Ceadúnais tiomána foghlaimeora do leantóirí

Rialacha

Sula dtosaíonn tú ag foghlaim tiomána ar bhóithre poiblí in Éirinn agus tú ag tarraingt leantóir le huasmheáchan níos airde ná 750kg, ní mór duit ceadúnas foghlaimeora a bheith agat don chatagóir feithicle tarraingte le leantóir is mian leat a thiomáint. Ní mór duit a bheith i do shealbhóir de cheadúnas tiomána reatha do chatagóir feithicle tarraingte cheana féin, sula n-eiseofar an chéad cheadúnas foghlaimeora.

Chomh fada is atá tú ag tiomáint le ceadúnas foghlaimeora, ní mór duit duine atá ceadúnas tiomána reatha don chatagóir céanna de fheithicil tarraingte móide leantóir a bheith in éineacht leat agus tú a bheith faoina maoirsiú. Chomh maith leis sin, ní mór don duine atá in éineacht leat an ceadúnas tiomána a bheith aige/aici ar feadh ar laghad dhá bhliain.

Má tá ceadúnas foghlaimeora agat do chatagóir feithicle/leantóra, ní féidir leat tiomáint ar an mótarbhealach, feidhmiú mar thiománaí tionlacan don chatagóir sin, nó daoine eile a iompar ar luach saothair.

Ní mór do shealbhóirí cheadúnais foghlaimeora L-phlátaí a bheith chun tosaigh agus chun cúil na feithicle atá á tiomáint i gcónaí. Ba chóir go mbeadh an pláta ina 'L' dearg ar chúlra bán agus ní ceart iad a bheith níos lú ná 15cm ar airde le teorainn ar a laghad 2cm.

Catagóirí leantóirí

Seo a leanas na catagóirí agus aois íosta an tiománaí a bhaineann le tiománaí atá ag tarraingt leantóir, le huasmheáchan níos airde ná 750kg nuair atá sé lódáilte go hiomlán:

Is iondúil go mbíonn ceadúnas sealadach bailí ar feadh dhá bhliain. Chun do chéad cheadúnas foghlaimeora a fháil, ní mór duit ceadúnas tiomána iomlán don chatagóir sin de fheithicil tarraingte a bheith agat cheana féin. Mar shampla, chun do chéad cheadúnas foghlaimeora a fháil do Chatagóir EC, ní mór duit ceadúnas tiomána reatha a bheith agat do Chatagóir C. Ní mór duit teastas do thástáil teoirice tiomána don chatagóir cuí a bheith agat freisin. (Tá teastas tástála teoirice tiomána bailí ar feadh dhá bhliain.)

Ní féidir leat cur isteach ar an tríú ceadúnas foghlaimeora nó ar aon cheann ina dhiaidh sin murar féidir leat a chruthú:

• go ndearna tú tástáil tiomána sa tréimhse dhá bhliain díreach roimh an iarratais (ceadófar ceadúnas foghlaimeora dhá bhliana)

Nó

• Fianaise de dháta tástála atá ag teacht aníos (ceadófar ceadúnas foghlaimeora ar feadh bliana)

Má chuaigh do cheadúnas sealadach tiomána in éag 5 bliana ó shin, breathnófar ar d’iarratas mar iarratas ar do chéad cheadúnas sealadach tiomána.

Má athraím mo sheoladh nó m’ainm, an gá dom iarratas a dhéanamh ar cheadúnas sealadach tiomána nua?

Cé nach mór duit do cheadúnas sealadach tiomána a bheith leat an t-am ar fad nuair atá tú ag tiomáint, níl aon iachall ort faoin dlí do cheadúnas a athrú má athraíonn tú d’ainm nó do sheoladh. Moltar duit é sin a dhéanamh, áfach. Tá iachall ort fianaise ded’ cheadúnas a thaispeáint má iarrann An Garda Síochána ort é sin a dhéanamh, agus mar sin ba chóir faisnéis chun dáta a bheith ar do cheadúnas.

Is seirbhís saor in aisce atá i gceist chun do cheadúnas a mhalartú chun d’ainm nó do sheoladh a athrú. Tá sé saor in aisce freisin droimscríobh a bhaint de cheadúnas, catagóir de bhreis a chur leis, nó botún a cheartú.

Ní mór duit foirm iarratais comhlánaithe, 2 ghrianghraf den chineál a úsáidtear do phas (agus iad sínithe ar a gcúl) agus aon dhoiciméid tacaíochta a theastaíonn, cosúil le bunchóip de theastas pósta, a sheoladh isteach. Téigh i dteagmháil le d'Oifig Mótarchánach chun tuilleadh eolais a fháil.

Cén chaoi a ndéanaim ceadúnas sealadach tiomána atá caillte nó goidte a athsholáthar?

Má chuaigh do cheadúnas tiomána reatha amú, nó má goideadh é, má rinneadh damáiste dó nó má loiteadh é, ba chóir duit iarratas a dhéanamh chuig d’Oifig Mótarchánach áitiúil chun ceadúnas a fháil ina áit. Tá an ceadúnas seo ina chóip díreach de do bhuncheadúnas sealadach tiomána. Is féidir leat tuilleadh a fháil amach inár ndoiciméad ar athchóip a fháil de cheadúnas sealadach tiomána Éireannach a chuaigh amú nó a goideadh.