Cárta Páirceála Duine le Míchumas

Eolas

Tá cártaí páirceála Eorpacha ar fáil do dhaoine le míchumais áirithe agus do dhaoine atá cláraithe dall, is cuma más tiománaithe nó paisinéirí iad. Is féidir le duine le míchumas an cárta a úsáid in aon fheithicil ina bhfuil sé nó sí ag taisteal. Ciallaíonn sé seo gur féidir le duine le míchumas an cárta a thabhairt leis nó léi agus é a thaispeáint san fheithicil atá i gceist cé go bhfuil sé nó sí ina phaisinéir ag amanna difriúla ag daoine difriúla. Tá an cárta páirceála dlisteanach do thréimhse 2 bhliain ón dáta a éisíodh é. Go hiondúil ní éisítear an cárta do dhaoine faoi bhun 5 bliana d'aois.

Tá an scéim Cárta Páirceála do thiománaithe agus paisinéirí le mí chumais i bhfeidhm i gclósanna páirceála poiblí amháin. Ach mar sin féin, tugann an scéim an deis do chlósanna páirceála príobháideacha agus ollmhargaidh, srl, monatóireacht níos éifeachtaí a dhéanamh ar áiteanna atá curtha ar leataobh do dhaoine le míchumais.

Is féidir le daoine le míchumais cártaí páirceála Eorpacha a úsáid lastigh de 5 bhall stáit déag an Aontais Eorpaigh agus tá siad aitheanta i Stáit Aontaithe Meiriceá agus i gCeanada chomh maith. Ciallaíonn sé seo gur féidir leat do chárta páirceála Eorpach a thabhairt leat agus tú thar lear. Ach mar sin féin, tá sé tábhachtach cur i gcuimhne go gcaithfidh tú breathnú amach do dhlíthe bóthair agus na teorainneacha atá i bhfeidhm maidir le páirceáil i dtíortha eile.

Is iad Cumann na dTiománaithe le Míchumais agus Cumann Cathaoir Rothaí na hÉireann a riarann an scéim cárta páirceála. Déan iarratas i scríbhinn don chárta chuig an dá eagraíocht.

I mí an Mheitheamh, tar éis athbhreithniú ar an Scéim Páirceála do dhaoine faoi Mhíchumas, thug SI 239.2011 Rialacháin um Thrácht ar Bhóithre (Trácht agus Páirceáil) (Leasú) 2011 isteach athruithe ar an Scéim lena n-áirítear:

• Athruithe chuig na critéir teidlíochta míochaine chun díriú tuilleadh ar leibhéal an mhillte gluaisteachta
• Miosúir nua chun úsáid chalaoiseach de cheadanna a laghdú
• Méadú ar chomh mór is atá cineálacha bánna páirceála éagsúla
• Tabhairt isteach cineálacha bánna páirceála nua do dhaoine faoi mhíchumas
• Cumhachtaí a thabhairt d'údaráis áitiúla áiteanna páirceála le srian ama orthu a thabhairt isteach
• Spásanna tuirlingthe den charr agus bailithe do dhaoine faoi mhíchumas amháin

Bhain an Rialachán an díolúine a bhí ann do shealbhóirí Chárta Páirceála ón riail i gcoinne páirceála arís sa áit phoiblí céanna taobh istigh d'aon uair an chloig.