Anseo atá tú: Baile > Reference > Worksheets > Bileog oibre: Liúntas Cuardaitheora Poist agus ioncam ón obair

Tá sé d’aidhm ag an mbileog oibre seo cabhrú leat a fháil amach cén tionchar a bheidh ag obair páirtaimseartha nó ócáideach ar do Liúntas Cuardaitheora Poist seachtainiúil in 2011.

Déantar ioncam ón obair a mheasúnú mar acmhainn agus is féidir leis sin dul i gcion ar d’íocaíocht don Liúntas Cuardaitheora Poist. Is féidir le foinsí eile ioncaim nó acmhainní dul i gcion ar do Liúntas Cuardaitheora Poist chomh maith, mar shampla, cothabháil, sochar agus pribhléid, ioncam airgid agus capiteal (coigilteas agus infheistíochtaí san áireamh). Sa bhileog oibre seo nílimid ach ag féachaint ar an chaoi ar féidir le hioncam ón obair dul i gcion ar d'íocaíocht.

Bileog Oibre

Níl duine i dteideal Liúntas Cuardaitheora Poista (LCP) in Éirinn ach do thréimhsí dífhostaíochta amháin. Is í an íostréimhse go gcaithfidh tú a bheith dífhostaithe chun LCP a fháil ná 3 lá i dtréimhse 6 lá leanúnach, gan an Domhnach san áireamh. Tá tuilleadh eolais faoi na critéir cháilithe le fáil inár ndoiciméad faoin Liúntas Cuardaitheora Poist.

Bileog Oibre maidir leis an Liúntas Cuardaitheora Poist(LCP) Euro

Liúntas Cuardaitheora Poist (uasráta seachtainiúil)
(Is féidir d'aois an íocaíocht
uasta maidir le do chúinsí a
chinneadh. Faigh amach do ráta
sa doiciméad faoi Liúntas
Cuardaitheora Poist)

Móide Méadú le haghaidh Cleithiúnaí Linbh _+________
(€29.80 méadaithe faoi líon na gcleithiúnaithe linbh.
Má ghearrtar d’acmhainní faoi leath
gheobhaidh tú €14.90 do gach leanbh incháilithe-
féach 'Céim 2' thíos)

Móide Méadú le haghaidh Duine Fásta Cáilithe
(Má ghearrtar d’acmhainní faoi leath
ní bheidh an méadú le haghaidh duine fásta
cáilithe iníoctha - féach 'Céim 2' thíos.)

Iomlán (Uasmhéid an Liúntais Cuardaitheora Poist)

Lúide acmhainní seachtainiúla ón obair _-______
(Téigh chuig eolas breise thíos le cabhrú leat
d’acmhainní seachtainiúla ón obair a ríomh.)

Lúide acmhainní seachtainiúla an chéile/pháirtí ón obair _-____
(Téigh chuig eolas breise thíos le cabhrú leat
acmhainní seachtainiúla
do chéile/pháirtnéir sibhialta/chomhchónaitheoirí ón obair a ríomh.)

Íocaíocht sheachtainiúil iomlán don Liúntas Cuardaitheora Poist €________

Eolas breise: Conas d’acmhainní seachtainiúla ón obair a dhéanamh amach

Bain úsáid as céimeanna 1-5 chun d’acmhainní seachtainiúla ón obair a ríomh.

Céim 1: Tuilleamh seachtainiúil inmheasúnaithe

Faigh do thuilleamh seachtainiúil inmheasúnaithe.

Déantar na míreanna seo a leanas a asbhaint ó d'olltuilleamh i gcónaí chun do thuilleamh inmheasúnaithe a fháil:

• ÁSPC (Ranníocaíocht)
• Dleachtanna ceardchumainn
• Aoisliúntas
• CCSP (Cuntas Coigiltis Scoir Pearsanta)
• Ranníocaíochtaí Saorálacha Breise

Sampla

Is fear singil é Jim atá 27 bliain d'aois. Oibríonn sé 3 lá sa tseachtain (Dé Luain, Dé Máirt agus Dé Céadaoin) agus faigheann sé €50 in aghaidh an lae. Is é a thuilleamh seachtainiúil inmheasúnaithe ná €150. Glacaimid leis nach bhfuil ranníocaíocht ar bith á híoc aige maidir le haoisliúntas, dleachtanna ceardchumainn, CCSP nó RSB. Ní íocann sé ÁSPC toisc go bhfuil a thuilleamh níos lú ná €352. Tuilleamh seachtainiúil inmheasúnaithe = €150

