Ceadúnais Seilge Fia

Rialacha

• Ní féidir fia a sheilg in Éirinn gan cheadúnas agus i measc na bpíonós gur féidir a ghearradh as fia a sheilg gan cheadúnas tá fíneálacha agus/nó téarma príosúnachta, nó an dá rud. Ní féidir fia a sheilg ach ar feadh na tréimhse atá luaite ar do cheadúnas.
• Ní mór duit a bheith ós cionn 16 bliana d'aois le ceadúnas a bheith agat.
• Is féidir le duine de náisiúnacht ar bith ceadúnas a bheith aige/aici.
• Ní mór duit do cheadúnas a chur ar fáil má iarrann aon duine le húdarás é (duine le húdarás é Garda nó oifigeach caomhnaithe atá fostaithe ag an SPNF).
• Is coir í aon athrú a dhéanamh ar cheadúnas seilige fia nó é a mhilleadh ar aon bhealach agus is féidir fíneálacha nó príosúnacht a ghearradh ar dhuine nó an dá rud dá bharr.
• Más mian leat fia a sheilg ar thalamh duine eile ní mór duit fianaise a chur ar fáil nuair a dhéanann tú iarratas ar an gceadúnas go bhfuil cead faighte agat ó úinéir na talún sin.
• Is féidir an t-iarratas ar cheadúnas a dhéanamh sa séasúr oscailt nó dúnta ach ní féidir fia a sheilg ach sa tréimhse atá luaite ar an gceadúnas. D'fhéadfadh sé go mbeadh próiseáil ar iarratais déanta níos tapúla sa séasúr dúnta.
• Ní mór duit sonraí maidir le d’arm tine (gunna) a chur ar fáil nuair atá ceadúnas dhá lorg agat. Teastaíonn arm tine de ar a laghad .220/.250 calibre go dlíthiúil le fia a sheilg agus armlóin de 50 gráinne meachán. Ní mór go mbeadh gach arm tine in Éirinn cláraithe agus ceadúnaithe.

Ní mór duit do dháta breithe a chur ar fáil.

Ceadúnas Seilge Fia

Beidh an t-eolas seo a leanas ar an gceadúnas seilge fia a eisíonn an tSeirbhís Pháirceanna Náisiúnta agus Fiabheatha duit:

• D'ainm agus do sheoladh
• Uimhir an cheadúnais
• Eolas maidir leis an Acht um Fhiabheatha 1976 (leasaithe)
• Síniú an oifigigh údaráithe a d'eisigh an ceadúnas
• Do shíniú féin.

Airm Tine

Más mian leat ceadúnas seilge fia a fháil, ní mór duit sonraí maidir le d'arm tine (gunna) a chur ar fáil leis an iarratas ar cheadúnas fia. Eisíonn Coimisinéir na nGardaí ceadúnais arm tine do ghunnaí a úsáidtear le fia a sheilg tríd an stáisiún áitiúil Garda. Baineann srianta tábhachtacha le húsáid agus scaoileadh na n-arm dáinséarach seo.

D'fhéadfadh sé go mbeadh an Garda áitiúil ag iarraidh ort fianaise a chur ar fáil go bhfuil slándáil chuí agat sa teach, uimhreacha fóilió má tá an t-arm le scaoileadh ar do chuid talún agus ceadúnas seilge fia roimh a chuireann siad teastas airm tine ar fáil duit. Más rud é nach úinéir talún thú d'fhéadfadh sé go mbeadh ort fianaise scríofa a chur ar fáil ó thriúr úinéir talún go bhfuil cead agat seilg a dhéanamh ar a dtalún chomh maith le ceadúnas seilge fia roimh dóibh teastas airm tine a eisiúint duit.