Soilsiú rothar in Éirinn

Rialacha

Ní mór frithchaiteoir cúil a thaispeáint i gcónaí ar gach rothar a mbaintear leas as ar bhóithre poiblí in Éirinn. Is éard is brí le frithchaiteoir cúil ná frithchaiteoir dearg ar sofheicthe é go ceann fhad 325 troigh ar chúl nuair a bhíonn ceannsoilse feithicle ag lonrú go díreach air. Is é an t-aon eisceacht amháin ar an riail seo ná ar rothar páiste sa chás go mbaintear leas as an rothar sin i gcaitheamh sholas an lae.

I rith "na huaireanta soilsithe", is é sin an tréimhse arna tosú leathuair tar éis luí na gréine agus arna críochnú leathuair roimh éirí na gréine an mhaidin dár gcionn; ní foláir do gach rothaí an soilsiú seo a leanas a bheith feistithe (agus a leas a bhaint as) ar a rothar:

• Lampa tosaigh amháin
• Lampa cúil amháin.

Lampaí Tosaigh

Is éard is brí le lampa tosaigh ná lampa ar feistithe ar fheithicil tiomána neamh-mheicniúla é; agus solas bán nó solas buí ar taispeáint chun tosaigh uaidh, solas ar feiceálach ó fhad réasúnta é.

Lampaí Cúil

Is lampa ar feistithe ar chúl do rothair é lampa cúil, agus nuair a lastar é, ba cheart go mbeadh solas dearg le feiceáil as ar feiceálach ó 500 troigh é.

Ní chaitear na lampaí a bheith ar lasadh nuair a bhítear tagtha chun staid i lár tráchta nó nuair a choisíonn duine leis an rothar chomh gar agus is féidir go colbha na láimhe clé den bhóthar.

Is cion é, de réir na Rialacháin um Thrácht ar Bhóithre (Soilsiú Feithiclí), 1963, gan leas a bhaint as soilsiú cuí ar rothar. Má stadann Garda tú, féadann an Garda sin d'ainm agus do sheoladh, sonraí faoi do rothair, agus am agus dáta an chiona a thabhairt uait. Féadtar foláireamh a thabhairt duit nó féadtar toghairm chun teacht os comhair na cúirte a eisiúint duit.

Tugann cur i bhfeidhm na Rialachán sin cosaint do gach aon úsáideoir (bóthair) - na rothaithe san áireamh. Cuideoidh leas éifeachtach a bhaint as soilsiú ar do rothar le seachaint timpistí agus b'fhéidir go sabhálfaí do bheatha leis.