Scéim Dreasachta Jabanna (ÁSPC) i gcomhair Fostóirí
Eolas
Díolmhaíonn an Scéim Dreasachta Jabanna (ÁSPC) i gcomhair Fostóirí fostóirí óna ndliteanas a gcion d’ÁSPC i leith fostaithe áirithe a íoc. Tá an scéim seo oscailte d’fhostóirí a chruthaíonn jabanna nua agus jabanna breise.
Má cháilíonn tú, mairfidh sé ar feadh tréimhse 18 mhí ón dáta ar a
bhfaomhtar don scéim tú (do jabanna a cruthaíodh tar éis 1 Eanáir, 2012).
Is é an cuspóir atá ag an scéim ná tacú le cruthú jabanna agus oibriú i
gcoinne daoine a bheith i ndífhostaíocht fadtéarmach agus spleách ar leas
sóisialach.
Rialacha
Chun cáiliú don Scéim Dreasacht Jabanna (ÁSPC) i gcomhair Fostóirí, ní mór don jab a chruthaíonn tú agus don duine a fhostaíonn tú critéir áirithe a chomhlíonadh. Chomh fada is atá tú ag fanacht ar fhaomhadh don scéim, ba chóir duit ÁSPC fostaí agus fostóra caighdeánach a fheidhmiú.
Ní mór don duine a fhostaíonn tú a bheith ag fáil ceann de na híocaíochtaí leasa shóisialaigh seo a leanas ar feadh tréimhse leanúnach 6 mhí ar a laghad:
- Sochar do Lucht Cuardaigh Fostaíochta
- Liúntas do Lucht Cuardaigh Fostaíochta
- Íocaíocht Teaghlaigh Aontuismitheora
- Liúntas Míchumais
Tá an t-am a chaithfear ar an gClár Socrúcháin Oibre ó JobBridge, Scéim Náisiúnta Intéirneachta ináirithe i gcomhair cúiseanna cáilitheachta freisin. Is féidir leat a fhostú ar dhuine cáilithe díreach as ceann de na scéimeanna seo nuair atá critéir 156 lá (6 mhí) sásaithe.
Ní mór don jab seo:
- A bheith ina phost/jab nua agus breise - ní cheadófar d’fhostóirí fostaithe nua a fháil in áit fostaithe reatha chun leas a bhaint as an scéim
- A bheith ar feadh 30 uaire in aghaidh na seachtaine ar a laghad
- Seasamh ar feadh 6 mhí ar a laghad. Má thagann deireadh leis an bhfostaíocht taobh istigh de 6 mhí ón am a fhaigheann tú an díolúine, d’fhéadfadh go mbeadh ort ranníocaíochtaí ÁSPC an fhostóra a íoc i leith an fhostaí sin.
Uasráta rannpháirtíochta
Ní féidir leat díolúine a fháil ó ÁSPC ach amháin i leith líon teoranta fostaithe. Is é an teorainn seo ná 5% den fhoireann oibre reatha, nó, i gcás cuideachtaí níos lú, uasmhéid de 5 phost nua.Conas iarratas a dhéanamh
Má tá fostaí nua agat agus go bhfuil tú incháilithe don scéim, líon isteach foirm ÁSPC 20.
Seol an fhoirm ÁSPC 20 le deimhniú imréiteach cánach reatha chuig an
Roinn Coimirce Sóisialaí - féach ‘Cá háit a ndéanfaidh mé iarratas’
thíos.
Cá háit a ndéanfaidh mé iarratas
Ba chóir d’iarratas ar an Scéim Dreasachta Jabanna (ÁSPC) i gcomhair Fostóirí a sheoladh chuig:
Scéim Díolúine Jabanna (ÁSPC) i gcomhair Fostóirí
An Roinn Coimirce Sóisialaí
Urlár 2
Lóiste na Sionainne
Cora Droma Rúisc
Liatrom
Éire
Lóghlao:1890 927 999
Láithreán Gréasáin: http://www.welfare.ie
Teanga
Ábhar Gaolmhar
- JobBridge - Scéim Náisiúnta Intéirneachta
Soláthraíonn Scéim Náisiúnta Intéirneachta deiseanna thaithí oibre do dhaoine a bhí ag fáil íocaíocht dífhostaíochta nó ag síniú do chreidmheasanna. - Clár Socrúchán Oibre
Cuireann Clár Socrúcháin Oibre taithí oibre ar fáil do dhaoine dífhostaithe. - Dualgas an fhostóra árachas sóisialta (ÁSPC) a íoc
Nuair íocann tú ÁSPC tá teidlíocht agat íocaíochtaí leasa shóisialaigh a fháil. Tá freagracht dhlíthiúil ar d'fhostóir as ÁSPC. Déanann an doiciméad cur síos ar dhualgas d'fhostóir ÁSPC a íoc.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.