Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)

Rialacha

Béidh tú cáilithe le haghaidh Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) má bhí do chéile/pháirtnéir sibhialta básaithe ag fáil ceachtar den dá phinsean seo Pinsean Stáit (Idirthréimhse) nó Pinsin Stáit (Ranníocach), agus íocaíocht don chéile/pháirtnéir sibhialta cleithiúnach san áireamh (nó bheadh an íocaíocht sin i gceist ach amháin go raibh an céile/páirtnéir sibhialta ag fáil Pinsean Stáit (Neamh-ranníocach), Pinsean na nDall nó Liúntas Cúramóra).

Muna raibh do chás amhlaidh, ní mór duit ansin dóthain íocaíochtaí ÁSPC a bheith agat.

Ranníocaíochtaí árachais sóisialta (ÁSPC)

Le bheith ina theideal Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) ní mór duit nó do do chéile/páirtnéir sibhialta básaithe méid áirid ranníocaíochtaí ÁSPC a bheith agaibh. Is ar íocaíochtaí ÁSPC duine amháin a dhéantar an méid áirid sin a chomhaireamh - ní féidir ranníocaíochtaí na beirte a chur le chéile leis an líon ceart a dhéanamh suas. Ní mór na ranníocaíochtaí ar fad a bheith déanta roimh bhás an chéile/páirtnéara sibhialta.

Comhraíonn nach mór chuile ranníocaíocht ÁSPC don phinsean seo, ranníocaíochtaí a dhéanann seirbhísigh poiblí agus daoine atá féin-fhostaithe fiú.

Ní mór duit nó do chéile/páirtnéir sibhialta

• Ar a laghad 156 ranníocaíocht íoctha (íoctha go dtí an dáta a bhfuair do chéile/do pháirtnéir sibhialta bás nó roimh do 66ú lá breithe, cibé acu is luaithe). Ó 27 Nollaig 2013 ardóidh an líon ranníocaíochtaí íoctha riachtanacha ó 156 go 260 ranníocaíochtaí.

  Agus

• 39 ranníocaíocht sa mhéan sa 3 bhliain nó sa 5 bhliain roimh bás an chéile/páirtnéir sibhialta nó roimh dó/dí aois an phisin a bhaint amach (66)

  Nó

• Ar a laghad 24 ranníocaíocht bliantúil sa mheán a bheith agat ón gcéad bhliain a d'íoc tú árachas go dtí bliain an bháis nó an bhliain gur bhain tú aois an phinsin amach. Má bhaintear úsáid an an meán seo beidh tú i dteideal bunphinsin le meán de 24, teastóidh meán de 48 íocaíocht sa bhliain leis an bpinsean iomlán a fháil.

Ranníocaíochtaí íoctha i mball stáit eile den Aontais Eorpaigh

Má bhí tú ar fostú inárachaithe roimhe i dtír atá clúdaithe faoi Rialacháin an AE nó i dtír lena bhfuil Comhaontú Déthaobhach Leasa Shóisialaigh ag Éire agus d’íoc tú ranníocaíocht amháin ráta iomlán ÁSPC ar a laghad in Éirinn, is féidir leat do thaifead árachais sa tír sin a chur le do chuid ranníocaíochtaí ÁSPC Éireannacha chun cabhrú leat cáiliú le haghaidh Phinsean Baintrí, Baintrí Fir, nó Páirtnéara Shibialta Marthanaigh (Ranníocach).

Tá tuilleadh eolais ar fáil inár ndoiciméad maidir le do ranníocaíochtaí árachais shóisialaigh ó thar lear a chur le chéile.

Ioncam eile

Ós rud é gur pinsean ranníocach atá i gceist anseo is féidir leat ioncam eile a bheith agat ó fhoinse ar bith eile agus fós a bheith i dteideal an phinsin seo. Ioncam incháinithe atá ann. Muna bhfuil d'ioncam agat ach é ní dóigh go mbeidh aon dliteanas cánach ort.

Ní féidir Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) a fháil ag an am céanna le Pinsin Stáit (Ranníocach). Má tá tú i dteideal dhá íocaíocht a fháil, is féidir leat an ceann is fearr a íocfaidh thú a roghnú. Féadfaidh tú Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) a fháil, áfach, mar aon le leath an ráta pearsanta de Sochar Cuardaitheora Poist, Sochar Breoiteachta, Sochar Díobhálacha Ceirde, Sochar Máithreachais, Sochar Sláinte agus Sábháilteachta nó Sochar Uchtála má tá tú incháilithe le haghaidh ceann de na híocaíochtaí seo freisin.

Má tá Pinsean Easláinte á fháil agat agus má shásaíonn tú na coinníollocha maidir le Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) a fháil, féadfaidh tú leath an ráta pearsanta de Shochar Breoiteachta a fháil ar feadh tamaill theoranta áirithe in áit Pinsean Easláinte agus féadfaidh tú Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) a éileamh.

Fad

Is féidir an pinsean a fháil an fhad agus atá tú i do bhaintreach (fir nó mná) nó páirtnéir sibhialta marthanach. Má athphósann tú, má dhéanann tú páirtnéireacht shibhialta nua nó má bhíonn tú i do chónaí le páirtí mar fhear agus bean, níl tú i dteideal an phinsin níos mó.

Is féidir méadú a fháil ar leanbh cáilithe mar chuid den phinsean - íoctar méadú an fhad agus atá páiste faoi 18 agus suas go sroicheann sé/sí 22 má tá sé/sí ag freastal ar oideachas lán-aimseartha.

Íocaíochtaí eile do dhaoine ar bhaintreach agus páirtnéirí sibhialta marthanacha

Faoin Scéim Gortaithe Ceirde is féidir Pinsean Baintrí, Baintrí Fir nó Páirtnéara Shibhialta Mharthanaigh a íoc má bhásaigh an céile de bharr timpiste nó galair cheirde.

Daoine a bhfuil Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) dhá fháil acu tá siad i dteideal seirbhísí breise ar nós Liúntas Leictreachas má shásaíonn siad na gnáthchoinníollacha. Daoine atá 60 nó ós a cionn, nuair a chailltear an céile/páirtnéir sibhialta atá ag fáil na seirbhísí in aisce coinníonn siad na seirbhísí sin fiú muna bhfuileadar ag sásamh an ghnáthriail aoise.