Ranníocaíochtaí deonacha árachais shóisialaigh
Eolas
Is féidir le híocadh Árachais shóisialta cuidiú leat bheith i dteideal íocaíochtaí árachais shóisialaigh, ar nós An Pinsean Stáit (Ranníocaíochta). Más fostaí thú, gearrtar asbhaintí Árachas Sóisialach Pá-Choibhneasta (ÁSPC) ó do phá gach aon seachtain.
Mura fostaí tú a thuilleadh nó má tá tú féinfhostaithe agus gan ranníocaíochtaí (ÁSPC) a dhéanamh, thig leat ranníocaíochtaí deonacha a dhéanamh.
Is féidir le ranníocaíochtaí deonacha do thaifead árachais shóisialta a chothabháil agus cuidiú leat bheith i dteideal íocaíochtaí árachais shóisialaigh sa todhchaí.
Más duine thú a d’éirigh as an obair chun dul i gcúram linbh faoi 12 bliana d’aois nó i gcúram duine éagumasach/ linbh éagumasach thig le Scéim um Chúramaí Baile bheith ina rogha níos fearr duit ná ranníocaíochtaí deonacha a dhéanamh.
Rialacha
Chun cáiliú le ranníocaíochtaí deonacha a dhéanamh ní mór duit:
- 260 seachtain ar a laghad de ranníocaíochtaí ÁSPC íoctha faoi árachas éigeantach i gceachtar fostaíocht nó féinfhostaíocht
- Ní mór duit iarratas chun ranníocaíochtaí deonacha a dhéanamh laistigh de 12 mhí i ndiaidh dheireadh na bliana cánach (bliain ranníocaíochta) ar lena linn a d’íoc tú árachas éigeantach nó a bhí ranníocaíochta creidiúnaithe agat. (Ó 2013 moltar an riachtanas ranníocaíochta go 520 ranníocaíocht a mhéadaigh.)
- Comhaontú le ranníocaíochtaí deonacha a íoc ó thús seachtain ranníocaíochta a leanann an tseachtain a d’éirigh tú as árachas éigeantach.
Agus
- Ní mór duit iomlán na ranníocaíochta don bhliain a íoc gan a bheith níos moille ná 5 mhí i ndiaidh dheireadh na bliana ina bhfuil an íocaíocht dlite
Ní féidir ranníocaíochtaí atá íoctha de réir Aicme ÁSPC J a úsáid chun na coinníollacha seo a chomhlíonadh. Is féidir leat, áfach, ÁSPC ag Aicme J agus ranníocaíochtaí deonacha a íoc ag an am céanna.
Stadann tú ag íoc ranníocaíochtaí deonacha ceachtar nuair a bhíonn tú 66 bliana d’aois nó nuair a thosaíonn tú ag íoc ÁSPC arís.
Má fhaigheann tú Pinsean Stáit Leasa Shóisialaigh (Aistriú) ag 65 bliana níl ort ranníocaíochtaí deonacha sa bhreis a íoc.
Rataí
Tá trí ráta éagsúil do ranníocaíochtaí deonacha ann. Is ionann an ráta ranníocaíocht deonach a íocann tú agus an ranníocaíocht ÁSPC is déanaí a d’íoc tú nó atá creidiúnaithe agat. Léigh tuilleadh eolais faoi íocadh árachais shóisialaigh.
Má d’íoc tú ÁSPC ag Aicme A, E, nó H, íocann tú ardráta ranníocaíochta de 6.6% ar d’ioncam inríofta sa bhliain cánach roimhe sin faoi réir íos-táille de €317. Is féidir bheith i dteideal íocaíochtaí árachais shóisialta le ranníocaíochtaí deonacha a íoc ag an ráta seo mar a leanas :
- Pinsean Stáit (Aistriú)
- Pinsean Stáit (Ranníocach)
- Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
- Íocaíocht Chaomhnóra (Ranníocach)
- Deontas Meala
Má d’íoc tú ÁSPC ag Aicme B, C, nó D íocann tú íosráta ranníocaíochta de 2.6% ar d’ioncam inríofa sa bhliain chánach roimhe sin faoi réir íostáille de €126. Socraítear an t-uastáille de réir na huasteorann ÁSPC atá i bhfeidhm i ngach bliain ranníocaíochta. Is féidir bheith i dteideal íocaíochtaí árachais shóisialta le ranníocaíochtaí deonacha a íoc ag an ráta seo mar a leanas:
- Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
- Íocaíocht Chaomhnóra (Ranníocach)
- Deontas Meala
Má d’íoc tú ÁSPC ag Aicme S íocann tú bunráta de €235. Is féidir bheith i dteideal íocaíochtaí árachais shóisialta le ranníocaíochtaí deonacha a íoc ag an ráta seo mar a leanas :
- Pinsean Stáit (Ranníocach)
- Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
- Íocaíocht Chaomhnóra (Ranníocach)
- Deontas Meala
Is féidir ranníocaíochtaí a íoc le seic, Dréacht Bainc nó Dochar Díreach. Is féidir leat do ranníocaíochtaí deonacha a íoc le cnapshuim roimh dheireadh na bliana ranníocaíochta nó le tráthchodanna gach trí nó se mhí le linn na bliana ranníocaíochta.
Conas iarratas a dhéanamh
Le bheith i do ranníocóir deonach ní mór duit an fhoirm VC 1 a íoslódáil agus a líonadh (pdf).
Is féidir leat an fhoirm seo a fháil ó d’ oifig áitiúil leasa shóisialaigh.
Cá háit a ndéanfaidh mé iarratas
Rannóg na Ranníocaíochtaí Deonacha
Roinn Coimirce Sóisialaí
Bóthar Chorcaí
Port Láirge
Éire
Teil:(051) 356 000
Lóghlao:1890 690 690
Facs:(051) 877 838
Láithreán Gréasáin: http://www.welfare.ie/
R-phost: volcons@welfare.ie
Teanga
Ábhar Gaolmhar
- An t-árachas sóisialach in Éirinn
De thoradh ranníocaíochtaí árachais shóisialaigh bíonn tú i dteideal réimse leathan sochar atá riartha ag an Roinn Gnóthaí Sóisialacha agus Teaghlaigh. - Gnáthdheontas Méala
Cur síos gairid ar na rialacha, rátaí agus riachtanais cháilitheachta a bhaineann leis an Deontas Méala. - Pinsean Stáit (Ranníocach)
Íoctar an Pinsean Stáit (Ranníocach), a thugadh Pinsean Seanaoise (Ranníocach) roimhe sin, do dhaoine os cionn 66 bliana d'aois a d'oibrigh agus a d'íoc a ndóthain ranníocaíochtaí árachais sóisialta.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.