Obair dheonach agus íocaíochtaí leasa shóisialaigh
- Réamhrá
- Íocaíochtaí Míchumais
- Íocaíochtaí Cúramóra
- Íocaíochtaí Cuardaitheora Poist
- Íocaíochta Leasa Shóisialaigh Eile
Réamhrá
Dóigh mhaith is ea obair dheonach le coinneáil gníomhach, scileanna nua a fhoghlaim agus le bheith páirteach i do phobal áitiúil. Tá cead agat obair gan íocaíocht a dhéanamh mar shaorálaí agus d’íocaíocht leasa shóisialaigh a choinneáil. Beidh ort, áfach, leanúint ar aghaidh agus gach coinníoll a bhaineann le d’íocaíocht a chomhlíonadh.
Is é d’Oifig Leasa Shóisialaigh Áitiúil nó an rannóg a íocann
d’íocaíocht leasa shóisialaigh a chinnteoidh de ghnáth go bhfuil cead
agat d’íocaíocht leasa shóisialaigh a choinneáil agus oibriú mar
shaorálaí.
Íocaíochtaí Míchumais
De ghnáth, faigheann tú íocaíocht míchumais cionn is nach féidir leat oibriú. Má tá tú ag fáil Liúntas Míchumais, Sochar Breoiteachta nó Pinsean Easláinte, ní mór duit cead a fháil le hoibriú mar shaorálaí. Ní mór duit cur isteach ar an rannóg a íocann d’íocaíocht leasa shóisialaighsula dtosaíonn tú ar obair dheonach ar bith.
Má tá tú ag fáil Pinsean Easláinte
níl cead agat níos mó ná 19.5 uair d’obair dheonach a dhéanamh sa
tseachtain. Má tá tú ag fáil Sochar Breoiteachta
nó Liúntas
Míchumais, níl aon teorainn ar líon na n-uaireanta sa tseachtain a
bhfuil cead agat oibriú gan íocaíocht mar shaorálaí.
Íocaíochtaí Cúramóra
Le bheith incháilithe le haghaidh íocaíocht cúramóra ní mór duit a bheith ag soláthar cúraim lánaimseartha. Má tá tú ag fáil Liúntas Cúramóra nó Sochar Cúramóra, tá cead agat uasmhéid de 15 uair sa tseachtain d’obair dheonach a dhéanamh. Sula dtosaíonn tú ag obair mar shaorálaí, ní mór duit cead a fháil ó rannóg an Liúntais Chúramóra nó an tSochair Chúramóra sa Roinn Coimirce Sóisialaí.
Íocaíochtaí Cuardaitheora Poist
Caithfidh tú a bheith ar fáil agus ag lorg oibre chun Liúntas Cuardaitheora Poist nó Sochar Cuardaitheora Poist a fháil. Más mian leat obair dheonach a dhéanamh, ní mór duit cead a fháil ar dtús ón d’Oifigeach Breithiúnachta ag d’Oifig Leasa Shóisialaigh Áitiúil. Ní mór duit leanúint de choinníollacha d’íocaíocht cuardaitheora poist a shásamh.
Glacann Oifigeach Breithiúnachta roinnt fachtóirí san áireamh agus cinneadh á dhéanamh go bhfuil an obair atá i gceist deonach, áirítear leo siúd:
- Aidhmeanna agus seasamh na heagraíochta deonaí (is féidir leo a bheith ina ngrúpaí náisiúnacha agus deonacha áitiúla).
- An cineál oibre atá i gceist
- Líon na n-uaireanta a oibrítear gach seachtain
Áirítear le samplaí den obair dheonach a bhféadfadh le cuardaitheoir poist a dhéanamh cuidiú le clubanna óige, grúpaí cúraim, grúpaí spóirt, agus cumainn chónaitheoirí áitiúla.
Dá mba mhian leat obair dheonach a dhéanamh agus leanúint den Liúntas Cuardaitheora Poist nó Sochar Cuardaitheora Poist a fháil, ní mór duit iarratas a dhéanamh faoi réir rogha na hoibre deonaí sula dtosaíonn tú ar obair dheonach ar bith. Chun iarratas a dhéanamh, comhlánaigh foirm iarratais (VW1), atá ar fáil ó d’Oifig Leasa Shóisialaigh Áitiúil.
Íocaíochta Leasa Shóisialaigh Eile
Má tá tú ag fáil ceann de na híocaíochtaí atá liostaithe thíos, níl aon bhac ar líon na n-uaireanta nó ar chineál na oibre gan íocaíocht a bhfuil cead agat a dhéanamh. Ar a bharr sin, níl réamhchead ag teastáil uait chun obair dheonach a dhéanamh.
- Pinsean Stáit (Ranníocach)
- Pinsean Stáit (Neamhranníocach)
- Pinsean Stáit (Idirthréimhseach)
- Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
- Pinsean Baintrí, Baintrí Fir nó Páirtnéara Shibhialta Mharthanaigh (Neamh-Ranníocach)
- Íocaíocht Chaomhnóra (Ranníocach)
- Íocaíocht Chaomhnóra (Neamhranníocach)
- Pinsean na nDall
- Íocaíocht do Theaghlach Aon-Tuismitheora (OFP)
- Cúnamh Feirme (CF)
- Sochar Máithreachais
- Sochar Uchtála
- Sochar
Sláinte agus Sábháilteachta
Teanga
Ábhar Gaolmhar
- Liúntas Cúramóra leath-ráta
Ó 27 Meán Fómhair 2007, beidh Liúntas Cúramóra leath-ráta iníoctha le híocaíochtaí leasa sóisialta áirithe eile. Ar an choinníoll go gcomhlíonann tú na critéir cháilithe Faigh tuilleadh eolais maidir le conas bheith incháilithe do Liúntas Cúramóra leath-ráta. - An Liúntas Breosla
Cur síos atá sa cháipéis seo ar an Scéim Náisiúnta Breosla, scéim a chuireann liúntas breosla ar fáil do líonta-tí ar ioncam íseal, nach bhfuil ábalta a riachtanais teasa a shásamh. - Scéim Bhuiséadta Teaghlaigh
Tá sé mar aidhm ag an Scéim Bhuiséadta Teaghlaigh cabhrú leo siúd a fhaigheann íocaíochtaí leasa shóisialaigh áirithe le costas a mbillí tí a roinnt amach le linn na bliana uilig. Faigh amach an gcáilíonn tú agus conas iarratas a dhéanamh.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.