Ionaid Eolais don Óige
Eolas
Tá Ionaid Eolais don Óige lonnaithe ar fud na hÉireann agus cuireann siad eolas saor in aisce, faoi rún ar fáil do dhaoine óga agus do dhaoine atá ag obair leis an óige. Tá eolas ar fáil uathu ar ábhair a bhaineann le hoideachas, fostaíocht, slíte beatha, cearta agus teidlíochtaí, spórt, taisteal agus deiseanna Eorpacha do dhaoine óga.
I measc na n-acmhainní atá ag Ionaid Eolais don Óige tá nuachtáin, treoirleabhair, bileoga eolais, fístéipeanna, cláracha fógraí agus bancanna sonraí ríomhaireachta. Is féidir úsáid a bhaint as an idirlíon i gcuid de na hIonaid Eolais, seirbhís ullmhúcháin CV a fháil ar chostas íseal, Cártaí Eorpacha Óige agus cártaí Brúnna a fháil. Is féidir do cheist a phlé go príobháideach leis an bhfoireann ag an Ionad Eolais don Óige.
Go ginearálta, ní chuireann Ionaid Eolais don Óige a gcuid bileoga eolais féin le chéile, ach amháin i gcás eolais áitiúil. Tagann formhór an ábhair ó údaráis eile reachtúla agus deonacha. Bíonn an fhoireann sna hIonaid Eolais don Óige ag comhoibriú le údaráis reachtúla agus deonacha agus d'fhéadfadh sé go molfadh an fhoireann duit teagmháil a dhéanamh leis na húdaráis sin muna féidir leo féin do cheist a fhreagairt.
Imeachtaí for-rochtana
Cuireann Ionaid Eolais don Óige réimse imeachtaí for-rochtana ar fáil atá dírithe ar eolas a thabhairt do dhaoine óga tríd pointí eolais, foilseacháin, ceardlanna, seimineáir, taispeántais, scoileanna agus obair chlubanna óige chomh maith leis an raidió áitiúil agus nuachtáin.
Rialacha
Tá Ionaid Eolais don Óige ar fáil do gach duine óg agus do dhaoine atá ag obair leis an óige.
Rataí
Níl aon táille le n-íoc as eolas a fháil ó Ionaid Eolais don Óige. Ach, d'fhéadfadh sé go mbeadh costas beag le n-íoc ar fhótachóipeanna.
Conas iarratas a dhéanamh
Is féidir leat dul isteach in Ionad Eolais don Óige le cúnamh a fháil maidir le ceist faoi leith nó díreach le breathnú ar an gcineál eolais atá ar fáil ann. Is féidir freisin glaoch gutháin nó ríomh-phost a sheoladh chuig an ionad má bhíonn ceist bheag shimplí agat.
Cá háit a ndéanfaidh mé iarratas
An Roinn Oideachais agus Eolaíochta
Rannóg Eolas don Ógra
Bloc 2
Urlár 2
Sráid Maoilbhríde
Baile Átha Cliath 1
Éire
Láithreán Gréasáin: http://www.youthinformation.ie/
Teanga
Ábhar Gaolmhar
- Seirbhísí agus teidlíochtaí do dhaoine ag lorg tearmainn in
Éirinn
Más iarrthóir tearmainn thú i do chonaí i bhforáil dhíreach in Éirinn tá seirbhísí áirithe ag súil leat. - Ógánaigh gan dídean
Faisnéis maidir le hógánaigh gan dídean. Sonraí na seirbhísí agus tacaíochtaí atá ar fáil d'ógánaigh gan dídean nó atá i mbaol easpa dídine. - Clubanna Óige in Éirinn
Grúpaí áitiúla do dhaoine óga iad clubanna óige agus bíonn imeachtaí siamsaíochta agus oideachais mar chuid de chláracha na gclubanna óige.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.