Céim 2: Faigh amach an bhfuil do thuilleamh seachtainiúil inmheasúnaithe thar an teorainn

Sular féidir leat an méid LCP a bhféadfá a fháil a ríomh, ní mór duit a fháil amach an bhfuil d’acmhainní seachtainiúla níos mó ná an uasíocaíocht LCP do do staid. Cuimsíonn an uasíocaíocht don Liúntas Cuardaitheora Poist an uasíocaíocht phearsanta agus méadú ar bith le haghaidh duine fásta cáilithe agus leanaí cleithiúnacha.

Sa chéim seo níl méid iarbhír an LCP á ríomh agat, níl tú ach ag seiceáil an bhfuil tú in ann LCP a fháil.

Chun é seo a dhéanamh tóg do thuilleamh seachtainiúil inmheasúnaithe ó Chéim 1 agus bain €20 in aghaidh an lae do gach lá a d’oibrigh tú suas le huasmhéid de €60. Ansin faigh 60% den iarmhéid. Measúnaítear é seo mar d’acmhainní seachtainiúla.

Tuilleamh seachtainiúil inmheasúnaithe - €20 = iomlán x 60% = acmhainní seachtainiúla ón obair.

Roinntear d'acmhainní faoi leath má tá do chéile/pháirtnéir sibhialta/chomhchónaitheoir:

• Ag fáil íocaíochta leasa shóisialaigh (seachas Sochar Leanaí agus Pinsean Míchumais, Liúntas Cúram Baile, íocaíocht chaomhnóra, Liúntas Leasa Forlíontach agus Liúntas Cúramóra leath-ráta)

• Ar chúrsa FÁS nó SDOG agus ag fáil liúntais ina c(h)eart féin.

Nóta: Má ghearrtar d’acmhainní faoi leath, ní bhfaighidh tú an méadú le haghaidh duine fásta cáilithe ach is féidir leat méadú leathráta a fháil do gach leanbh incháilithe.

Má tá d’acmhainní seachtainiúla níos lú ná an t-uasráta seachtainiúil do do chúinsí ansin téigh chuig Céim 3 agus tosaigh ar mhéid iarbhír an LLCF a gheobhaidh tú a ríomh.

Sampla
Is é tuilleamh seachtainiúil inmheasúnaithe Jim ná €150 in aghaidh na seachtaine. Oibríonn sé 3 lá sa tseachtain. €150 - €60 (3 lá) = €90 x 60% = €54 Acmhainní seachtainiúla ón obair = €54 Sa sampla seo, tá acmhainní seachtainiúla Jim faoi bhun na buníocaíochta LCP dá chúinsí. Téigh chuig Céim 3.

Céim 3: Meántuilleamh laethúil

Anois go bhfuil a fhios agat go bhfuil tú i dteideal íocaíochta LCP is féidir leat tosú ar ráta d’íocaíochta LCP a ríomh.

Déan do mheántuilleamh laethúil a ríomh: chun é seo a dhéanamh faigh do thuilleamh seachtainiúil inmheasúnaithe iomlán ó fhostaíocht agus roinn faoin líon laethanta a d’oibrigh tú an tseachtain sin.

Tuilleamh seachtainiúil iomlán ÷ líon laethanta oibrithe = meántuilleamh laethúil.

Sampla
Oibríonn Jim 3 lá sa tseachtain (Dé Luain, Dé Máirt agus Dé Céadaoin) agus faigheann sé €150 in aghaidh na seachtaine. €150 ÷ 3 = €50 Meántuilleamh laethúil = €50

Céim 4: Acmhainní laethúla ón obair

Déan d’acmhainní laethúla ón obair a ríomh.

Chun é seo a dhéanamh, ní mór duit neamhaird a thabhairt ar ioncam ar bith nár cuireadh san áireamh. Is é an t-ioncam nach gcuirtear san áireamh ná €20 do oibrítear. Ansin faigh 60% den iarmhéid. Measúnaítear é seo mar d’acmhainní laethúla.

Meántuilleamh laethúil - €20 = iomlán x 60% = acmhainní laethúla ón obair.

