Pinsean Tuismitheora Cleithiúnach
Eolas
Má bhí tú ag brath ar do pháiste go hiomlan nó don chuid is mó i gcomhair tacaíocht airgeadais, d'fhéadfá a bheith i dteideal Pinsin Thuismitheora Cleithiúnach má chailltear do pháiste mar thoradh ar thimpiste nó eile ag baint leis an obair nó agus é/í ag fáil Pinsean Míthreorach. D'fhéadfadh an pinsean seo a bheith laghdaithe go mór má bhí do pháiste pósta nó i bpáirtnéireacht shibhialta.
D'fhéadfá freisin a bheith i dteideal sochair eile nó Deontas Báis. D'fhéadfá a bheith i dteideal Liúntas Breosla. Má tá tú 66 bliana d'aois nó níos mó beidh tú i dteideal Saor Thaisteal. D'fhéadfá a bheith i dteideal Pacáiste Sochar Teaghlaigh nó cárta leighis (ó do FSS áitiúil).
Rialacha
D'fhéadfadh tuismitheoir nó tuismitheoirí dhuine básaithe a bheith i dteideal Pinsin Thuismitheora Cleithiúnach má bhí sé/ sí nó iad á gcothú go hiomlán nó don chuid is mó ag an té a cailleadh agus gur cailleadh an té sin mar thoradh ar:
- Timpiste ag an obair
- Galar ceirde
- nó go raibh sé/ sí ag fáil Pinsean Míthreorach ag measúnú 50% nó níos mó ag am a b(h)áis.
Rátaí
Rátaí í 2012
Muna raibh an té a cailleadh pósta ná i bpáirtnéireacht shibhialta
An chéad tuismitheoir (faoi 66 bliana d'aois): €218.50
An chéad tuismitheoir (ós cionn 66 bliana d'aois): €234.70
An chéad tuismitheoir (80 bliana d'aois nó níos sine ná sin): €244.70
Braitheann méid an phinsin ar stádas singil, pósta nó i bpáirtnéireacht shibhialta an té a cailleadh.
Conas iarratas a dhéanamh
Ba chóir duit éileamh ar aon íocaíocht faoin Scéim Sochair Báis a dhéanamh laistigh de 3 mhí tar éis dáta an bháis. Mura ndéanfá, d'fhéadfá roinnt sochair a chailleadh.
Comhlánaigh an fhoirm iarratais OB61 (pdf) atá ar fáil ag gach oifig an phoist. Seol an fhoirm comhlánaithe chuig an Rannóg Sochar Míthreorach thíos.
Cá háit a ndéanfaidh mé iarratas
An Roinn Coimirce Sóisialaí
Oifig na Seirbhísí Leasa Shóisialaigh
Tithe an Rialtais
Bóthar Béal Átha na Lao
An Longfort
Éire
Teil:(043) 334 0000
Lóghlao:1890 927 770
Láithreán Gréasáin: http://www.welfare.ie
Teanga
Ábhar Gaolmhar
- Pinsean Baintrí, Baintrí Fir nó Páirtnéara Shibhialta
Mharthanaigh (Ranníocach)
Má tá dóthain ranníocaíochtaí ÁSPC ag an té atá básaithe nó an chéile, d'fhéadfadh an Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) (an Pinsean (Ranníocach) Baintrí (Fir)roimhe seo) a bheith íoctha chomh maith le sochair leasa shóisialaigh atá bainteach. - Sochair agus teidlíochta tar éis báis
Soláthraíonn an doiciméad seo forbhreathnú ar na sochair leasa shóisialaigh atá ar fáil nuair a fhaigheann duine bás. - Sochar Míthreorach
Is féidir Sochar Míthreorach a íoc leat má chailleann tú cumas fisiceach nó meabhrach de bharr timpiste a tharla agus tú ag obair, timpiste nó de bharr galair a bhuail thú ag obair.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.