An cúlra reachtach maidir le truailliú aeir

Tá réimse reachtaíochta AE ann maidir le truailliú aeir. Ina measc sin tá na Treoracha um Bhainistiú Dramhaíola agus iad seo a leanas:

• Is í Treoir 96/62/CE an Chreat-treoir um mheasúnú agus um bhainistiú cáilíocht aeir. Tá foráil ann maidir le comhaontú mionsonraithe is féidir a dhéanamh ina dhiaidh sin i gcomhair truailleán sonrach aeir. Leagann Treoir 1999/30/CE síos teorainneacha i gcomhair roinnt truailleán.
• Leagann Treoir 2000/69/CE síos teorainneacha maidir le beinsín agus aonocsaíd charbóin san aer.
• Is é an aidhm atá ag Treoir 2001/81/CE ná truailliú aeir a laghdú trí uasmhéideanna astuithe náisiúnta a cheapadh i gcomhair truailleán áirithe aeir a chaithfidh na Ballstáit a bhaint amach roimh 2010.
• Treoir 89/369/CEE maidir le cosc a chur le truailliú aeir ó ghléasra loiscneach nua um dhramhaíl chathrach.
• Is é an aidhm atá le Treoir 2001/80/CE maidir le srian a chur le hastuithe truailleán áirithe san aer ná truailliú an aeir ó ghléasra mór cumhachta a laghdú trí theorainneacha a cheapadh maidir le hastuithe dé-ocsaíd sulfair agus dé-ocsaíd nítrigine
• Déileálann Treoir 89/369/CEE le cosc a chur le truailliú aeir ó ghléasra loiscneach nua um dhramhaíl chathrach
• Déileálann Rialachán 2037/2000 le substaintí a ídíonn an ciseal ózóin
• Eilíonn Rialachán 2037/2000, Rialachán 29/06/2000, faoi shubstaintí a ídíonn an ciseal ózóin, go soláthródh na Ballstáit fianaise faoi na bearta atá déanta chun substaintí rialaithe mar clórafluaracarbóin (CFCanna) hidreaclórafluaracarbón (HCFCanna) halón agus bróimíd mheitile a aisghabháil, a athchúrsáil agus a scriosadh. Caithfidh Ballstáit faisnéis a sholáthar freisin faoi cad atá déanta le cinntiú go mbeidh eagraíochtaí agus úsáideoirí freagrach as na rudaí sin a dhéanamh. Ní foláir dóibh a thaispeáint cad atá déanta le cosc a chur le sceitheadh substaintí rialaithe agus chun íoslaghdú a dhéanamh ar sceitheadh bhróimíd mheitile.

Reachtaíocht na hÉireann

Is iad an tAcht um Thruailliú Aeir 1987 agus an tAcht fán nGníomhaireacht um Chaomhnú Comhshaoil 1992 na príomhdhlíthe a rialaíonn truailliú an aeir in Éirinn. Lena chois sin tá réimse ionstraimí reachtúla lena n-áirítear na Rialacháin um Chaighdeáin Aercháilíochta, 2002 (I.R. Uimh. 271 de 2002). Is iad an Ghníomhaireacht um Chaomhnú Comhshaoil (GCC) agus d’údarás áitiúil a dhéanann monatóireacht ar thruailliú aeir in Éirinn. Tá sé de dhualgas ar d’údarás áitiúil de bhun an Achta um Thruailliú Aeir 1987 cibé beart a mheasann sé a bheith riachtanach a dhéanamh chun cosc a cur le truailliú an aeir ina limistéar nó srian a chur leis. Ní mór d’úinéirí gléasra tionsclaíoch ceadúnais um thruailliú aeir a fháil ó d’údarás áitiúil nó ón GCC chun rudaí áirithe a dhéanamh a chruthódh astuithe.