Sampla
Oibríonn Jim 3 lá sa tseachtain (Dé Luain, Dé Máirt agus Dé Céadaoin) agus faigheann sé €50 in aghaidh an lae. Faigheann sé meántuilleamh laethúil de €50 (féach Céim 3). €50 - €20 = €30 Faigh 60% den iomlán (€30 sa sampla seo) = €18 Acmhainní laethúla ón obair = €18

Céim 5: Acmhainní seachtainiúla ón obair

Méadaigh d’acmhainní laethúla faoin líon laethanta oibrithe. Má oibríonn tú ar an Domhnach, ná cuir an Domhnach san áireamh sa líon laethanta oibrithe. (Féach obair Dhomhnaigh thíos)

Acmhainní laethúla ón obair x líon laethanta oibrithe = acmhainní seachtainiúla ón obair.

Roinntear d'acmhainní faoi leath má tá do chéile/pháirtnéir sibhialta/chomhchónaitheoir:

• Ag fáil íocaíochta leasa shóisialaigh (seachas Sochar Leanaí agus Pinsean Míchumais, Liúntas Cúram Baile, íocaíocht chaomhnóra, Liúntas Leasa Forlíontach agus Liúntas Cúramóra leath-ráta)

• Ar chúrsa FÁS nó SDOG agus ag fáil liúntais ina c(h)eart féin.

Nóta: Má ghearrtar d’acmhainní faoi leath, ní bhfaighidh tú an méadú le haghaidh duine fásta cáilithe ach is féidir leat méadú leathráta a fháil do gach leanbh incháilithe.

Sampla
Oibríonn Jim 3 lá sa tseachtain agus faigheann sé €50 in aghaidh an lae. Faigheann sé meántuilleamh laethúil de €50. Faigheann sé acmhainní laethúla de €18 ón obair (féach Céim 4). €18 x 3 lá = €54 Acmhainní seachtainiúla ón obair = €54

Obair Dhomhnaigh

Má oibríonn tú ar an Domhnach, tá an chaoi a ndéanann tú d’acmhainní ó fhostaíocht a ríomh difriúil ón gnáth. Ní chuirtear an Domhnach san áireamh mar lá oibre, mar sin ní chuirtear d’acmhainní laethúla ón Domhnach san áireamh maidir le Liúntas Cuardaitheora Poist.

Chun d’acmhainní ó fhostaíocht a ríomh:

• Cuireann tú do thuilleamh ón Domhnach san áireamh chun do thuilleamh seachtainiúil inmheasúnaithe a fháil (féach Céim 1 thuas)
• Cuireann tú an Domhnach san áireamh le fáil amach an bhfuil do thuilleamh seachtainiúil inmheasúnaithe thar an teorainn (féach Céim 2 thuas)
• Cuireann tú an Domhnach san áireamh chomh maith chun do mheántuilleamh laethúil a fháil (féach Céim 3 thuas)
• Ní chuireann tú an Domhnach san áireamh chun d’acmhainní laethúla (Céim 4) ná d’acmhainní seachtainiúla (Céim 5) ón obair a fháil (féach thíos) áfach.

Má chuimsíonn d’obair pháirtaimseartha nó ócáideach obair Dhomhnaigh, lean Céimeanna 1-3 mar a léirítear thuas. Ansin bain úsáid as Céim 4 agus Céim 5 mar a léirítear thíos chun d’acmhainní seachtainiúla ón obair a fháil.

Samplar

Tá Susan 48 bliain d'aois agus oibríonn sí 3 lá (an Aoine, an Satharn agus an Domhnach). Íoctar €50 léi as obair ar an Aoine, €50 as obair ar an Satharn agus €50 as obair ar an Domhnach. Lean Céimeanna 1 go 3 thuas chun a meántuilleamh laethúil a fháil. Céim 1: Tuilleamh seachtainiúil inmheasúnaithe = €150 Céim 2: €150 - €60 (3 lá) = €90 x 60% = €54. Acmhainní seachtainiúla ón obair = €54 Sa sampla seo, tá na hacmhainní seachtainiúla faoi bhun na buníocaíochta LCP, mar sin is féidir leat dul go Céim 3. Céim 3: (€150 ÷ 3*) = €50 *Is é líon na laethanta a oibrítear leis an Domhnach san áireamh ná 3. Meántuilleamh laethúil = €50

Céim 4: Acmhainní laethúla ón obair

Ansin faigh d’acmhainní laethúla ón obair.

Bain an t-ioncam nach gcuirtear san áireamh. €20 do gach lá oibrithe suas le huasmhéid de €60 (3 lá gan an Domhnach san áireamh) agus faigh 60% den iarmhéid.

