An Liúntas Breosla

Rialacha

D'fhéadfadh tú cáiliú do liúntas breosla má tú ag fáil:

• Pinsean Stáit (Ranníocach) nó Pinsean Stáit (Neamh-Ranníocach)
• Pinsean (Idirthréimse)
• Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) Baintrí Mná nó Baintreach Fir nó Pinsean Baintrí, Baintrí Fir nó Páirtnéara Shibhialta Mharthanaigh (Neamh-Ranníocach)
• Forlíonadh Éagumais
• Pinsean na nDall
• Pinsean Easláinte
• Liúntas Míchumais
• Sochar nó Liúntas Banchéile Tréighte
• Íocaíocht Teaghlaigh Aontuismitheora
• Liúntas (Ranníocach) Dílleachtaí
• Liúntas (Neamh-Ranníocach) Dílleachtaí
• Cúnamh Feirme
• Liúntas Réamhscoir
• Liúntas Banchéile Príosúnaithe
• Liúntas Cuardaitheora Poist fadthéarmaí

• Liúntas Breise Leasa bunúsaigh
• Sochar/Pinsean Leasa Shóisialaigh ó thír eile
• Liúntas Speisialta ón Roinn Cosanta
• Tá tú ag tógáil páirte i Scéim Liúntais um Fhilleadh ar Obair, Scéim Liúntais Fiontraíochta um Fhilleadh ar Obair, Scéim Sóisialta Tuaithe, Cúnamh Poist na gCoimisinéirí Ioncaim nó FÁS Fhostaíochta Pobail, agus tú i dteideal na sochar tánaisteach a choinneáil.

Agus

Maireann tú i do aonar nó amháin in éineacht le

• Céile/páirtnéir sibhialta/comhchónaitheoir cleithiúnach agus/nó leanaí cleithiúnacha. D'fhéadfaí breathnú ar leanbh mar chleithiúnach go dtí go sroicheann sé nó sí aois 18 bliain nó 22 bliain má tá sé nó sí ag freastal ar oideachas go lánaimseartha. Nuair a iontaíonn do leanbh 18 agus é/í fós ag freastal ar oideachas lánaimseartha agus go bhfuil tú ag fáil íocaíochta leasa shóisialaigh ghearrthéarmaigh, i.e. Liúntas Cuardaitheora Poist (ar feadh níos lú ná 15 mí), Sochar Cuardaitheora Poist, Sochar Breoiteachta nó Liúntas Breise Leasa, breathnaítear air nó uirthi mar chleithiúnach go dtí an 30 Meitheamh dár gcionn nó go dtí go bhfuil an t-oideachas lánaimseartha críochnaithe, cébí acu a thagann ar dtús.
• Daoine eile atá ag fáil ceann de na híocaíochtaí cáilitheacha a bheadh incháilithe chomh maith do Liúntas Breosla ina mbealach féin.
• Duine a thugann cúram agus aire lánaimseartha duit má tá tú faoi mhíchumas nó má tá tú i do leath-easlán.
• Duine/Daoine atá ag fáil Liúntas Cuardaitheora Poist go gearrthéarmach.
• Duine/Daoine ag fáil Liúntas Cúramóra

Agus

Níl tusa ná baill eile de do líon tí ábalta do riachtanais teasa a chuir ar fáil ó d'acmhainní féin.

Ní cháileoidh tú don Liúntas Breosla má:

• Tá do riachtanais teasa clúdaithe faoi ghníomhas a aistríonn maoin
• Tá tú i do chónaí le duine nach bhfuil ag fáil ceann de na híocaíochtaí cáilitheacha do Liúntas Breosla
• I gcás íocaíochtaí nach mbaineann tástáil maoine leo agus go bhfuil comh-ioncam agat féin agus ag baill de do líon tí de níos mó ná €100 sa tseachtain nó coigilt/infheistíocht €58,000 nó níos mó ós cionn an uasráta sochair/cúnaimh chuí.

Ag fágáil pinsean nó sochar ó thír eile

Má tá pinsean/sochar nó íocaíocht choibhéiseach dhá íoc leat ó thír atá clúdaithe ag Rialacháin an AE nó tír a bhfuil Comhaontú Déthaobhach Leasa Shóisialaigh ag Éirinn léi, d’fhéadfadh sé go gcáileodh tú don liúntas breosla má shásaíonn tú na coinníollacha cáilitheacha a bhfuil tagairt déanta dóibh thuas agus go bhfuil tú:

• I do chónaí in Éirinn

Agus

• Go bhfuil tú 66 bliain d'aois nó ós a chionn

Nó

• Go bhfuil tú faoi 66 bliain d'aois agus Pinsean Easláinte dhá íoc leat (le ós cionn 12 mí), Pinsean Baintrí, Baintrí Fir nó Páirtnéara Shibhialta Mharthanaigh nó íocaíocht choibhéiseach ó thír eile.

Má cháilíonn níos mó ná duine amháin sa teaghlach

Ní íocfar ach íocaíocht Liúntais Bhreosla amháin le teaghlach. Má tá beirt ina gcónaí in aon teaghlach agus go gcáilíonn siad araon don liúntas breosla, ní íocfar ach liúntas breosla amháin le duine cáilithe amháin sa teaghlach sin. Leagann an tábla thíos amach an duine cáilitheach iomchuí sa líon tí ar chóir dó/dí iarratas a dhéanamh ar an liúntas breosla sa chás go bhfuil beirt nó níos mó daoine cáilitheacha ina gcónaí sa teach céanna.