Sochar Máithreachais

Rialacha

Íocann an Roinn Coimirce Sóisialaí Sochar Máithreachais le mná a bhfuil méid áirithe ranníocaíochtaí ÁSPC déanta acu ar a dtaifead árachais féin agus a bhíonn in obair aitheanta suas go dtí an chéad lá dá saoire mháithreachais. Is féidir leis an lá oibre deireanach a bheith ar lá ar bith laistigh de 16 seachtainí den dáta ar a bhfuil tú ag súil le breith an linbh.

Is féidir leis na ranníocaíochtaí teacht ó fhostaíocht nó ó fhéinfhostaíocht - is iad A, E, H agus S (féinfhostaíocht) na haicmí ÁSPC a bhíonn i gceist.

Má tá tú fostaithe caithfidh tú:

• Ar a laghad 39 seachtainí ÁSPC a bheith íoctha agat sa tréimhse 12 mí roimh an gcéad lá de do shaoire mháithreachais;

Nó

• Ar a laghad 39 seachtainí ÁSPC a bheith íoctha agat ó thosaigh tú ag obair agus ar a laghad 39 seachtainí ÁSPC a bheith íoctha agat nó creidiúnaithe duit sa bhliain cánach ábhartha nó sa bhliain cánach roimh an bhliain cánach ábhartha. Mar shampla, má bhíonn tú ag dul ar shaoire mháithreachais i 2012, is í 2010 an bhliain chánach ábhartha.

Nó

• Ar a laghad 26 seachtainí ÁSPC a bheith íoctha agat sa bhliain chánach ábhartha agus ar a laghad 26 seachtainí ÁSPC a bheith íoctha agat sa bhliain chánach roimh an mbliain chánach ábhartha. Mar shampla, má bhíonn tú ag dul ar shaoire mháithreachais i 2012, is í 2010 an bhliain chánach ábhartha agus is í 2008 an bhliain chánach roimh an bhliain chánach ábhartha.

Mura gcomhlíonann tú na coinníollacha ÁSPC sin agus má bhí tú féinfhostaithe sular thosaigh tú ag obair mar fhostaí, féadfaidh tú do ranníocaíochtaí Aicme S a úsáid le cáiliú le haghaidh Sochair Mháithreachais - féach ar na coinníollacha ÁSPC i gcomhair daoine féinfhostaithe thíos.

Má tá tú féinfhostaithe, caithfidh tú bheith i bhfostaíocht inárachais agus:

• 52 seachtainí de ranníocaíochtaí ÁSPC a bheith íoctha agat ag Aicme S sa bhliain chánach ábhartha. Mar shampla, má bhíonn tú ag dul ar shaoire mháithreachais i 2012, is í 2010 an bhliain chánach ábhartha.

Nó

• 52 seachtainí de ranníocaíochtaí ÁSPC a bheith íoctha agat ag Aicme S sa bhliain cánach roimh an bhliain chánach ábhartha. Mar shampla, má bhíonn tú ag dul ar shaoire mháithreachais i 2012, is í 2009 an bhliain chánach roimh an bhliain chánach ábhartha.

Nó

• 52 seachtainí de ranníocaíochtaí ÁSPC a bheith íoctha agat ag Aicme S sa bhliain chánach cuí i ndiaidh na bliana cánach ábhartha. Mar shampla, má bhíonn tú ag dul ar shaoire mháithreachais i 2012, is í 2011 sa bhliain chánach cuí i ndiaidh na bliana cánach ábhartha.

Ní bhronntar ranníocaíochtaí ÁSPC Aicme S i gcomhair aon bhliain ar leith go dtí go mbíonn an cháin atá le híoc don bhliain sin íoctha agat. Caithfidh do dhliteanais cháin ioncaim agus ÁSPC a bheith íoctha i gcás bliain ar bith a raibh tú féinfhostaithe má tá tú le bheithe incháilithe le haghaidh Sochair Mháithreachais.

Mura gcomhlíonann tú na coinníollacha ÁSPC sin agus má bhí tú ag obair i bhfostaíocht inárachais sula raibh tú féinfhostaithe, féadfaidh tú do ranníocaíochtaí ÁSPC (Aicme A, E agus H) san fhostaíocht sin a úsáid le cáiliú le haghaidh Sochair Mháithreachais - féach ar na coinníollacha ÁSPC i gcomhair daoine féinfhostaithe thuas.