Sampla
Faigheann Susan meántuilleamh laethúil de €50. Meántuilleamh laethúil lúide neamhaird ar lá oibrithe €50 - €20 = €30 60 % den mheántuilleamh laethúil inmheasúnaithe de €30 = €18 Is ionann na hacmhainní laethúla ón obair agus €18

Céim 5: Acmhainní seachtainiúla ón obair

Méadaigh d’acmhainní laethúla faoin líon laethanta oibrithe. Ní chuirtear an Domhnach san áireamh mar lá oibre. Mar sin, ní chuirtear d’acmhainní laethúla ó obair Dhomhnaigh san áireamh.

Acmhainní laethúla ón obair x líon laethanta oibrithe (gan an Domhnach san áireamh) = acmhainní seachtainiúla ón obair.

Roinntear d'acmhainní faoi leath má tá do chéile/pháirtnéir sibhialta/chomhchónaitheoir:

• Ag fáil íocaíochta leasa shóisialaigh (seachas Sochar Leanaí agus Pinsean Míchumais, Liúntas Cúram Baile, íocaíocht chaomhnóra, Liúntas Leasa Forlíontach agus Liúntas Cúramóra leath-ráta)

• Ar chúrsa FÁS nó SDOG agus ag fáil liúntais ina c(h)eart féin.

Nóta: Má ghearrtar d’acmhainní faoi leath, ní bhfaighidh tú an méadú le haghaidh duine fásta cáilithe ach is féidir leat méadú leathráta a fháil do gach leanbh incháilithe.

Sampla
Ní dhéantar ach tuilleamh laethúil inmheasúnaithe Susan don Aoine agus don Satharn a chur san áireamh agus a mheasúnú mar acmhainn do Liúntas Cuardaitheora Poist. €18 x 2 lá (gan an Domhnach san áireamh) = €36 Acmhainní seachtainiúla ón obair = €36

Eolas breise: Conas acmhainní seachtainiúla ón obair do chéile/pháirtnéir sibhialta/chomhchónaitheoir a dhéanamh amach

Chun acmhainní seachtainiúla ón obair do chéile/pháirtnéir sibhialta/chomhchónaitheoir a ríomh caithfear a t(h)uilleamh inmheasúnaithe a ríomh ar dtús.

Déantar na míreanna seo a leanas a asbhaint óna (h)olltuilleamh i gcónaí chun tuilleamh inmheasúnaithe a fháil:

• ÁSPC (Ranníocaíocht)
• Dleachtanna ceardchumainn
• Aoisliúntas
• CCSP (Cuntas Coigiltis Scoir Pearsanta)
• Ranníocaíochtaí Saorálacha Breise

Bain €20 in aghaidh an lae ó thuilleamh inmheasúnaithe do chéile/pháirtnéir sibhialta/chomhchónaitheoir do gach lá oibrithe suas le huasmhéid de €60 (an Domhnach san áireamh).

Ansin faigh 60% den iarmhéid. Déantar é seo a mheasúnú mar a (h)acmhainní seachtainiúla.

Tuilleamh seachtainiúil inmheasúnaithe - €20 in aghaidh an lae (uasmhéid de 3 lá) = iomlán x 60% = acmhainní seachtainiúla ón obair.

Roinntear d'acmhainní faoi leath má tá do chéile/pháirtnéir sibhialta/chomhchónaitheoir:

• Ag fáil íocaíochta leasa shóisialaigh (seachas Sochar Leanaí agus Pinsean Míchumais, Liúntas Cúram Baile, íocaíocht chaomhnóra, Liúntas Leasa Forlíontach agus Liúntas Cúramóra leath-ráta)

• Ar chúrsa FÁS nó SDOG agus ag fáil liúntais ina c(h)eart féin.

Nóta: Má ghearrtar d’acmhainní faoi leath, ní bhfaighidh tú an méadú le haghaidh duine fásta cáilithe ach is féidir leat méadú leathráta a fháil do gach leanbh incháilithe.

Sampla
Is é tuilleamh seachtainiúil inmheasúnaithe an chéile ná €150 in aghaidh na seachtaine. Oibríonn an chéile 3 lá (an Céadaoin, an Aoine agus an Domhnach). €150 - €60 (3 lá leis an Domhnach san áireamh) = €90 x 60% = €54 Acmhainní seachtainiúla an chéile ón obair = €54

Ar ais go Barr an Leathanaigh