó in Oifig an Phoist áitiúil.

Má tá Liúntas Leictreachais á fháil agat cheana féin agus má athraíonn tú an soláthraí leictreachais atá agat, ní gá duit iarratas a dhéanamh an athuair.

Liúntas Leictreachais (Grúpchuntas)

D'fhéadfadh sé go mbeadh tú i dteideal Liúntas Leictreachais (Grúpchuntas) má tá tú i do chónaí i lóistín glanscartha (seomraí nó árasán) agus:

• Má tá do mhéadar sliotáin féin agat

nó

• Má bhíonn roinnt méadar leictreachais éagsúla ag obair ó mhéadar amháin soláthraí agus más é/í an tiarna talún custaiméir cláraithe an soláthraí

nó

• Muna bhfuil méadar faoi leith agat ach más tiarna talún é/í an tomhaltóir cláraithe aibhléise ag do sheoladh.

Íoctar an Liúntas Leictreachais (Grúpchuntas) ar an gcéad Mháirt de gach mí chuig cuntas in institiúid airgeadais, i mbanc mar shampla, nó san oifig poist áitiúil má tá cárta seirbhísí leasa shóisialaigh agat. Más trí oifig an phoist, le cárta seirbhísí leasa shóisialaigh, a gheibheann tú d’íocaíocht, tá 56 lá agat chun d'íocaíocht a bhailiú. Más trí oifig an phoist, le cárta seirbhísí leasa shóisialaigh, a gheibheann tú d’íocaíocht, tá 56 lá agat chun d'íocaíocht a bhailiú.

Liúntas Gáis Nádúrtha

Tár éis ceadaithe d’iarratas ar Liúntais Gáis Nadúrtha, cuirfidh an Roinn in iúl do sholáthraí gáis. Cuirfidh an soláthraí an liúntas i bhfeidhm ar an dara bhille ina dhiaidh an dháta sin, aon seanchreidmheas atá ag dul duit san áireamh.

Ag brath ar do sholáthraí, íocfar leat an liúntas mar chreidmheas ar do bhille gáis nó íocfar ar an chéad Mháirt de gach mí isteach i gcuntas institiúid airgeadais ainmnithe nó oifig an phoist ainmnithe.

Má íoctar an liúntas mar chreidmheas ar do bhille gáis, cuirfidh an Roinn in iúl do sholáthraí gáis. Cuirfidh an soláthraí an liúntas i bhfeidhm ar an dara bhille ina dhiaidh sin, aon seanchreidmheas atá ag dul duit san áireamh. Má tharlaíonn sé nár úsáid tú do liúntas iomlán féadfaidh tú suas le €150 a chur in aghaidh do chéad bhille eile do sholáthraí láithreach

Má úsáideann tú gás nach seoltar tríd an líonra náisiúnta, féadfaidh tú iarratas a dhéanamh Liúntas Gáis Airgid freisin. Cuirtear iomar gáis ar fáil in aiteanna áirithe, mar shampla, agus soláthraítear gás do thithe a bhfuil a méadair féin acu.

Liúntas ar Bhuidéal Gáis a Athlíonadh

Má tharlaíonn sé nach bhfuil d’áras teaghlaigh nasctha leis an soláthar leictreachais/gáis nádúrtha ach na coinníollacha a chomhlíonadh, féadfaidh tú leas a bhaint as an Liúntas d'Athlán Gáis Bhuidéalaithe.

Íoctar an Liúntas ar Bhuidéal Gáis ar an 1ú Máirt de gach mí isteach i gcuntas i bhforas airgeadais ainmnithe, mar shampla, banc nó trí d'oifig an phoist áitiúil, má tá cárta seirbhísí leasa shóisialaigh agat. Más trí oifig an phoist, le cárta seirbhísí leasa shóisialaigh, a gheibheann tú d’íocaíocht, tá 56 lá agat chun d'íocaíocht a bhailiú.

Tá an Liúntas ar Bhuidéal Gáis a Athlíonadh ar fáil amháin do dhaoine nach bhfuil aon soláthar leictreachais nó gáis nádúrtha ina dtithe acu.

Liúntas Teileafóin

Is é atá sa Liúntas Teileafóin ná íocaíocht le cuidiú leat do bhille teileafóin líne talún nó teileafóin póca a íoc. Ní féidir leat ach Liúntas Teileafóin amháin sa teaglach a fháil agus an liúntas a usáid le haghaidh teileafóin líne talún nó teileafóin póca.

Má úsáideann tú an Liúntas Teileafóin do do theileafón líne talún, íoctar é mar chreidmheas ar do bhille teileafóin. Áfach, mura féidir le do sholáthraí teileafóin é seo a éascú, is féidir é a bheith íoctha isteach i gcuntas institiúid airgeadais ainmnithe nó oifig an phoist ainmnithe. Caithfidh an cuntas teileafóin bheith i do chuid ainm nó i gcomhúinéireacht. Mura mbíonn é sin an cás, caithfidh tú dul i dteagmháil le do sholáthraí chun an t-ainm a athrú.

Má úsáideann tú do Liúntas Teileafóin do do theileafón póca, is féidir leat é a úsáid chun do bhille theileafón póca a íoc nó chun creidmheas a cheannach. Íoctar leat é ar an chéad Mháirt de gach mí. Is féidir leat a roghnú go n-íocfaí do liúntas in oifig phoist nó institiúid airgeadais, mar shampla, i mbanc. Más trí oifig an phoist, le cárta seirbhísí leasa shóisialaigh, a gheibheann tú d’íocaíocht, tá 56 lá agat chun d'íocaíocht a bhailiú.

Ní chlúdaíonn an liúntas táille suiteála don teileafón.

Ní mór don gcuntas gutháin a bheith i d’ainm féin nó ina chomhchuntas. Muna bhfuil sé seo amhlaidh iarr ar do sholáthraí an ainm a athrú ar an gcuntas.

Má tá do theach roinnte ina árasáin nó ina leithleanna, ní bheith tú incháilithe le haghaidh Liúntas Teileafóin mura bhfuil sé cláraithe i d’ainm agus lonnaithe i d’árasán/leithleann phríobháideach.

Má tá daoine 70 bliain d’aois nó os a cionn, áfach, agus cónaí orthu i dteach altranais agus má tá a gcuntas gutháin féin acu, d’fhéadfá Liúntas Gutháin a fháil.

Ceadúnas Teilifíse Saor in Aisce

Nuair a bhíonn tú i dteideal na Pacáiste Sochar Teaghlaigh bíonn tú in ann Ceadúnas Teilifíse Saor in Aisce a fháil ó dháta athnuachana do cheadúnas teilifíse.

Má ta tú cáilithe don Phacáiste Sochair Teaghlaigh, gheobhaidh tú cheadúnas teilifíse ón Roinn Coimirce Sóisialaí. Cuireann an Roinn fógra don Post go bhfuil tu i dteideal cheadúnas saor fad atá tú i incháilithe don Scéim Sochair Teaghlaigh.