Forlíontaí téimh agus aiste bia
Eolas
Is féidir le daoine áirithe in Éirinn a bhfuil riachtanais chothaithe agus téimh speisialta acu cáiliú le haghaidh forlíontaí breise seachtainiúla faoin Scéim Liúntas Leasa Forlíontach.
Chun go mbeadh tú in ann cáiliú do na forlíontaí speisialta seo, caithfidh tú na riachtanais atá leagtha amach thíos a chomhlíonadh.
Rialacha
Forlíonadh aiste bia
Tá tú i dteideal forlíonadh aiste bia ó thaobh aiste bia atá ordaithe má:
- Tá gné leighis áirithe agat
- Tá tú ag fáil íocaíochta leasa shóisialaigh
- Shásaíonn tú scrúdú maoine
Chun forlíonadh aiste bia a fháil, ní mór do sainchomhairleoir ospidéil nó cláraitheoir a deimhniú:
- Go bhfuil tusa nó aon dhuine fásta cleithiúnach nó leanbh cleithiúnach de do chuid ar aiste bia atá ordaithe mar gheall ar riocht leighis sainithe
- Cineál aiste bia atá ordaithe
- Fad atá an aiste bia atá de dhíth agat
D'fhéadfadh aiste bia saor ó ghlútan do dhuine fásta nó leanbh idir aois 18 agus 22 bheith ordaithe ag do dhochtúir teaghlaigh (LG).
I gcás forliontais aiste bia, mar shampla, do dhaoine le fiobróis chisteach tá an leabhar scéime tinnis fadtéarmach inghlactha mar chruthú go bhfuil oideas tugtha i gcomhair a leithéid seo d'aiste bia. I ngach cás, ní mór an fad a mbeidh an aiste bia i gceist agus an cineál aiste bia a insint.
Na haistí bia atá i dteideal an forlíonadh aiste bia
Tá an costas seachtainiúil de gach aiste bia atá ordaithe leagtha síos ag an Roinn Coimirce Sóisialaí. Tá na haistí bia incháilithe maidir le forlíonadh aiste bia mar a leanas
Aistí bia incháilithe |
Costas an aiste bia |
| Aiste bia íseal i lachtós, saor ó bhainne | €65.43 |
| Aiste bia saor ó ghlútan | €68.43 |
| Aiste bia ard i bpróitéin, agus ard i gcalraí | €71.43 |
| Aiste bia raimhre athraithe (leachtaithe) | €74.93 |
Forlíonadh téimh
Is íocaíocht bhreise an forlíonadh téimh í chun cabhrú le costais téimh de do theach. D'fhéadfá forlíonadh téimh a fháil:
- Más féidir leat a léiriú go bhfuil riachtanais bhreise téimh agat mar gheall ar aois, riocht leighis nó míchumas
- Más sásaíonn tú scrúdú maoine
Rataí
Forlíonadh aiste bia do dhuine fásta
Ríomhtar na rátaí i gcomhair duine aonair agus tuismitheoir aonair mar seo a leanas: Costas an aiste bia mar atá leagtha síos ag an Roinn Coimirce Sóisialaí lúide aon tríú de d'íocaíocht leasa shóisialaigh = an forlíonadh aiste bia atá le íoc leat.
Sampla 1:
- Tá Paul ar aiste bia ard i bpróitéin agus ard i gcalraí agus ag fáil Íocaíocht Teaghlaigh Aontuismitheora. Tá costas an aiste bia seo socraithe ag an Roinn ag €71.43. Bain an tríú cuid de a íocaíocht leasa shóisialaigh (lúide aon suim atá tú ag fáil i gcomhair leanbh incháilithe) as €71.43 chun an méid fhorlíonadh aiste bia atá iníoctha a ríomh. (€71.43 - €61.93 (nó an tríú cuid a Íocaíocht Teaghlaigh Aontuismitheora ag ráta 2007) = €9.50 íoctha mar fhorlíonadh aiste bia.)
Ríomhtar na rátaí i gcomhair lánúineacha pósta nó lánúineacha atá in aontíos mar a leanas: Costas an aiste bia mar atá leagtha síos ag an Roinn Coimirce Sóisialaí lúide an séú cuid de d'íocaíocht leasa shóisialaigh ag ráta 2007 = an forlíonadh aiste bia atá le íoc leat.
