Sochar Sábháilteachta agus Sláinte
Eolas
Íoctar an Sochar Sláinte agus Sábháilteachta go seachtainiúil do mhná fostaithe atá ag iompar clainne nó ag tabhairt na cíche do leanbh agus a bhfuil saoire shábháilteachta agus sláinte tugtha dóibh ag a bhfostóir siúd.
Tá soláthar Saoire Shláinte agus Sábháilteachta ó obair in Éirinn curtha ar fáil faoi Alt 18 den Acht um Chosaint Máithreachais 1994. Tugtar saoire shláinte agus sábháilteachta óna cuid oibre do bhean mura féidir lena fostóir contúirt ar bith dá sláinte a dhíothú agus í ag iompair clainne nó ag tabhairt na cíche do leanbh, nó mura bhféadtar obair shábháilte a sholáthar di.
Chun bheith i dteideal Sochar Sláinte agus Sábháilteachta a fháil, caithfear roinnt critéir ar leith agus coinníollacha ranníocaíochta árachas shóisialaigh (ÁSPC) a shásamh. Íocfaidh d’fhostóir an chéad 21 lá den saoire shláinte agus sábháilteachta; an Roinn Coimirce Sóisialaí a íocfaidh an fuílleach.
Má mheasann tú gur diúltaíodh go héagórach do d’iarratas ar shochar, is féidir leat achomharc a dhéanamh i leith an chinnidh seo.
Le linn do thréimhse Shaoire Sláinte agus Sábháilteachta measfar go bhfuil tú fós fostaithe. Breathnaítear ar am atá caite ar shaoire sláinte agus sábháilteachta mar thréimhse fostaíochta don fhostaí, agus is féidir an t-am seo a úsáid chun teidlíocht saoire bhliantúil a charnadh. Níl an fostaí i dteideal saoire maidir le saoirí poiblí ar bith a tharlaíonn nuair atá sí ar saoire sláinte agus sábháilteachta.
Rialacha
Chun Sochar Sláinte agus Sábháilteachta a fháil:
- Ní foláir nó gur bean atá fostaithe in Éirinn tú atá ag iompar clainne agus go mbaineann contúirt áirithe le do chuid oibre nó go bhfuil tú ag déanamh obair oíche, (.i. gur idir 11ir agus 6rn a dhéanann tú trí uair a chloig/25% de do chuid oibre, ar a laghad) nó
- Ní foláir nó gur saolaíodh leanbh duit sna 16 seachtain roimhe sin agus go bhfuil tú ag déanamh obair oíche nó
- Ní foláir duit bheith ag tabhairt na cíche do leanbh ar feadh suas ar feadh suas le 26 seachtain tar éis a bhreithe agus go mbaineann contúirt áirithe le do chuid oibre. Tá cur síos iomlán ar fáil ón Údarás Sláinte agus Sábháilteachta ar na rioscaí seo (pdf).
Caithfidh tú na coinníollacha ÁSPC seo leanas a shásamh:
- Gur íoc tú árachas sóisialach (ÁSPC) ar feadh 13 seachtain ar a laghad sna 12 mhí roimh an dáta ina rabhthas ag súil leis an mbreith, nó
- Gur íoc tú 104 seachtain ón am ar chéadthosaigh tú ag obair agus go bhfuil 39 seachtain ÁSPC íoctha nó creidiúnaithe sa bhliain chánach ábhartha (beidh íosmhéíd 13 ranníocaíochtaí sa bhliain chánach ábhartha íoctha uait) nó
- Gur íoc tú 26 seachtain ÁSPC sa bhliain chánach chuí agus 26 seachtain ÁSPC sa bhliain chánach roimh an bhliain chánach ábhartha.
Ciallaíonn bliain chánach ábhartha an bhliain chánach iomlán leathdheireanach roimh an bhliain ar a n-éilítear Sochar Sláinte agus Sábháilteachta. I gcás éileamh don bhliain 2012 is í 2010 an bhliain chánach ábhartha.