Lena chois sin féadfar a iarraidh ort do chuntais a sheoladh isteach nó ráiteas ó do chuntasóir i gcomhair na bliana reatha le cruthú go bhfuil tú féinfhostaithe agus faoi dhliteanas ranníocaíocht Aicme S a íoc.

Árachas ó fhostaíocht i dtír eile

Má bhí tú fostaithe cheana i dtír ar bhain rialacháin an AE léi nó tír a bhfuil Comhaontú Déthaobhach Leasa Shóisialaigh ag Éirinn léi, d'fhéadfá do thuairisc árachais ón tír sin a chur le do ranníocaíochtaí ÁSPC in Éirinn ar an gcoinníoll go bhfuil ar a laghad ranníocaíocht amháin ÁSPC ag an ráta iomlán íoctha agat ó tháinig tú ar ais go hÉirinn chun cabhrú leat cáiliú don Sochar Uchtaíoch. Níor mhór gur íoc tú ar a laghad ranníocaíocht ÁSPC iomlán amháin in Éirinn laistigh de 16 seachtaine ó dheireadh na seachtaine ina bhfuil coinne leis go saolófaí do leanbh.

Tá tuilleadh eolais in ár doiciméad maidir le ranníocaíochtaí árachais shóisialta ón choigríoch a chomhcheangal.

Má tá tú ag fáil íocaíochta cheana féin

Íocfar Sochar Máithreachais leat ag leath an ráta má tá tú ag fáil aon cheann de na híocaíochtaí seo a leanas:

• Íocaíocht do Theaghlaigh Aontuismitheora
• Pinsean Baintrí nó Páirtnéara Shibhialta Mharthanaigh (Ranníocach)
• Pinsean Baintrí nó Páirtnéara Shibhialta Mharthanaigh (Neamh-Ranníocach)
• Sochar Banchéile Tréigthe
• Liúntas Banchéile Príosúnaigh
• Sochar Báis mar chuid de Pinsean Baintrí (fir nó mná) nó Pinsean Tuismitheoirí Cleithiúnacha (faoin Scéim Ghortaithe Shaothair)

Má tá cúram lánaimseartha á sholáthar agat do dhuine eile, féadfaidh tú cáiliú do Liúntas Cúramóra ar leathráta le do Shochar Máithreachais.

Faoin Acht um Chosaint Mháithreachais, 1994, tá bean a cháilítear do Shochar Máithreachais i dteideal éileamh a dhéanamh ar Fhorlíonadh Ioncam Teaghlaigh (FIT).

Dícháiliú chun Sochar Máithreachais a fháil

Déanfar tú a dhícháiliú (cuirfear cosc ort) maidir le Sochar Máithreachais a fháil i rith na tréimhse sin ina bhfuil do Shochar iníoctha má bhíonn tú páirteach in aon fhostaíocht nó obair seachas gníomhaíochtaí tí i d’áras teaghlaigh féin.

Má tá sé ar intinn agat filleadh ar do chuid fostaíochta níos luaithe ná mar atá scríofa ar d’fhoirm iarratais caithfidh tú é sin a chur in iúl do Rannóg an tSochair Mháithreachais coicís ar a laghad roimh an ‘dáta nua fillte ar an obair’.

Ní íocfar Sochar Máithreachais leat d’aon tréimhse a chaitheann tú lasmuigh den AE. Más saoránach den AE thú, is féidir leat Sochar Máithreachais a fháil d’aon tréimhse de do shaoire mháithreachais a chaith tú i dtír eile den AE. Ní féidir leat íocaíocht a fháil d’aon tréimhse ama a chaith tú lasmuigh den AE. Mura saoránach den AE thú, ní bhfaighidh tú Sochar Máithreachais ach do thréimhsí a chaith tú i bPoblacht na hÉireann.

Mura gcuireann tú isteach ar Shochar Máithreachais laistigh de shé mhí ón tráth a shaolaítear do leanbh, féadfaidh tú an sochar a chailliúint.