Ceadúnais Iascaireachta
Eolas
Rialaíonn Iascaigh Intíre na hÉireann cúrsaí slatiascaireachta in Éirinn, comhlacht Stáit a bunaíodh i mí Iúil 2010 tar éis chónascadh an Príomh-Bhoird Iascaigh agus na Boird Iascaigh Réigiúnacha mar aon ghníomhaireacht amháin. Is é an phríomhfheidhm atá ag Iascaigh Intíre na hÉireann ná comhairle a chur ar an Aire maidir le beartas a bhaineann le caomhnú, cosaint, bainistíocht, forbairt agus feabhsú iascaigh intíre agus slatiascaireachta mara. Cinntíonn sé go gcloítear le dlíthe iascaigh náisiúnta agus áitiúla in uiscebhealaí intíre agus amach chomh fada leis an teorainn iascaigh 12 mhíle amach ón gcósta. Cinntíonn sé freisin go dtugtar cosaint agus go gcaomhnaítear acmhainní iascaigh na hÉireann.
Tá an iascaireacht duáin in Éirinn roinnte sna rannóga seo a leanas: garbh, spórt, farraige, liús, agus breac. I measc na ngnéithe éisc atá faoi chosaint in Éirinn tá bradán, breac geal, bass farraige, iasc sliogánach, eascann agus iasc uisce locha ar fad. Teastaíonn ceadúnais ón Stát le dul ag iascaireacht bradáin nó breac geal in aon chuid den tír.
Feirmeacha Éisc
Cuireann truailliú uisce, márú éisc agus fadhbanna eile isteach ar dhaonra éisc i mbealaí uisce intíre. Tá clár bainistiú stoic éisc ag an bPríomh-Bhord Iascaigh le daonra éisc in áiteanna a d'fhulaing a thabhairt ar ais. Baineadh úsáid freisin as bainistiú stoic éisc le stádas na hiascaireachta a ardú agus le dul i ngleic le ceisteanna maidir le cosaint agus caomhnú na ngnéithe. Léigh tuilleadh faoi fheirmeacha éisc in Éirinn anseo.
Cosaint Acmhainní
Tá baint ag an Iascach Intíre Éireann, ag Cabhlach na hÉireann, ag an Aer Corps agus an Garda Síochána ar fad i gcaomhnú na n-acmhainní iascaireachta in uiscí intíre agus i bhfarraigí na hÉireann. Sa bhliain 1996 bunaíodh plean náisiúnta patróil ar mhaithe le comhordnú a dhéanamh ar an obair chosanta agus faire.
Tá sé mar aidhm ag na seirbhísí patróil agus faire cosc a chur ar ghníomhaíocht mhídhleathúil tríd a bheith i láthair agus le feiceáil chomh minic agus is féidir in uiscí agus farraigí agus leis an dlí a chur orthu siúd a bhriseann é, líonta mídhleathacha, trealamh, gléas iascaireachta agus an t-iasc féin a thógáil.
Cluaisíní a chur ar mhárú bradáin agus tuairisc a choinneáil
Tháinig córas i bhfeidhm in Éirinn sa bhliain 2000 le cluaisíní a chur ar bhradáin agus tuairisc a choinneáil ar gach márú tráchtála agus spóirt. Tá an córas seo cosúil le córais atá i bhfeidhm i gCeanada, sa Fhrainc, sa Spáinn agus i Stáit Aontaithe Meiriceá. Cuireann an córas cluaisíní seo staitisticí tábhachtacha ar fáil maidir le máruithe agus tuairim maidir le leibhéal stoic sna haibhneacha.
Rialacha
- Tá formhór uiscí na hÉireann in úinéireacht phríobháideach nó in úinéireacht an Stáit. Éisíonn úinéir an uisce ceadúnas iascaireachta a thugann cead iascaireachta ag tréimhsí éagsúla idir lá amháin agus séasúr uilig.
- Ní féidir breith ar iasc abhann ar aon bhealach eile go dleathúil in Éirinn ach le slat agus líne. Tá sé in aghaidh an dlí ag duine amháin a bheith ag baint úsáide as dhá slat ag aon am amháin.
- Tá sé i gcoinne an dlí a bheith ag baint úsáide as iasc beo mar baoite.
