Íocaíochtaí leasa shóisialaigh tar éis bás duine

Eolas

Bás duine atá ag éileamh íocaíochta leasa shóisialaigh

Leanann roinnt íocaíochtaí leasa shóisialaigh tar éis do dhuine bás a fháil. Is é sin, i gcás bás duine a bhí ag fáil íocaíochta leasa shóisialaigh ar leith, d’fhéadfadh sé go bhfaigheadh a gcéile/páirtnéir sibhialta/comhchónaitheoir 6 seachtaine den íocaíocht seo tar éis an bháis. Íocfar an íocaíocht 6 seachtaine seo ag an ráta céanna a bhí á fháil ag do chéile/páirtnéir sibhialta/comhchónaitheoir básaithe. B’fhéidir go bhfaighidh tú an íocaíocht 6 seachtaine má bhí do chéile/páirtnéir sibhialta/comhchónaitheoir ag fáil ceann de na híocaíochtaí seo a leanas agus má bhí íocaíocht (Méadú le haghaidh Duine Fásta Cáilithe) san áireamh inti duitse:

• Pinsean Stáit (Idirthréimhseach)
• Pinsean Stáit (Neamh-Ranníocach) nó Pinsean Stáit (Ranníocach)
• Liúntas Réamhscoir
• Sochar Cuardaitheora Poist nó Liúntas Cuardaitheora Poist
• Liúntas Leasa Forlíontach
• Sochar Breoiteachta
• Liúntas Míchumais
• Pinsean Easláinte
• Pinsean na nDall
• Cúnamh Feirme
• Sochar Díobhála nó Forlíonadh Éagumais.

Má tá tú ag fáil ceann de na híocaíochtaí leasa shóisialaigh atá liostaithe thuas agus má fuair do chéile/páirtnéir sibhialta/comhchónaitheoir marbh ceann de na híocaíochtaí leasa shóisialaigh atá liostaithe thuas ina cheart féin, is féidir leat lean ag fáil íocaíocht do chéile/páirtnéir sibhialta/comhchónaitheoir ar feadh 6 sheachtain i ndiaidh an bháis de bhreis ar d'íocaíocht féin.

Má tá tú ag fáil ceann de na híocaíochtaí leasa shóisialaigh atá liostaithe thuas agus má fuair do chéile/páirtnéir sibhialta/comhchónaitheoir Sochar Cúramóra nó Liúntas Cúramóra, is féidir leat lean ag fáil íocaíocht do chéile/páirtnéir sibhialta/comhchónaitheoir ar feadh 6 sheachtain i ndiaidh an bháis de bhreis ar d'íocaíocht féin.

Bás duine fásta cáilithe

Má tá tú ag fáil íocaíochta leasa shóisialaigh a chuimsigh íocaíocht (Méadú do Dhuine Fásta Cáilithe) dod’ chéile/páirtnéir sibhialta/comhchónaitheoir nach maireann, leanfaidh tú ag fáil an ráta céanna íocaíochta ar feadh 6 seachtaine tar éis a b(h)áis.

Bás cleithiúnaí linbh

Má fhaigheann do leanbh bás, is hiondúil go leanfaidh an íocaíocht Méadú do Leanbh Cáilithe ar feadh 6 seachtaine, má bhí an leanbh cuimsithe i d’íocaíocht. Téigh i dteagmháil leis an rannóg den Roinn Coimirce Sóisialaí atá freagrach as d’íocaíocht.

Ba chóir duit an Rannóg Sochar Leanaí den Roinn a chur ar an eolas freisin faoi bhás an linbh.

Nuair a fhaigheann an duine a raibh cúram á dhéanamh dó/di bás

Sa chás go bhfuil tú ag fáil Liúntais Cúramóra nó Sochair Cúramóra agus go bhfaigheann an duine a bhfuil cúram á dhéanamh agat dó/di bás:

Más é/í do chéile/páirtnéir sibhialta/comhchónaitheoir an té a raibh tú ag déanamh cúraim dó/di agus má bhí sé/sí ag fáil íocaíochta leasa shóisialaigh, stopfaidh do Shochar/Liúntas Cúramóra ó dháta a b(h)áis. Íocfar íocaíocht leasa shóisialaigh do chéile/páirtnéir sibhialta/comhchónaitheoir nach maireann leat ag an ráta pósta ar feadh 6 seachtaine tar éis a b(h)áis, áfach.

Mura raibh do chéile ag fáil íocaíochta leasa shóisialaigh, leanfaidh tú ag fáil Sochair/Liúntais Cúramóra ar feadh 6 seachtaine tar éis a b(h)áis.

Murar é/í do chéile/páirtnéir sibhialta/comhchónaitheoir an té a raibh tú ag déanamh cúraim dó/di, leanfar ag íoc Sochair/Liúntais Cúramóra ar feadh 6 seachtaine tar éis a b(h)áis.