Sochar Díobhála
Eolas
Sochar Díobhála
Ceann de na sochair é an Sochar Díobhála atá le fáil de réir Scéim na Sochar Gortuithe Ceirde. Íocaíocht sheachtainiúil é a dhéantar leat má tá tú neamhábalta chun na hoibre de bharr:
- Timpiste le linn na hoibre
- Timpiste agus tú ag taisteal (ar thuras gan bhriseadh) go díreach go dtí nó ag teacht go díreach ón obair
- Galar ceirde
Is éard atá i ngalar ceirde galar a thagann ort le linn do chuid fostaíochta nó de dheasca na hoibre a dhéanann tú, mar shampla, de dheasca na teagmhála le gníomhaithe fisiceacha nó ceimiceacha. Tá liosta ag an Roinn Coimirce Sóisialaí a leagann amach na Galair Cheirde.
Le go bhfaighfeá Sochar Díobhála ní mór duit a bheith neamhábalta ar an obair de dheasca na timpiste nó an ghalair ar feadh breis agus 3 lá (seachas Dé Domhnaigh nó laethanta saoire íoctha). Mar sin féin, fiú amháin mura bhfuil tú neamhábalta ar an obair le breis agus 3 lá, tá tú i dteideal ráiteas a dhéanamh gur tharla timpiste cheirde. Cosnaíonn sé seo na cearta a bheidh agat ina dhiaidh sin ar shochair de réir Scéim na Sochar Gortuithe Ceirde mar ní i gcónaí a thagann an bhreoiteacht ná an neamhábaltacht chun cinn láithreach de dheasca timpistí nó galar ceirde.
Rialacha
Ranníocaíochtaí árachais sóisialta (ÁSPC)
Daoine atá cumhdaithe ag an ÁSPC Aicme A, D, J nó M, tá siad cumhdaithe go hiomlán maidir le Sochar Díobhála. Is é sin le rá, tá beagnach gach fostaí in Éirinn cumhdaithe maidir le Sochar Díobhála.
Ní gá duit a bheith faoi árachas de réir Aicme A, D, J nó M le haon achar ama ar leith le go mbeidh teideal agat ar Shochar Díobhála. Beidh tú incháilithe má tá tú neamhábalta chun na hoibre de dheasca timpiste nó galair cheirde Caithfidh do bhreoiteacht nó do neamhábaltacht maireachtáil níos faide ná 3 lá (seachas Dé Domhnaigh nó laethanta saoire íoctha).
Achar aimsire a n-íoctar an Sochar Díobhála
Ní íoctar an Sochar Díobhála na chéad 3 lá de do bhreoiteacht nó de do neamhábaltacht. Is féidir an íocaíocht a dhéanamh ar feadh chomh hard le 26 sheachtain ó dháta na timpiste nó ó theacht chun cinn an ghalair.
Má tá tú fós neamhábalta ar an obair tar éis na tréimhse 26 sheachtain, b’fhéidir go mbeidh teideal agat ar Shochar Breoiteachta, Liúntas Míchumais nó Liúntas Leasa Forlíontach. B’fhéidir freisin go mbeidh teideal agat ar Shochar Míchumais má chailleann tú aon chumas corpartha nó meabhrach de dheasca na timpiste nó an ghalair. Ina mhalairt de chás, mura bhfuil tú incháilithe do Shochar Breoiteachta ná d’íocaíocht leasa shóisialaigh eile agus go bhfuil tú ag fáil Sochair Mhíchumais, b’fhéidir go mbeidh tú incháilithe don Fhorlíonadh Éagumais.
Obair athshlánúcháin
Féadfaidh tú páirt a ghlacadh in oiliúint nó in obair pháirtaimseartha lena bhfuil feidhm athshlánúcháin agus an Sochar Díobhála a fháil freisin. Ní fhéadfaidh tú níos mó ná 20 uair a chaitheamh ag obair in aghaidh na seachtaine. Caithfidh tú cead a fháil ón Rannóg Sochair Dhíobhálacha Ceirde (féach ‘Cá háit a ndéanfaidh mé iarratas' anseo thíos) sula dtosaíonn tú ar an obair athshlánúcháin nó ar an oiliúint.