- Ní mór duit ceadúnais Iascaireachta Stáit, cluaisíní agus ceadúnas faoi leith iascaireachta a fháil más mian leat dul ag iascaireacht bradán agus breac geal. Tá tréimhsí ama agus praghasanna éagsúla ag baint leis na ceadúnais. (Breathnaigh thíos sa mhír conas iarratas a dhéanamh).
- Tagann deireadh le formhór na hiascaireachta ar an 30 Meán Fómhair gach bliain (roinnt eisceachtaí ann nuair a dhúnann áiteanna ar dhátaí éagsúla idir 15 Meán Fómhair agus 12 Deireadh Fómhair). Is féidir tuilleadh eolais a fháil ón mBord Réigiúnda Iascaigh.
- Tá sé i gcoinne an dlí aon bhreac geal a mhárú nó a choinneáil i gConamara (iarthar na hÉireann) nó i gceantar Bhaile na Coille (ó thuaidh de Chonamara).
- Tá sé mídhleathach bradán nó breac geal os cionn 40 cm a rugadh air le slat a dhíol idir an 1 Eanáir agus an 31 Deireadh Fómhair in aon bhliain.
- D'fhéadfadh sé go mbeadh iascaireacht teoranta ar uiscí faoi leith don fhlaidireacht nó d'fhéadfadh teoranna eile a bheith i bhfeidhm. Is féidir cinntiú le úinéir an uisce nó leis an mBord Réigiúnda Iascaigh má theastaíonn tuilleadh eolais.
Is féidir tuilleadh eolais faoi rialacháin iascaigh a fháil anseo.
Rataí
Is gá Ceadúnas Stáit a fháil chun iascaireacht a dhéanamh i gcomhair bradán agus breac geal. Is féidir leat ceadúnas a cheannach ar feadh lá amháin nó suas chomh fada le bliain. Tá faisnéis faoin réimse ceadúnais atá ar fáil agus faoin gcostas a bhaineann leo ar láithreán slatiascaireachta Iascaigh Intíre na hÉireann, áit ar féidir leat an ceadúnas a cheannach ar líne.
Cé go bhfuil gá le ceadúnas chun iascach i gcomhair bradán agus breac geal, ní chiallaíonn sé go bhfuil tú i dteideal iascach. Is iondúil go mbíonn gá le ceadúnais nó cead iascaigh ó úinéirí iascaigh freisin, agus ní mór é sin a fháil as féin. Go ginearálta, cosnaíonn ceadúnas iascaigh idir €20 agus €50 in aghaidh an lae.
Conas Iarratas a dhéanamh
Téigh i dteagmháil le do shiopa áitiúil iascaireachta, d’Oifig Áitiúil Iascaigh nó le Iascaigh Intíre na hÉireann chun tuilleadh faisnéise a fháil faoi cheadúnais agus slatiascaireacht i do cheantar.
Cá háit a ndéanfaidh mé iarratas
An Roinn Cumarsáide, Fuinnimh agus Acmhainní Nádúrtha
29-31 Bóthar Adelaide
Baile Átha Cliath 2
ÉIRE
Teil:+353 1 678 2000
Lóghlao:1890 449 900
Facs:+353 1 678 2449
Láithreán Gréasáin: http://www.dcenr.gov.ie/
Iascach Intíre Éireann
Aonad 4
Páirc Gnó Shoird
Shoird
Baile Átha Cliath
Éire
Teil:+353 1 884 2600
Facs:+353 1 836 0060
Láithreán Gréasáin: http://www.fisheriesireland.ie/
R-phost: info@cfb.ie
Teanga
Ábhar Gaolmhar
- Ceadúnú bád agus soithí uisce in Éirinn
Tá na rialacháin a bhaineann le baid aeraíochta agus soithí uisce a úsáid in Éirinn leagtha síos sa cháipéis seo. - An Scéim Sóisialta Tuaithe
Is í aidhm na scéime Sóisialta Tuaithe ná fordheontas ioncaim a sholáthar d'fheirmeoirí agus iascairí in Éirinn atá ag fáil íocaíochtaí leasa shóisialaigh ar bhonn fadtéarmach. - Cosaint chomhshaoil an dúlra agus na bithéagsúlachta
Tá sé mar aidhm ag réimse reachtaíochta in Éirinn agus san AE an bhithéagsúlacht a chinntiú trí ghnáthóga nádúrtha, agus fána agus flóra fiáin a chaomhnú.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.