Sampla 2:
- Tá Mary pósta agus ar aiste bia ard i bpróitéin agus ard i gcalraí. Faigheann sí Liúntas Cuardaitheora Poist. Tá costas an aiste bia seo socraithe ag an Roinn ag €71.43. Bain an séú cuid de d'íocaíocht leasa shóisialaigh (lúide aon suim atá tú ag fáil i gcomhair leanbh incháilithe) as €71.43 chun an méid fhorlíonadh aiste bia atá iníoctha a ríomh. (€71.43 - €51.52 (an séú cuid a n-íocaíocht Liúntas Cuardaitheora Poist lena n-áirítear méadú do dhuine fásta cleithiúnach ag ráta 2007) = €19.91 íoctha mar fhorlíonadh aiste bia)
Daoine atá ag fáil Forlíonadh Cíos nó Ús Morgáiste
Má tá tú ag fáil Forlíonadh Cíos nó Ús Morgáiste, baintear úsáid as an ráta pearsanta um Fhorlíonadh Leasa Shóisialaigh do 2007, agus ráta duine fásta incháilithe áit a bhfuil a leithéid i gceist, chun an méid forlíonaidh aiste bia a ríomh. Nuair a bhíonn maoin á meas, tugtar neamhaird ar íocaíochtaí i gcomhair leanaí atá sna híocaíochtaí leasa shóisialaigh.
Tá na rátaí do leanaí incháilithe mar seo a leanas:
- Aiste bia íseal i lachtós, saor ó bhainne = €3.50
- Aiste bia saor ó ghlútan = €6.50
- Aiste bia ard i bpróitéin, agus ard i gcalraí = €9.50
- Aiste bia raimhre athraithe (leachtaithe) = €13
Deirtear gur leanbh cleithiúnach atá ann má tá sé/sí faoi 18 nó os cionn 18 agus faoi 22 agus in oideachas lánaimseartha.
Forlíonadh téimh
Níl aon ráta socruithe d'fhorlíonadh téimh. Tá an méid fhorlíonaidh téimh a fhaigheann tú bunaithe ar do riachtanas mar atá sé measúnaithe ag d'Oifigeach Leasa Pobail.
Conas iarratas a dhéanamh
Ba chóir duit foirm forlíonadh téimh (pdf) a chomhlánú chun iarratas a dhéanamh ar fhorlíonadh téimh. Is féidir leis an Oifigeach Leasa Pobail cabhrú leat chun an fhoirm a chomhlánú.
Ba chóir duit foirm iarratas a chomhlánú chun iarratas a dhéanamh ar fhorlíonadh aiste bia. Má dhéanann tú iarratas i gcomhair dhuine fásta, ba chóir duit foirm fhorlíonadh aiste bia do dhuine fásta (pdf) a chomhlánú. Má dhéanann tú iarratas i gcomhair linbh, ba chóir duit foirm fhorlíonadh aiste bia do leanbh (pdf) a chomhlánú. Is féidir leis an Oifigeach Leasa Pobail cabhrú leat chun an fhoirm a chomhlánú.
Is féidir leat achomharc in aghaidh cinnidh a dhéanamh chuig an Oifigeach Achomhairc den FSS.
Chun forlíonadh aiste bia nó téimh a fháil, ba chóir duit iarratas a dhéanamh chuig do Oifigeach Leasa Phobail i d'ionad sláinte áitiúil.
Teanga
Ábhar Gaolmhar
- Forbhreathnú ar an Scéim Liúntas Forlíontach Leasa Shóisialaigh
Tugann cuntas ar an Scéim Liúntas Forlíontach Leasa Shóisialaigh; lena n-áirítear, an bhuníocaíocht agus na fordheontais éagsúla de réir na scéime. - Pinsean Stáit (Neamh-Ranníocach)
Is éard atá an Pinsean Stáit (Neamh-ranníocach), a thugadh Pinsean Seanaoise Neamh-ranníocach roimhe sin ná an íocaíocht atá ar fáil do dhaoine os cionn 66 nach gcáilíonn don phinsean ranníocaíochta, agus a dháiltear de réir scrúdú maoine. - Sochair bhreise leasa shóisialaigh
Tá móran sochair bhreise ar fáil do dhaoine áirithe a fhaigheann íocaíocht leasa shóisialaigh. Faigh amach tuilleadh faoi na sochair bhreise.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.