Scéim Chúram Leighis
Eolas
Tá duine a ghortaítear ag an obair nó a fhaigheann galar áirithe ceirde i dteideal sochair faoin scéim Gortuithe Ceirde má tá árachas orthu. Ceann de na sochair atá i gceist ná Cúram Leighis. Faoin scéim Cúram Leighis is féidir leat aisíoc a fháil ar chostais cúraim agus aire leighis nach mbíonn íoctha ag an láithreáin ghréasáin Limistéir Fheidhmeannacht na Seirbhíse Sláinte nó tríd an Sochar Cóir Leighis ón Roinn Coimirce Sóisialaí.
Déanfar aisíoc ar na costaisí seo a leanas muna mbíonn siad clúdaithe go hiomlán ag an Limistéir Fheidhmeannacht na Seirbhíse Sláinte ná ag Scéim Sochar Chóir Leighis na Roinne Choimirce Sóisialaí:
- Cuairteanna dochtúra,
- Oideas dhochtúra,
- Fearais leighis agus máinliachta áirithe chomh maith le deisiú agus athsholáthar na deiseanna seo (mar shampla, géaga saorga nó cluaisíní chúnta),
- Cóir leighis fiaclóra agus optach áirithe,
- Banaltracht áirithe cáilithe ar threoir dhochtúra,
- Cóir leighis áirithe ar threoir dhochtúra,
- Costaisí taistil áirithe, go hiondúil ar chostas chóras iompar poiblí amháin.
Is le seic a íoctar an Cúram Leighis. Go hiondúil ní dhéantar ach íocaíocht amháin ach más cóir leighis leanúnach atá i gceist, b'fhéidir go ndéanfaí íocaíocht i gcúpla gála. Is leis an duine a dhéanann an éileamh a dhéantar an íocaíocht go hiondúil ach is féidir é a dhéanamh le do dhochtúir nó an bord sláinte más gá.
Rialacha
Chun a bheith i dteideal aisíoca chostaisí leighis ní mór duit na coinníollacha seo a leanas a chomhlíonadh:
- Caithfidh an timpiste a bhí agat a bheith mar thoradh ar thimpiste ag an obair nó caithfidh tú galar áirithe ceirde a bheith ort mar thoradh ar do chuid oibre agus
- Caithfidh tú an Roinn a chur ar an eolas faoi go bhfuil tú chun cúram leighis a éileamh taobh istigh de 6 seachtainí ó thús an chóir leighis. Go hiondúil ciallaíonn sé seo sé seachtainí ó dháta na timpiste nó ó thús an ghalair. Freisin ní mór duit a bheith i bhfostaíocht a bhfuil i rannóg A, B, D, J nó M i gcomhair ÁSPC.
Ní tharlaíonn tinneas ná míchumas láithreach mar thoradh ar gach timpiste san obair nó galar ceirde. Muna dtarlaíonn eágumas duit láithreach ach gur mian leat cinntiú go mbeadh an ceart agat amach anseo sochar a fháil, ba cheart duit d'fhostóir a chur ar an eolas maidir leis an timpiste/ galar agus dearbhú a iarradh ag rá gur tinneas/ timpiste cheirde a bhí i gceist. Ba cheart é seo a dhéanamh gan mhoill.
Conas iarratas a dhéanamh
Ba cheart duit an Roinn a chur ar an eolas faoi go bhfuil tú chun cúram leighis a éileamh tríd an Form of Notice a líonadh agus é a sheoladh chuig an Rannóg Sochar Gortuithe - féach seoladh thíos. Seolfar foirm éilimh C1 chugat anseo (pdf). Déan cinnte de go gcuireann tú d'uimhir PSP (mar an gcéanna le d'uimhir cánach ) ar aon admhálacha a sheolann tú isteach in éineacht leis an bhfoirm éilimh C1.
Cá háit a ndéanfaidh mé iarratas
Rannóg Díobhálacha Ceirde
An Roinn Coimirce Sóisialaí
Áras Mhic Dhiarmada
Sráid an Stórais
Baile Átha Cliath 1
Éire
Teil:(01) 704 3018
Teanga
Ábhar Gaolmhar
- Scéim na Sochair Gortuithe Ceirde - Ginearálta
Soláthraíonn an scéim Sochair Gortuithe Ceirde raon sochar d'fhostaithe má tá siad gortuithe nó neamhábalta chun na hoibre de bharr timpiste le linn na hoibre nó fad is a bhí siad ag taisteal chuig/ón obair. Liosta sochar sa scéim. - Sochar Díobhála
Íocaíocht sheachtainiúil é Sochar Díobhála a dhéantar le fostaithe má tá siad neamhábalta chun na hoibre de bharr timpiste le linn na hoibre nó de bharr galar ceirde a thagann orthu de dheasca na hoibre a dhéanann siad. - Sochar Míthreorach
Is féidir Sochar Míthreorach a íoc leat má chailleann tú cumas fisiceach nó meabhrach de bharr timpiste a tharla agus tú ag obair, timpiste nó de bharr galair a bhuail thú ag obair.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.