Cé chomh fada a íoctar Sochar Sláinte agus Sábháilteachta?
Leantar le híocaíocht an tSochair Sláinte agus Sábháilteachta go dtí:
- An lá a mbíonn tú i dteideal Sochar Máithreachais a fháil, má tá tú ag iompar clainne;
- 16 seachtain tar éis dáta bhreithe an linbh, más duine fostaithe ar saolaíodh páiste duit le déanaí tú agus má tá tú ag déanamh obair oíche;
- 26 seachtain ón dáta ar saolaíodh an leanbh duit, má tá tú ag tabhairt na cíche.
Stoptar an Sochar Sláinte agus Sábháilteachta má chuirtear deireadh le do shaoire shláinte agus sábháilteachta ar cheann de na cúiseanna seo:
- Ní bhaineann aon chontúirt le d’ionad oibre a thuilleadh,
- Chuir d’fhostóir deireadh leis an gcontúirt nó tugadh obair dhifriúil duit, nó
- Tá tú ag obair ar chonradh ar théarma seasta agus tagann sé chun críche.
Rátaí
Céimnítear na rátaí i gcomhair an tSochair Sláinte agus
Sábháilteachta de réir do mheántuillimh seachtainíúil sa
bhliain chánach a bhaineann le hábhar.
Rátaí seachtainiúil maidir le éileamh nua i 2012:
| Tuilleamh seachtainiúil | Ráta Pearsanta | Duine Fásta Cáilithe |
| Níos lú ná €150 | €84.50 | €80.90 |
| €150-219.99 | €121.40 | €80.90 |
| €220-299.99 | €147.30 | €80.90 |
| €300 nó níos mó | €188 | €124.80 |
Íocaíocht Sochair Sláinte agus Sábháilteachta
Is féidir Sochar Sláinte agus Sábháilteachta a íoc isteach díreach i do chuntas bainc nó, is féidir an íocaíocht a dhéanamh le seic. Geobhaidh tú ráta pearsanta agus is féidir go bhfaighidh tú íocaíocht do dhuine fásta cáilithe agus do leanbh cáilithe. Ní dhéanann do mheánioncaim seachtainiúil difear don ráta íocaíochta do leanbh cáilithe.
Conas iarratas a dhéanamh
Comhlánaigh an fhoirm HSB1 agus seol ar ais í chuig Rannnóg an tSochair Shláinte agus Sábháilteachta (seoladh thíos).
Caithfidh tú cuid 1,2 agus 4-8 a chomhlánú.
Ba chóir do d’fhostóir cuid 3 a chomhlánú.
Ba chóir do do dhochtúir teaghlaigh cuid 9 a chomhlánú.
Cá háit a ndéanfaidh mé iarratas
Rannóg an tSochair Shláinte agus Sábháilteachta
Bóthar Mhic Artúir
Ard Rámhann
Bun Crannacha
Dún na nGall
Éire
Teil:(01) 471 5898
Lóghlao:1890 690 690
Láithreán Gréasáin: http://www.welfare.ie
Teanga
Ábhar Gaolmhar
- Sochar Máithreachais
Is íocaíocht í Sochar Máithreachais a dhéanann an Roinn Coimirce Sóisialaí le mná a bhíonn ar shaoire mháithreachais ón obair. Faigh tuilleadh faoi Shochar Máithreachais agus conas iarratas a dhéanamh. - Sochair agus teidlíochtaí a bhaineann le bhreith
Tá réimse sochair leasa shóisialaigh agus teidlíochtaí fostaíochta ar fáil chun tacú le mná atá ag iompar clainne. Is féidir leat léamh faoi anseo. breith clainne máithreachas sochair - Na híocaíochtaí do theaghlaigh agus leanaí
Tá cur síos anseo ar na sochair leasa shóisialaigh ata ar fáil do theaglaigh agus leanaí.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.