Do chearta leasa shóisialta agus tú ag bogadh go hÉirinn

Eolas

Má tá sé ar intinn agat teacht go hÉirinn chun cónaí, obair a fháil, staidéar a dhéanamh, dul ar phinsean agus araile, tá sé tábhachtach eolas a bheith agat faoin gcóras leasa shóisialta in Éirinn. Tharlódh go mbeadh difríochtaí suntasacha idir an córas in Éirinn agus an córas i do thír dhúchais, mar sin b'fhiú duit dul i dtaithí ar an gcóras roimh ré.

Rialacha an AE agus Comhaontú Leasa Shóisialta Déthaobhach

Má tháinig tú as tír atá clúdaithe ag Rialacha an AE nó as tír a bhfuil Comhaontú Leasa Shóisialta Déthaobhach ag Éirinn léi, bíonn cosaint ar do chearta pinsin ón tír eile nuair a bhogann tú go hÉirinn. B'fhéidir go mbeidh tú in ann do thaifead árachais Éireannaigh agus do thaifead ón tír eile a chur le chéile chun a bheith i dteideal pinsin nó sochar árachais shóisialaigh.

Iarratas a dhéanamh ar phinsin ón Ríocht Aontaithe nó tír LEE eile: má tá tú i do chónaí in Éirinn ach gan aon obair déanta in Éirinn agat, is féidir leat iarratas ar do phinsean ranníocach a sheoladh chuig an tír ina dhéan tú do chuid oibre, mar shampla an RA, nó iarratas a dhéanamh in Éirinn chuig an Roinn Coimirce Sóisialaí - féach 'Conas iarratas a dhéanamh' thíos.

Ag aistriú sochar na Ríochta Aontaithe

Ma bhogann tú go hÉireann, leanfaidh roinnt Sochair na Ríochta Aontaithe (RA) ón Department of Work and Pensions (DWP) a bheith íoctha agat. Ba chóir duit dul i dteagmháil roimh ré leis an DWP International Pension Centre – féach ‘Cá háit a dhéanfaidh mé iarratas’ thíos - agus ceist a chur maidir le do shocair láithreacha RA taobh amuigh den RA a aistriú.

Cúnamh sóisialach

Muna bhfuil do dhóthain ranníocaíochtaí leasa shóisialta agat ó thír eile agus/nó Éirinn, b'fhéidir go mbeidh tú i dteideal íocaíochta atá bunaithe ar chúnamh a bhaineann le do chúinsí. Ní bhaineann íocaíochtaí atá bunaithe ar chúnamh le do thaifead árachais shóisialta. Ina ionad sin, scrúdaíonn an Roinn Coimirce Sóisialaí (atá freagrach as riaradh an chórais leasa shóisialta in Éirinn) d'fhoinsí ioncaim uilig. Má bhíonn d'ioncam níos lú ná méid áirithe, b'fhéidir go mbeidh tú i dteideal íocaíochta atá oiriúnach do do riachtanais. Tá riachtanais maidir le gnáthchónaí le híocaíochtaí cúnaimh shóisialaigh a fháil in Éirinn.