Liúntas um Fhilleadh ar Obair

Rialacha

Coinníollacha atá le sásamh agat:

Beidh tú incháilithe don Liúntas um Fhilleadh ar Obair má tá tú:

Le cáiliú caithfidh tú:

• A bheith 23 bliana d'aois nó níos mó
• A bheith dífhostaithe ar feadh 2 bhliana

Agus

• teidlíocht a bheith agat do Liúntas Cuardaitheora Poist

D’fhéadfá a bheith incháilithe chomh maith, is cuma cén aois atá agat, má fhaigheann tú ceann de na híocaíochtaí a leanas ar feadh 15 mhí (nó 12 mhí má tá tú 50 bliana d’aois nó níos sine):

• Cúnamh Feirme, Liúntas Réamhscoir, Íocaíocht Teaghlaigh Aontuismitheora, Pinsean na nDall, Liúntas Míchumais, Liúntas Cúramóra (murar cúramóir atá ionat a thuilleadh), Pinsean Easláinte, Sochar nó Liúntas Banchéile Thréigthe, Forlíonadh Éagumais, Pinsean Baintrí, Baintrí Fir nó Páirtnéara Shibhialta Mharthanaigh (Neamh-Ranníocach) nó Liúntas Banchéile Príosúnaigh. Ní gá duit aois ar leith a bheith agat chun cáiliú sna cásanna seo.

Nó

• Sochar Breoiteachta á fháil agat le 3 bliana anuas ar a laghad.

Tá tréimhse caite ar chúrsaí FÁS, Fáilte Ireland, Teagasc, Modh Mear don Teicneolaíocht Faisnéise, Tionscnamh Jabanna, ‘cúrsaí oideachais athdheise’ (.i.. Scéimeanna um Fhilleadh ar Oideachas) agus/nó tréimhse caite i bpríosún inghlactha mar thréimhsí dífhostaíochta.

Lena chois sin, is féidir le tréimhse caite ar Liúntas Leasa Forlíontach nó i bhForáil Dhíreach comhaireamh i dtreo thréimhse incháilithe don Liúntas um Fhilleadh ar an Obair chomh fada agus go bhfuil tú incháilithe d’íocaíocht incháilithe roimh thús na scéime.

Coinníollacha atá le sásamh ag fostóir ionchasach:

Fostóirí amháin gur féidir leo poist oiriúnacha a sholáthar atá incháilithe mar rannpháirtithe: Caithfidh an obair ar fáil:

• Féidearthacht forbartha ina phost inmharthana a bheith i gceist
• Gan fostaíocht reatha a easáitiú
• A bheith 20 uaire ar a laghad in aghaidh na seachtaine.
• A bheith 12 mhí ar a laghad.

Níl obair ghearrthéarmach, shéasúrach nó choimisiúnaithe/ar chonradh inghlactha mar fhostaíocht faoin Scéim.

Babhtáil chéile/pháirtnéir sibhialta/chomhchónaitheoir

Má cháilíonn tú do Scéim an Liúntais um Fhilleadh ar Obair ach mura dteastaíonn uait leas a bhaint as an scéim is féidir le do chéile/pháirtnéir sibhialta/chomhchónaitheoir páirt a ghlacadh inti i d’áit. Caithfidh tú méadú ar an íocaíocht leasa shóisialaigh do do chéile/pháirtnéir sibhialta/chomhchónaitheoir a fháil ar feadh achar ama ar leith. Go hiondúil, bíonn an méid céanna ama i gceist agus a mbeadh ort a bheith ag éileamh d’íocaíochta a bheadh i gceist le cáiliú don scéim. Mar shampla, má tá:

• Liúntas Cuardaitheora Poist (LCP) á fháil agat ní mór do do chéile/pháirtnéir sibhialta/chomhchónaitheoir a bheith ina c(h)leithiúnaí aosaithe cáilithe ar feadh dhá bhliain
• Sochar Breoiteachta á fháil agat ní mór do do chéile/pháirtnéir sibhialta/chomhchónaitheoir a bheith ina ina c(h)leithiúnaí aosaithe cáilithe ar feadh trí bliana
• Liúntas Míchumais, Pinsean na nDall, Liúntas Cúramóra (ar scor ó dhualgas cúraim), Cúnamh Feirme, Pinsean Easláinte, Forlíonadh Éagumais, Liúntas Réamhscoir, Pinsean Baintrí/Baintrí Fir (Neamhranníocach), Sochar/Liúntas Banchéile Thréigthe nó Liúntas Banchéile Príosúnaigh á fháil agat ní mór do do chéile/pháirtnéir sibhialta/chomhchónaitheoir a bheith ina c(h)leithiúnaí aosaithe cáilithe ar feadh 15 mhí (nó 12 mhí má tá siad os cionn 50 bliain d’aois).

I gcás an Liúntais Cuardaitheora Poist, déanfar éileamh ar leith faoina (h)ainm nuair a thosaíonn do chéile/pháirtnéir sibhialta/chomhchónaitheoir ar an scéim. Tiocfaidh deireadh le d’íocaíocht LCP nuair a thosaíonn do chéile/pháirtnéir sibhialta/chomhchónaitheoir ar an scéim. Mar sin féin, is féidir le do chéile/pháirtnéir sibhialta/chomhchónaitheoir éileamh ar do shon anois mar dhuine fásta cáilithe. Ba chóir duit síniú do chreidmheasanna ag d’oifig leasa shóisialaigh áitiúil. Tá sé tábhachtach síniú do chreidmheasanna chun teidlíochtaí pinsean ar bith a bheadh agat sa todhchaí a chosaint. Níor chóir go mbeadh tionchar ag an socrú nua seo ar mhéid na híocaíochta leasa shóisialaigh a fhaigheann sibh mar theaghlach.

Má bheartaíonn tú (bunúinéir na híocaíochta leasa shóisialaigh) ar éileamh a dhéanamh ar íocaíocht leasa shóisialaigh eile ag am ar bith, nuair atá do chéile/pháirtnéir sibhialta/chomhchónaitheoir ag baint leasa as babhtáil chéile, tiocfaidh deireadh le híocaíocht an Liúntais um Fhilleadh ar Obair.