Rogha Oideachais Páirtaimseartha
Réamhrá
Cuireann an Rogha Oideachais Páirtaimseartha ar do chumas do Liúntas Cuardaitheora Poist nó Sochar Cuardaitheora Poist a choinneáil agus freastal ar chúrsa oideachais nó oiliúna páirtaimseartha sa lá nó san oíche.
Ní mór duit leanúint ag comhlíonadh na gcoinníollacha i gcomhair Sochar Cuardaitheora Poist nó Liúntas Cuardaitheora Poist. Má fhaigheann tú tairiscint oibre agus tú ar an gcúrsa beifear ag súil go nglacfaidh tú leis an tairiscint sin.
Achomhairc
Is scéim riaracháin í ROPA. Is féidir leat achomharc a dhéanamh ar chinneadh an Rogha Oideachais Páirtaimseartha a dhiúltú duit má tá an diúltú bunaithe ort a bheith ar fáil i gcomhair fostaíochta an t-am go léir.
Rialacha
Níl an Rogha Oideachais Páirtaimseartha mar an gcéanna leis an Liúntas um Fhilleadh ar an Oideachas ná an Rogha Oideachais, Oiliúna agus Forbartha.
Níl aon chritéir incháilitheachta ar leith ann don ROPA. Is féidir leat a bheith aois ar bith agus a bheith dífhostaithe ar feadh aon tréimhse sula dtosaíonn tú cúrsa oideachais páirtaimseartha.
D’íocaíocht cuardaitheora poist a choinneáil
Má tá tú ag fáil Liúntais Cuardaitheora Poist nó Sochair Cuardaitheora Poist is féidir leat an Rogha Oideachais Páirtaimseartha a ghlacadh agus leanúint ag fáil d’íocaíocht cuardaitheora poist. Ní mór dod’ Oifig Áitiúil Leasa Shóisialaigh a bheith sásta gur dóigh go bhfeabhsóidh an cúrsa do sheans post a fháil.
Ní mór duit leanúint ag comhlíonadh na gcoinníollacha trína bheith ar fáil i gcomhair agus ag cuardach oibre. Má fhaigheann tú tairiscint oibre agus tú ar an gcúrsa beifear ag súil go nglacfaidh tú leis an tairiscint sin.
Cúrsaí a chlúdaítear
Is féidir leat páirt a ghlacadh i gcúrsa lae, cúrsa oíche nó cúrsa luath ar maidin páirtaimseartha, cúrsa cianoideachais nó cúrsa páirtaimseartha faoin Tionscnamh Filleadh ar Oideachas. I gcásanna áirithe, glacfar le cúrsaí páirtaimseartha a ritear i rith gnáth lá oibre, mar shampla, cúrsaí faoin Tionscnamh Filleadh ar Oideachas.
Tá rogha leathan ábhar ar fáil faoin Tionscnamh Filleadh ar Oideachas. Mar shampla:
- Oideachas aosach bunúsach
- Ábhair an Teastais Shóisearaigh agus na hArdteistiméireachta cosúil le Béarla agus matamaitic.
- I measc na gcineálacha eile cúrsaí atá i gceist tá: forbairt phearsanta, lónadóireacht, turasóireacht, cumarsáid, spórt agus fóillíocht.
Cúrsa a aimsiú
Chun fáil amach faoi na cúrsaí atá ar fáil agus chun comhairle a fháil faoi conas áit a fháil ar do rogha cúrsa, ba chóir duit dul i dteagmháil le do CGO, scoil, coláiste nó leabharlann phoiblí áitiúil nó leis an Ionad Faisnéise do Shaoránaigh.
Rataí
Gheobhaidh tú do Liúntas Cuardaitheora Poist nó do Shochar Cuardaitheora Poist i gcónaí agus aon sochair thánaisteacha eile ag an gnáthráta.Conas iarratas a dhéanamh
Ba chóir gach iarratas ar an Rogha Oideachais Páirtaimseartha a dhéanamh ar an bhfoirm BTE1. Iarrfar ort faisnéis a chur ar fáil faoi do chúrsa, mar shampla, amchlár an chúrsa.Cá háit a ndéanfaidh mé iarratas
Déan iarratas ar Rogha Oideachais Páirtaimseartha ag d’Oifig Áitiúil Leasa Shóisialaigh.
Teanga
Ábhar Gaolmhar
- Clár ar ais chun Oideachais
Féadfaidh an Clár ar Ais Chun Oideachais tacaíocht a thabhairt duit páirt a ghlacadh i gcúrsaí oideachasúil agus forbairt phearsanta chun chuidiú leat fostaíocht a fháil. - Rogha Oideachais, Oiliúna agus Forbartha
Féadfaidh tú d’íocaíocht cuardaitheora poist a choinneáil fad is atá tú ag glacadh páirte i gcúrsaí áirithe oideachais, oiliúna nó forbartha. Faigh tuilleadh eolais. - Ag lorg oibre: oideachas agus oiliúint
Má tá tú dífhostaithe tá réimse deiseanna oideachais agus oiliúna éagsúla ar fáil. Ina measc seo tá cúrsaí atá go sonrach do dhaoine dífhostaithe.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.