An Clár Go For Life

Eolas

Go for Life

Is é ‘Beir Beo ar an Saol’ (‘Go for Life’) an clár náisiúnta le haghaidh spóirt agus gníomhaíocht fhisiciúil i measc daoine scothaosta. Is é cuspóir Beir Beo ar an Saol go mbeidh baint ag líonta níos mó de dhaoine scothaosta i ngach gné den spórt agus den ghníomhaíocht fhisiciúil. Tá an clár á reáchtáil ag Age & Opportunity i gcomhpháirt le hAonaid Chothú na Sláinte d’Fheidmeanancht na Seirbhíse Sláinte (FSS) agus leis na Comhpháirtíochtaí Spóirt Áitiúla.

Tá ceithre ghné ar leith sa chlár Beir Bua ar an Saol:

  • An Clár Ceannaireachta
  • Spriocthionscnaimh
  • An Scéim Náisiúnta Deontais
  • An Clár Feasachta ar Ghníomhaíocht Fhisiciúil

An Clár Ceannaireachta

Tá sé mar aidhm ag an gClár Ceannaireachta rannpháirtíocht fheabhsaithe a chur chun cinn i measc daoine neamhspleácha aosta i ngach gné de ghníomhaíocht fhisiciúil a chuireann an tsláinte chun cinn agus i spóirt chaitheamh aimsire. Tá fáil ar theagascóirí Beir Bua ar an Saol chun oiliúint a chur ar cheannairí áitiúla gníomhaíochta fisiciúla (PAL) i ngníomhaíocht fhisiciúil le daoine aosta. Is gnách gur baill de ghrúpaí pobail iad PALanna, ar nós comhlachais scoir ghníomhaigh nó oibrithe ionad lae. Ar fud na tíre, tá breis agus 1,200 PAL gníomhach.

Spriocthionscnaimh

Cuireann na spriocthionscnaimh rannpháirtíocht fheabhsaithe chun cinn i measc daoine neamhspleácha nó daoine aosta atá faoi mhíbhuntáiste.

An Scéim Náisiúnta Deontais

Tionscnamh rialtais is ea an Scéim Náisiúnta Deontais do Spórt agus Gníomhaíocht Fhisiciúil i measc Daoine Aosta atá dírithe ar mhuintir aosta an phobail a spreagadh chun páirt a ghlacadh i spórt agus i ngníomhaíocht fhisiciúil.

Tá an scéim dírithe ar an méid a leanas a dhéanamh:

  • Cabhrú le clubanna agus le heagraíochtaí chun na deiseanna reatha a fheabhsú atá ann lena mbaill sa spórt agus i ngníomhaíochtaí caitheamh aimsire.
  • Cabhrú le clubanna agus le heagraíochtaí chun tionscnaimh nua a chur chun cinn atá dírithe ar rannpháirtíocht daoine aosta a spreagadh sa spórt agus i ngníomhaíochtaí caitheamh aimsire.

Is gnách go bhfáiltíonn clubanna agus eagraíochtaí áitiúla roimh iarratais ar chistiú faoin Scéim Náisiúnta Deontais ar mian leo tionscnaimh a chur i bhfeidhm, trí fhógraí sna nuachtáin agus sna meáin.

An Clár Feasachta ar Ghníomhaíocht Fhisiciúil

Tá sé de chuspóir ag an gClár Feasachta ar Ghníomhaíocht Fhisicúil an fheasacht atá i measc daoine aosta a mhéadú ar na tairbhí atá le baint ó stíl mhaireachtála ghníomhach agus ón réimse fairsing deiseanna atá ann chun bheith páirteach i maireachtáil ghníomhach agus sa spórt caitheamh aimsire.

Cá háit a ndéanfaidh mé iarratas

Go for Life

Institiúid Oideachais Marino
Griffith Avenue
Baile Atha Cliath 9
Éire

Teil:+353 (0)1 805 7733
Láithreán Gréasáin: http://www.ageandopportunity.ie/what-we-do/physical-activity-sport
R-phost: gfl@ageandopportunity.ie

Dáta an Leasaithe Deireanaigh: 31 May 2013

Teanga

English

Ábhar Gaolmhar

  • Grúpaí Gníomhaíochta Lucht Scoir
    Déantar cur síos anseo ar na h'eagraíochtaí éagsúla atá ann chun tacaíocht leis an aostach agus chun cabhrú leo páirt níos mó a ghlacadh i saol na tíre.
  • Cláir chun feasacht faoi alcól a fhorbairt
    Cuireann an doiciméad seo síos ar na cláir éagsúla chun feasacht faoi alcól a fhorbairt, a bhfuil sé mar chuspóir acu daoine a chur ar an eolas faoin mbaol atá ag an ólachán iomarcach, agus meon freagrach i leith alcóil a chur ar aghaidh.

Téigh i dteagmháil linn

Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 8in) no trí bhualadh isteach san Ionad Faisnéise do Shaoránaigh is gaire duit.