Cúnamh do dhaoine ar phá iseal in Éirinn

Rialacha

Forlíonadh Ioncaim Teaghlaigh

Is íocaíocht sheachtainiúil saor ó cháin é an Forlíonadh Ioncaim Teaghlaigh a chuidíonn le daoine ar phá íseal. Tá sé ar fáil ag fostaithe a bhfuil clann acu.

Íocaíochtaí leasa shóisialaigh a choinneáil

I gcásanna áirithe beidh cead agat íocaíochtaí leasa shóisialaigh (nó cuid acu ar a laghad) a choinneáil nuair a thosaíonn tú ag saothrú. Mar shampla:

Agus tú ag obair páirtaimseartha suas le trí lá sa tseachtain d’fhéadfaí go bhféadfá cuid den Sochar Cuardaitheora Poist nó Liúntas Cuardaitheora Poist a choinneáil. Is féidir bheith ag saothrú pá comhlán suas le €146.50 sa tseachtain (pá comhlán €7,618.43 sa bhliain) agus tú ag fáil Sochar Teaghlaigh Aontuismitheora. Is féidir íocaíocht ar ráta laghdaithe a choinneáil agus tú ag saothrú idir €146.50 agus €425.

An Liúntas Fiontraíochta um Fhilleadh ar Obair:

Faoi na scéimeanna seo, is féidir leat a bheith féinfhostaithe agus méid áirithe de d'íocaíocht leasa shóisialaigh a choimeád. Tá tuilleadh eolais ar fáil faoin an Liúntas Fiontraíochta um Fhilleadh ar Obair

Do chárta leighis a choinneáil

Má tá íocaíochtaí dífhostaíochta nó Íocaíocht Teaghlaigh Aontuismitheora á fháil agat ar feadh tréimhse 12 mhí, agus má tá tú ag filleadh ar obair lánaimseartha, beidh cead agat do chárta leighis a choinneáil ar feadh tréimhse 3 bliana is cuma cé mhéid a bheidh á thuilleamh agat.

Cáin

Daoine in Éirinn a bhfuil a n-ioncam níos lú ná suim áirithe, ní ghearrtar cáin orthu. Tá tuilleadh eolais le fáil ar an mbileog Tax Exemption and Marginal Relief (IT 8) (pdf) ó na Coimisinéirí Ioncaim. Tá tuilleadh eolais maidir le teorannacha faoiseamh cánach agus faoiseamh imeallach le fáil ó d’oifig chánach áitiúil.

Cúnamh Poist Ioncaim

Is liúntas cánach breise é Cúnamh Poist Ioncaim do dhaoine a bhí dífhostaithe ar feadh 12 mhí nó tréimhse níos faide ná sin nó atá ag filleadh ar fhostaíocht.