Seirbhísí Leabharlann Phoiblí

Eolas

Bíonn leabharlanna poiblí ar oscailt do gach duine agus ní gá duit a bheith i do bhall den leabharlann mura bhfuil tú ach ag iarraidh rud éigin a léamh sa leabharlann, ceist a chur nó ábhar tagartha a sheiceáil (m.sh. eolaí teileafóin nó foclóir nó ciclipéid).

Caithfidh tú a bheith mar bhall den leabharlann má bhíonn tú ag iarraidh leabhair nó ábhair a thógáil ar iasacht nó mar a bhíonn i gceist go minic, má bhíonn tú ag iarraidh úsáid a bhaint as an Idirlíon.

Tá difríochtaí sna seirbhísí a chuireann leabharlanna áirithe ar fáil, bíonn sé sin ag brath ar a méid agus ar an áit a bhfuil an brainse suite agus ar pholasaithe an tseirbhís leabharlainne.

Seirbhísí Iasachta

Cuireann gach leabharlann phoiblí leabhair ar fáil gur féidir le muintir an phobal a thabhairt ar iasacht. Is féidir gach cineál leabhar a thabhairt ar iasacht, ficsean, (ar nós an leabhair is mó a díoladh le deireanasí nó úrscéal clasacach) agus leabhair nach ficsean iad (ar nós leabhair staire, beatháisnéisí, leabhair eolaíochta, leabhair taistil, leabhair féinchúnaimh ,rl.). Chomh maith le gnáthleabhair bíonn cóipeanna ag leabharlanna de leabhair i gcruth "cló mór", a thaitníonn go mór le léitheoirí a mbíonn amharc lag acu.

Seirbhís Iasachta Leanaí

Bionn roinn na nÓg agus na nDaoine Aosacha i bhformhór leabharlann. Leanaí suas go dtí aois áirithe a bhaineann leas as roinn na nÓg a chuireann leabhair agus ábhair ar fáil do leanaí go speisialta. Tá leabhair ar fáil i leabharlann na nÓg do leanaí ag gach aois, ó naíonáin suas go dtí déagóirí.

Áirthintí agus Iarratais

Má bhíonn an leabhar atá ag teastáil amuigh ar iasacht ag duine éigin eile, is féidir leat an leabhar sin a chur in áirthint duit féin trí fhoirm a chomhlánú. Cuirfidh an leabharlann ar an eolas tú nuair a bheidh an leabhar réidh le tabhairt amach ar iasacht arís.

Mura bhfuil an leabhar atá uait ag an leabharlann, is féidir leat iarratas a dhéanamh air, trí fhoirm eile a chomhlánú. Féadfaidh an leabharlann an leabhar a cheannach nó féadfaidh siad cóip eile a lorg trí iasacht idir-leabharlann. Is córas é sin inar féidir le leabharlanna in Éirinn, sa Ríocht Aontaithe agus ar fud an domhain rudaí a thabhairt ar iasacht dá chéile lena n-úsáid ag baill na leabharlainne.

Ábhair eile

Chomh maith le leabhair a thógáil ar iasacht, is féidir leat leabhair-éisteachta a thógáil ar iasacht as go leor leabharlanna, agus is éard atá iontu seo ná léitheoireacht taifeadta ar na leabhair. Bíonn gach cineál leabhair ar fáil atá taifeadta agus tá tú in ann iad a fháil ar théipeanna agus ar dhlúthdhioscaí

Bíonn duine in ann dlúthdhioscaí agus téipeanna ceoil a thógáil ar iasacht as go leor leabharlann. Bionn gach réimse ceoil orthu seo, ó cheol a bhíonn sna cairteanna go ceol traidisiúnta nó ceol clasacach.

Bíonn roinnt priontaí agus pictiúr ag leabharlainne freisin agus is féidir iad sin a thógáil ar iasacht.

Irisleabhair agus Nuachtáin

Bíonn sraith nuachtán laethúil agus tréimhseachán i leabharlanna poiblí lena n-áirítear nuachtáin náisiúnta agus áitiúla agus irisleabhair le topaici éagsúla iontu. (m.sh. gnó, sláinte agus saol maireachtála, garraíodóireacht, eolaíocht, an nádúr, stair.

Tagairt agus Seirbhísí Eolas Ginearálta

Bíonn roinn "tagartha" ag gach leabharlann phoiblí, ina mbíonn leabhair agus ábhair eile gur féidir a úsáid sa leabharlann. Ar na rudaí is mó a bhíonn le fáil sa roinn tagartha, bíonn achmhainní mar fhoclóirí, eolaithe, ciclipéidí, foilseacháin rialtais, eolas gnó, leabhair chinn bhliana agus léarscáileanna. Bíonn ábhar tagartha, go háirithe ábhair gnó, le fáil ar CD-ROM nó ar an Idirlíon.

Is féidir le leabharlanna poiblí sonraí teagmhála a chur ar fáil chomh maith le heolas ar na seirbhísí a chuireann an chomhairle chontae nó bardas ar fáil agus chomh maith leis sin ranna rialtais, ina mbeadh eolas faoi chúrsaí leasa shóisialaigh, ,rl.

Bíonn go leor eolas áitiúil le fáil i go leor leabharlann chomh maith le heolas faoi imeachtaí clubanna agus cumann go háitiúil.

Staidéir Áitiúla

Cruinníonn gach leabharlann phoiblí ábhar faoi stair a gcontae nó a n-áite féin. Bíonn gach cineál ábhair ar fáil lena n-áirítear stair an pharóiste agus an chontae, mapaí, grianghraif, pictiúir, seanthaifid, agus nuachtáin. I go leor cásanna bíonn an bailiúchán staire áitiúla le fáil i leabharlann an chontae mar sin ba chóir duit é sin a seiceáil ag do bhrainse áitiúil.

Seirbhísí Idirlín

Tá ríomhairí i ngach leabharlann phoiblí anois agus bíonn an pobal in ann úsáid a bhaint astu chun dul ar an Idirlíon. Caithfidh tú a bheith i do bhall den leabharlann formhór den am le haghaidh an tseirbhís seo a fháil. Go hiondúil beidh ort seisiún a chur in áirthint roimh ré ach ba chóir duit é sin a sheiceáil i do bhraince áitiúil.

Foghlaim Féinthreoraithe

Cuireann go leor leabharlann poiblí, go mórmór na leabharlanna móra, achmhainní ar fáil chun go mbeadh duine in ann cúrsa a fhoghlaim nó a leanúint iad féin. Bíonn cúinní teanga iontu seo agus ábhair thraenála bunaithe ar ríomhairí. Faigh sonraí fúthu sin ag do bhrainse áitiúil.