Ba chóir a thabhairt faoi deara nach iondúil a thugtar díolúintí a
cheadaíonn do dhuine oibriú le linn na chéad 26 seachtain de Shochar
Díobhála a fháil. Nuair a bhíonn deireadh le do Shochar Díobhála, áfach,
má cháilíonn tú le haghaidh Sochar Breoiteachta nó Forlíonadh Éagumais
le Sochar Míthreorach, is féidir go gceadófar díolúine chun oibrithe ag an
bpointe sin.
Rataí
Ráta an tSochair Dhíobhála ó Eanáir 2011:| Sochar Díobhála | Ráta seachtainiúil 2011 |
| Ráta pearsanta | €188 |
| Méadú le aghaidh Duine Fásta Incháilithe | €124.80 |
| Méadú le haghaidh Linbh Incháilithe | €29.80 (ráta iomlán ) €14.90 (leathráta) |
Féadfaidh tú méadú ar d’íocaíocht a fháil do dhuine fásta cleithiúnach agus do leanaí cleithiúnacha.
Conas iarratas a dhéanamh
Níor mhór duit cur isteach ar an Sochar Díobhála faoi cheann 21
lá ón lá ar éirigh tú tinn, nó d’fhéadfá sochar a chailleadh.
Le cur isteach ar an Sochar Díobhála, níor mhór duit dul chuig an dochtúir
agus Teastas Dochtúra Leasa Shóisialaigh Tosaigh a fháil. Is éard atá sa
Teastas Dochtúra Leasa Shóisialaigh Tosaigh foirm iarratais agus teastas
dochtúra le chéile le haghaidh an tSochair Dhíobhála. Cuir ar aghaidh é
chuig an Rannóg Shochair Dhíobhála (féach ‘Cá háit a ndéanfaidh mé
iarratas' anseo thíos)
Níor mhór duit Teastas Dochtúra Idirmheánach a chur isteach gach
seachtain chomh fada agus a bheidh tú neamhábalta ar an obair. Féadfaidh tú
Teastas Dochtúra Idirmheánach a fháil ó do dhochtúir.
Cá háit a ndéanfaidh mé iarratas
Féadfaidh tú do Theastas Dochtúra Leasa Shóisialaigh Tosaigh agus do Theastas Dochtúra Idirmheánach a thabhairt isteach chuig an Oifig Áitiúil Leasa Shóisialaigh is gaire duit nó iad a phostáil chuig:
Rannóg Shochair Dhíobhála
An Roinn Coimirce Sóisialaí
PO Bosca 1650
Baile Átha Cliath 1
Éire
Teil:(01) 704 3018
Lena thuilleadh faisnéise a fháil, téigh i dteagmháil leis an Oifig Áitiúil Leasa Shóisialaigh nó leis an Rannóg Sochair Dhíobhálacha Ceirde:
Rannóg Díobhálacha Ceirde
An Roinn Coimirce Sóisialaí
Áras Mhic Dhiarmada
Sráid an Stórais
Baile Átha Cliath 1
Éire
Teil:(01) 704 3018
Teanga
Ábhar Gaolmhar
- Sochar Míthreorach
Is féidir Sochar Míthreorach a íoc leat má chailleann tú cumas fisiceach nó meabhrach de bharr timpiste a tharla agus tú ag obair, timpiste nó de bharr galair a bhuail thú ag obair. - Scéim na Sochair Gortuithe Ceirde - Ginearálta
Soláthraíonn an scéim Sochair Gortuithe Ceirde raon sochar d'fhostaithe má tá siad gortuithe nó neamhábalta chun na hoibre de bharr timpiste le linn na hoibre nó fad is a bhí siad ag taisteal chuig/ón obair. Liosta sochar sa scéim. - Scéim Chúram Leighis
Tá duine faoi árachas a gortaíodh ag an obair nó a bhfuil galar áirithe ceirde faighte acu i dteideal sochair leasa shóisialaigh a fháil.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.