Liúntas Soghluaiseachta

Rialacha

Ní mór na coinníollacha seo a shásamh le bheith i dteideal na híocaíochta seo:

• Gan a bheith in ann siúl, fiú má bhíonn géaga bréaga nó cúnamh cuí eile agat, nó de bharr drochshláinte go mbeadh sé dainséarach do do shláinte brú a chur ort féin agus dul amach ag siúl
• Ní mór go mbeadh gach cosúlacht ann nach mbeidh sé ar do chumas siúl go ceann bliana ar a laghad
• Ní mór go mbeadh cead dochtúra agat bogadh thart
• Ní mór go mbeadh sé tairbheach duit bogadh ón áit ina bhfuil tú
• Ní mór gur i do chónaí sa bhaile nó in institiúid fhad-théarmacha atá tú
• Ní mór duit scrúdú maoine a shásamh

Is é/í PríomhOifigeach Leighis an Cheantair sa bhord sláinte a dhéanann an cinneadh an sásaíonn tú na coinníollacha leighis. Tá an scrúdú maoine cosúil leis an scrúdú maoine don Liúntas Míchumais.

Ón 1 Iúil 2002, má tá tú ag fáil Deontas Iompair Mhótair agus má bhíodh Liúntas Soghluaiseachta dhá fháil agat ní bheidh an Liúntas Soghluaiseachta ar fáil níos mó duit. Tarlaíonn seo mar gheall go bhfuil an coinníoll ag baint leis an Deontas Iompair Mhótair nach n-iarrfar ar an mBord Sláinte ag am ar bith sa todhchaí íocaíocht a chur ar fáil i dtreo na gcostas reatha a bhaineann leis an bhfeithicil. Ní bheidh tú i dteideal Líúntas Soghluaiseachta arís go ceann trí bliana ón dáta gur íocadh an Deontas Iompair Mhótair leat.

Achomharc a dhéanamh má dhiúltaítear iarratas ar Liúntas So-Aistritheachta

Níl aon chóras reachtúil ann maidir le hachomharc a dhéanamh ar Liúntas So-Aistritheachta. Is é sin le rá, níl do chead achomhairc leagtha síos sa dlí má dhiúltaíonn do Limistéar Fheidhmeannacht na Seirbhíse Sláinte Liúntas So-Aistritheachta a thabhairt duit. Má dhéantar tú a dhiúltú, áfach, inseoidh an Limistéar Fheidhmeannacht na Seirbhíse Sláinte go foirmiúil duit i scríbhinn faoin gcinneadh a rinne sé agus tabharfaidh sé sonraí duit maidir le hachomharc a dhéanamh ina aghaidh.

D’fhéadfadh difríochtaí a bheith ann i gcás an phróisis sin ó Limistéar amháin go Limistéar eile d’Fheidhmeannacht na Seirbhíse Sláinte. Bíonn ‘Éisteacht Athbhreithnithe’ ag cuid de na Limistéir nuair a bhuaileann Oifigigh Shinsearacha neamhspleácha Míocháine leis an iarratasóir chun athbhreithniú a dhéanamh ar an iarratas agus ar an bhfianaise míochaine. Cuireann Limistéir eile d’Fheidhmeannacht na Seirbhíse Sláinte an t-iarratas ar aghaidh go dtí a nOifig Athbhreithnithe chun go ndéanfar é a iniúchadh. Téigh i dteagmháil le Limistéar Fheidhmeannacht na Seirbhíse Sláinte i do cheantar féin chun eolas a fháil faoin gcóras achomhairc atá acu.