Ioncam airgid tirim agus íocaíochtaí leasa shóisialaigh

Rialacha

Seo a leanas an ioncam nach n-áirítear sa tástáil acmhainne do na scéimeanna uile seachas Forlíonadh ar Ioncam Teaghlaigh (FIT), Liúntas Leasa Forlíontach agus Liúntas Cíosa (Ní hionann Liúntas Cíosa agus Forlíonadh Cíosa):

• Íocaíocht ar bith ón Roinn Coimirce Sóisialaí (seachas i gcás an Liúntais Cuardaitheora Poist - Féach ‘Íocaíocht uasta mar Liúntas Cuardaitheora Poist’ thíos
• Liúntas Leasa Forlíontach
• Ioncam ó áitreabh atá measúnaithe de réir a luacha chaipitiúil.
• Íocaíocht ar bith ó Bhallstát AE eile atá comhfhreagrach le Sochar Linbh.
• Ioncam ó eagraíochtaí carthanachta neamh-bhrabúis aitheanta
• Liúntas Soghluaiseachta ón Feidhmeannacht na Seirbhíse Sláinte (FSS)
• Liúntas cúram altrama ón FSS
• Liúntas Cúram Baile
• Deontas Cúram Baile ón FSS
• Liúntais le haghaidh Cláir Teagaisc Bhaile ón Roinn Oideachais agus Scileanna
• Deontais do thuismitheoirí a bhfuil a leanaí ag freastal ar bhunscoil i gceantair Gaeltachta, mar aon le hioncam ó lóistín a chur ar fáil do mhic léinn a dhéanann staidéar ar an nGaeilge i gceantair Gaeltachta.
• Suim airgid ar bith a fhaigheann daoine mar liúntas oiliúna le linn dóibh a bheith ar chúrsa oiliúna athshlánaithe faoi stiúir eagraíochta atá formheasta ag an Aire Sláinte
• Íocaíochtaí cúitimh do dhaoine a bhfuil Heipitíteas C nó VEID tolgtha acu ó thairgí fola fabhtacha, mar aon le hioncam ó infheistíochtaí an airgid sin
• Íocaíochtaí cúitimh ón mBord um Shásamh i leith Foras Cónaithe, mar aon le hioncam ó infheistíochtaí an airgid sin
• Íocaíochtaí cúitimh do dhaoine a bhfuil míchumas orthu de thoradh Tailídimíde mar aon le hioncam ó infheistíochtaí an airgid sin
• €104 in aghaidh na bliana ó Arm-phinsin áirithe. Áirítear Pinsean Arm na Breataine sa liosta seo
• Ranníocaíochtaí CPCS
• Íocaíochtaí Liúntas um Filleadh ar Obair, Liúntas Fiontraíochta um Fhilleadh ar Obair, Liúntas um Fhilleadh ar Oideachas, Scéim Dreasachta Poist Pháirtaimseartha le do chéile/pháirtnéir sibhialta/chomhchónaitheoir
• Íocaíocht cúrsa FÁS le do chéile/pháirtnéir sibhialta/chomhchónaitheoir (seachas Scéim Fhostaíochta Pobail)
• Íocaíocht SDOG le do chéile/pháirtnéir sibhialta/chomhchónaitheoir
• Aon aisíocaíocht faoi Scéim Aisíocaíocht Tithe Altramais leis an céile nó páirtnéir sibhialta den duine atá rótháille gearrtha

Tá ioncam (airgead tirim ) breise ann, nach n-áirítear sa tástáil acmhainne d'íocaíochtaí leasa shóisialaigh aonair. Tá tuilleadh eolais a fháil ón Roinn Coimirce Sóisialaí i dtaobh ioncam (airgead tirim) breise nach n-áirítear sa tastáil acmhainne d'íocaíochtaí leasa soisialaigh.

Íocaíocht uasta mar Liúntas Cuardaitheora Poist

De ghnáth ní chuirtear aon íocaíochtaí a dhéanann an RGST san áireamh sa tástáil acmhainne maidir le híocaíocht leasa shóisialaigh. Má éilíonn duine den lánúin an Liúntas Cuardaitheora Poist agus má fhaigheann an duine eile ceann amháin de na híocaíochtaí leasa shóisialaigh atá ar an liosta thíos áfach, ní féidir leis an méid iomlán a íoctar don lánúin a bheith níos mó ná an t-uasmhéid a íoctar do dhuine amháin (agus cleithiúnaithe san áireamh) ar íocaíocht leasa shóisialaigh amháin. Ina dhiaidh sin is uile, is féidir leat an íocaíocht ar an ráta níos airde a roghnú mar an íocaíocht phríomhúil chun d’uasmhéid a ríomh.

• Sochar Breoiteachta
• Pinsean Míchumais (nuair a íoctar in éineacht le Sochar Breoiteachta nó Forlíonadh Éagumais é)
• Sochar Díobhála
• Pinsean Easláinte
• Pinsean Stáit (Neamhranníocach)
• Pinsean Stáit (Ranníocach)
• Pinsean Stáit (Idirthréimhseach)
• Sochar Cuardaitheora Poist
• Liúntas Cuardaitheora Poist
• Liúntas Réamhscoir (LR)
• Cúnamh Feirme (CF)

Tá níos mó eolais faoin íocaíocht uasta mar Liúntas Cuardaitheora Poist ar fáil ar láithreán gréasáin na Roinn Coimirce Sóisialaí.