Grúpaí Gníomhaíochta Lucht Scoir in Éirinn
Réamhrá
De réim mar atá daoine ag caitheamh sciar níos mó dá saol gníomhach ar scor bunaíodh a lán eagraíochtaí le tacú le daoine ar scor leanúint ar aghaidh lena gcuid caitheamh aimsire, imeachtaí fóillíochta agus oideachais. Tá réimse leathan eagraíochtaí ann do dhaoine breacaosta atá ar scor agus baineann an formhór acu le ceann de na ranga seo a leanas:
- Gníomhaíochtaí
- Feachtais
- Tacaíocht, lena n-áirítear eagraíochtaí cúramóirí.
Seo liosta de na heagraíochtaí sin mar aon le cur síos gearr ar a gcuid
aidhmeanna agus na gníomhaíochtaí a bhíonn ar siúl acu. Féadfaidh tú
teagmháil a dhéanamh le do Ionad
Faisnéise do Shaoránaigh nó leabharlann áitiúil chun sonraí a fháil
faoi ghrúpaí daoine breacaosta i do cheantar.
Gníomhaíochtaí
I measc na ngrúpaí a dhíríonn ar ghníomhaíochtaí tá cumainn ghníomhaíochta lucht scoir agus grúpaí spóirt, ealaíon agus cultúir. Díríonn cuid acu ar chaidreamh sóisialta a sholáthar ach eagraíonn cuid eile acu mórchuid gníomhaíochtaí lena n-áirítear oideachas, oiliúint agus caitheamh aimsire traidisiúnta.
Lucht Scoir Gníomhach
Is líonra náisiúnta é seo de chumainn áitiúla gníomhaíochta lucht scoir
a bhfuil sé d’aidhm aige cur ar chumas lucht scoir saol iomlán gníomhach a
chaitheamh agus stocaireacht a dhéanamh ar a son. Féadfaidh tú dul i
dteagmháil le Lucht Scoir Gníomhach le fáil amach faoi do cumann
gníomhaíochta lucht scoir áitiúil nó le fáil amach conas grúpa nua a
bhunú.
Aostacht agus Deiseanna
Oibríonn Aostacht agus Deiseanna chun deiseanna a chur ar fáil chun go mbeidh
daoine breacaosta in ann páirt níos mó a ghlacadh i réimse
gníomhaíochtaí ó na healaíona agus gníomhaíochtaí coirp go cur chun
cinn cothroime aoise.
Stocaireacht
Déanann roinnt eagraíochtaí stocaireacht ar son cearta daoine breacaosta in Éirinn. Bíonn feachtais acu chun feasacht a spreagadh faoi cheisteanna a bhaineann le daoine breacaosta agus chun tionchar a bheith acu ar bheartas rialtais. Ina measc siúd tá:
Older & Bolder
Comhaontas eagraíochtaí neamhrialtasacha a sheasann ar son cearta daoine
breacaosta go léir is ea é seo. Tá siad ag obair chun sochaí a oireann do
dhaoine aosta a chruthú.
Líonra na mBan
Breacaosta
Is líonra náisiúnta é seo a nascann mná aonair agus grúpaí ban os cionn
55 bliana d’aois le chéile. Cuireann an líonra fóram ar fáil do mhná
breacaosta chun go bhféadfaidh siad teacht le chéile chun a scéalta a insint
agus plé a dhéanamh ar cheisteanna ar ábhar imní dóibh iad. Oibríonn sé
chun athrú dearfach a chur chun cinn agus cuimsiú sóisialta na mban
breacaosta a chinntiú. Is féidir le mná atá ina gcónaí in Éirinn agus a
tacaíonn le haidhmeanna na heagraíochta bheith ina mbaill.
Parlaimint Seanóirí na
hÉireann
Bíonn an eagraíocht i dteagmháil leis an rialtas agus le comhlachtaí
poiblí agus labhraíonn siad thar ceann na seanóirí agus a leasanna maidir
le ceisteanna a bhaineann leo ar nós cúrsaí ioncaim, sláinte agus
tithíocht.
Cónaidhm Náisiúnta Cumann
Pinsinéirí
Eagraíocht ionadaíochta chumann pinsinéirí is í an Chónaidhm seo a bhfuil
sé d’aidhm aici leasanna pinsinéirí agus daoine ar scor a chosaint agus a
chur chun cinn ó thaobh leasa shóisialaigh, sláinte, aoisliúntais agus
cánach.
Age Action Ireland
Eagraíocht í Age Action Ireland a dhéanann stocaireacht thar ceann
seanóirí agus daoine breacaosta. Is í aidhm na heagraíochta ná athrú
bunúsach a dhéanamh ar shaol na ndaoine breacaosta go léir trí chumhacht a
thabhairt dóibh saol iomlán a chaitheamh mar shaoránaigh gníomhacha agus a
chinntiú go bhfuil sé de cheart acu seirbhísí ardcháilíochta
cuimsitheacha a bheith acu a oireann dá ndálaí athraitheacha.
