An Liúntas Breosla gan Deatach
Eolas
Liúntas a íocann an Roinn Coimirce Sóisialaí le líonta-tí ar ioncam íseal é an Liúntas Breosla gan Deatach chun cabhrú leo na costais bhreise a bhaineann le úsáid breosla gan deatach nó breosla ar bheagán deataigh in áiteacha áirithe sa tír. Cuirfear deireadh le Liúntas Breosla gan Deatach ó 1 Meán Fómhair 2011. Leigh ceisteanna coitianta faoin athrú seo ón Roinn Coimirce Sóisialaí.
Tá cosc curtha ar mhargaíocht, díolachán agus dáileadh an bhreosla bhitiúmanaigh (is cúis le deatach) i roinnt áiteacha sa tír ó 1990. Tá feabhas suntasach tagtha ar cháilíocht an aeir sna ceantair seo mar thoradh ar an gcosc seo.
Déanann údaráis áitiúla seiceáil ó am go chéile ar mhiondíoltóirí le cinntiú go bhfuil siad ag cloí leis an gcosc. Ba chóir gearáin faoi a bheith ag dó ábhar neamhúdaraithe a thuairisciú chuig d'údarás áitiúil.
Is iad na ceantair a gcaithfidh tú breosla "gan deatach" nó breosla ar "bheagán deataigh" a úsáid ná:
- An tInbhear Mór
- Bré
- Cill Chainnigh
- Corcaigh
- Droichead Átha
- Baile Átha Cliath
- Dún Dealgan
- Luimneach
- Loch Garman
- Cathair na Gaillimhe
- Cathair Phort Láirge
- Cill Droichid
- An Nás
- Léim an Bhradáin
- Sligeach
- Trá Lí.
Rìalacha
Má tá cónaí ort taobh istigh de na limistéir atá luaite thuas, d'fhéadfadh sé go gcáileódh tú don Liúntas Breosla gan Deatach má:
Tá Liúntas Breosla faoin Scéim Náisiúnta Breosla dhá íoc leat
Nó
Tá tú ag fáil ceann de na híocaíochtaí seo a leanas:
- Sochar Breoiteachta
- Sochar Cuardaitheora Poist nó
- Liúntas Cuardaitheora Poist ar feadh trí mhí ar a laghad
- Íocaíocht Bhreise Ioncaim Teaghlaigh
Agus
Maireann tú i do aonar nó amháin in éineacht le:
- Duine fásta agus/nó leanaí. Breathnaítear ar leanbh mar chleithiúnach go dtí go sroicheann sé nó sí aois a 18 bliain nó 22 bliain má tá sé nó sí ag freastal ar oideachas lánaimseartha (ach amháin do Shochar Breoiteachta, Sochar Cuardaitheora Poist, Liúntas Cuardaitheora Poist go gearrthéarmach nó Liúntas Breise Leasa).
- Daoine eile atá ag fáil íocaíochta leasa shóisialaigh
- Duine a thugann cúram agus aire lánaimseartha duit más easlán nó leatheaslán thú.
Ní íocfar ach Liúntas Breosla gan Deatach amháin in aghaidh an líon-tí.
Ní cháileodh tú don Liúntas Breosla gan Deatach má:
- Tá do riachtanais teasa clúdaithe faoi ghníomhas a aistríonn maoin
- Tá comhíoncam agat féin agus ag baill de do líon-tí de níos mó ná 100 euro sa tseachtain nó coigilt/infheistíocht de €58,000 nó níos mó ós cionn uasmhéid an ráta sochair/cúnaimh chuí.
Rataí
Liúntas seachtainiúil de €3.90 a íoctar.
Tá an liúntas Breosla gan Deatach iníoctha ar feadh 32 seachtain.
Ní ghlactar aon iarratas nua ar an Scéim.
Teanga
Ábhar Gaolmhar
- An Liúntas Breosla
Cur síos atá sa cháipéis seo ar an Scéim Náisiúnta Breosla, scéim a chuireann liúntas breosla ar fáil do líonta-tí ar ioncam íseal, nach bhfuil ábalta a riachtanais teasa a shásamh. - Liúntas Cuardaitheora Poist
Is íocaíocht é a bhfuil fiosrú maoine déanta air agus tugtar é do dhaoine atá dífhostaithe agus ag lorg oibre. Faigh amach dá bhfaighfeá Liúntas Cuardaitheora Poist. - Obair agus Liúntas Cuardaitheora Poist
Déanann sé cur síos ar an mbealach is féidir le d'ioncam ó obair agus ioncam ó obair do chéile tionchar a bheith acu ar do ráta Liúntais Cuardaitheora Poist.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.