Anseo atá tú: Baile > Reference > Checklists > Seicliosta de nithe le déanamh ag lucht méala tar éis báis

Ceisteanna dlíthiúla

• Cláraigh an bás agus faigh teastas báis.
• Téigh i dteagmháil le stiúrthóir sochraide chun an tsochraid a eagrú
• Cuir fios ar aturnae an duine éagtha má tá a leithéid ann.
• Cuir fios ar na seiceadóirí atá ainmnithe san uacht. Mura bhfuil uacht ann, ceap duine mar riarthóir chun eastát an duine éagtha a riaradh

Ceisteanna Airgeadais

• Cuir fios ar na bainc, cumann foirgníochta, comhar creidmheasa, oifig an phoist, comhlachtaí ina gcoimeádtar scaireanna srl.
• Cealaigh Dochar Díreach/ Buanorduithe i mbanc nó i gcumann foirgníochta an duine éagtha.
• Cealaigh síntiúis do chlubanna / ghrúpaí, irisí, srl.
• Cealaigh polasaithe árachais, árachas sláinte, srl.
• Déan teagmháil leis an Roinn Coimirce Sóisialaí má bhí an duine éagtha ag fáil íocaíochta
• Déan teagmháil le cuideachtaí fruilcheannaigh/iasachta ar bith.
• Déan teagmháil leis an oifig cánach maidir le haisíocaíochtaí/creidmheasanna cánach a d'fhéadfadh a bheith ar fáil.

Tithíocht

• Má bhí morgáiste ag an duine éagtha athraigh an t-ainm atá air.
• Athraigh an t-ainm ar ghníomhais an tí
• Más lóistín ar cíos atá i gceist, socraigh go n-athrófar an t-ainm ar an gcomhaontú tionóntachta.
• Athraigh an t-ainm ar bhillí fóntais teaghlaigh.
• Déan teagmháil leis An Post le haghaidh post a athdhíriú ar an seiceadóir nó ar riarthóir an eastáit.

Ilghnéitheach

• Cuir fostóir an duine éagtha ar an eolas má b'fhostaí é/í nó cuir an scoil / coláiste ar an eolas má bhí sé/sí sa chóras oideachais.
• Déan teagmháil le hOifig Sláinte Áitiúil an duine éagtha nó le heagraíocht dheonach má bhí siad ag fáil seirbhísí sláinte chúram pobail
• Déan teagmháil leis an dochtúir/ospidéal má bhí coinní ag an duine éagtha leo.
• Déan teagmháil le gníomhaireacht taistil, le hóstán, le haerlíne, srl. má bhí na háiseanna seo curtha in áirithe ag an duine éagtha, chun fiosrúchán a dhéanamh maidir le haisíocaíochtaí.

Ar ais go Barr an Leathanaigh