Tacaíocht agus faisnéis
Tá roinnt grúpaí a chuireann tacaíocht agus faisnéis ar fáil do dhaoine breacaosta. Tá a lán daoine breacaosta ag maireachtáil ina n-aonar agus tá a lán eile acu ag tabhairt aire do dhaoine laga breacaosta nó do dhaoine eile a bhfuil cúram teaghlaigh ag teastáil uathu.
Líne
Chabhrach Seanóirí
Seirbhís éisteachta faoi rún is ea Líne Chabhrach Seanóirí atá á
reáchtáil ag daoine breacaosta i gcomhair daoine breacaosta atá ina gcónaí
ar leithligh nó atá uaigneach. Is féidir glaoch orthu ó áit ar bith in
Éirinn ar phraghas ghlaoigh áitiúil. Bíonn na línte ar oscailt Luan go
Déardaoin ó 10 r.n. go 10 i.n., Aoine ó 10 r.n go 4 i.n. ó 7 i.n. go 10
i.n., Satharn ó 10 r.n go 4 i.n. agus Domhnach ó 10 r.n go 1 i.n agus ó 7
i.n. go 10 i.n. Íosghlao: 1850 440 444.
Comhairle na hÉireann um
Pleanáil do Lucht Scoir
Is í aidhm na Comhairle ná daoine a ullmhú i gcomhair na tréimhse sin dá
saol nuair a rachaidh siad ar scor. Forbraíonn agus eagraíonn sí cúrsaí
mar ullmhúcháin le haghaidh dul ar scor agus athrú saoil agus cabhraíonn
sí leo na buntáistí agus na fadhbanna a bhaineann le dul ar scoil a
thuiscint.
ALONE
Cuireann ALONE tacaíocht ar fáil do dhaoine breacaosta leochaileacha trí
thithíocht sealadach nó bhuan a sholáthar dóibh agus trí dul i ngleic le
fadhbanna uaignis agus aonraithe. Oibríonn an fhoireann agus oibrithe deonacha
le daoine breacaosta sa tithíocht atá tógtha ag ALONE dóibh agus i measc an
phobail.
Cairde na nDaoine
Scothaosta
Cumann carthanach Éireannach is ea Cairde na nDaoine Scothaosta a chuireann
cairdeas agus deiseanna sóisialta ar fáil do dhaoine scothaosta go mór mór
dóibh siúd atá ina gcónaí ina n-aonar. Tugann a gcuid saorálaithe
cuairteanna ar na daoine scothaosta sa bhaile i mórcheantar Bhaile Átha
Cliath.
Tacaíocht do Chúramóirí
Cumann na
gCúramóirí
Is í aidhm Chumann na gCúramóirí ná tacaíocht a thabhairt do bhaill
teaghlaigh a thugann cúram do daoine breacaosta laga. Déanann an eagraíocht
stocaireacht agus aighneacht ar son cúramóirí teaghlaigh ina n-árais
chónaithe féin nach bhfuil seirbhísí mar faoiseamh baile acu. Tá na
seirbhísí sin lánriachtanach do na cúramóirí teaghlaigh. Tá líonra
acmhainní acu i gcomhair cúramóirí.
Cúram don Lucht
Cúraim
Oibríonn Cúram do Lucht Cúraim chun sláinte leas agus cáilíocht beatha
gach cúramóir teaghlaigh agus na ndaoine a dtugann siad cúram dóibh a chur
chun cinn. Díríonn an eagraíocht ar na réimsí aitheantais, soláthar
faisnéise faoi sochair agus teidlíochtaí, faoisimh, oiliúna, taighde agus
aighneachta chun cuimsiú sóisialta a chur chun cinn.
Comhaontas Cúraim na hÉireann
Líonra náisiúnta eagraíochtaí deonacha is ea é seo a chuireann tacaíocht
ar fáil do chúramóirí agus is brateagraíocht é a dhéanann ionadaíocht
ar son.
Teanga
Ábhar Gaolmhar
- An Clár Go For Life
Tá cur síos anseo ar an gClár Go for Life, clár a bhfuil sé mar aidhm aige cur leis an rannpháirtíocht a bhíonn ag daoine aosta i spórt agus in imeachtaí fisiciúla. - Tithe do Dhaoine Aosta
Cur síos atá anseo ar na scéimeanna speisialta deontais tithe agus deontais feabhsúcháin tí do dhaoine aosta agus do dhaoine le míchumais. - Seicliosta: teidlíochtaí do dhaoine aosta
Quick links to entitlements and services for older people
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.