Obair dheonach forbartha thar lear agus árachas sóisialta

Rialacha

Ar mhaithe le bheith i dteideal na gCreidiúintí Oibrithe Forbartha Deonacha ní mór duit a bheith i d'Oibrí Forbartha Deonach mar atá leagtha síos thuas. Ní mór duit freisin na coinníollacha seo a leanas a shásamh:

• Ní mór duit a bheith ós cionn 16 bliana déag d'aois
• Ní mór go raibh cónaí in Éirinn ort díreach roimh duit an fhostaíocht a thógáil
• Ní mór duit a bheith fostaithe faoi choinníollacha íocaíochta (pá don obair a dhéanann tú) atá cosúil leis na coinníollacha áitiúla a bhaineann leis an tír atá ag forbairt
• Ní mór go mbeadh ar a laghad 104 seachtainí ranníocaíochta árachais shóisialaigh (ÁSPC) ag Aicme A íochta agat ó thosaigh tú ag obair.

Má tá níos lú ná 104 ranníocaíocht ag Aicme A agat, is féidir le Comhlámh ansin ranníocaíochtaí ag Aicme A a íoc ar do shon le go mbeidh an 104 ranníocaíocht atá riachtanach agat. Nuair atá na ranníocaíochtaí atá ag teastáil íoctha bronnfar creidiúintí OFD ort don chuid eile den am a chaitheann tú thar lear suas go dtí uasmhéid de 5 bliana. (Baineann rialacha faoi leith le státseirbhísigh faoi leith, féach thíos).

Sa chás go bhfuil dhá bhliain chánach as a chéile nár íocadh aon ranníocaíochtaí iontu nó nár déanadh aon ranníocaíochtaí a chreidiúint díreach roimh duit dul thar lear mar Oibrí Forbartha Deonach, íocadh Comhlámh ranníocaíochtaí Aicme A ar son an chéad 26 seachtain de do chuid oibre agus bronnfar creidiúintí OFD ort don chuid eile den am a chaitheann tú thar lear suas go dtí uasmhéid de 5 bliana.

Ní bhreathnaítear ar bhaill na nOrd Rialta a bhfuil dualgais tréadacha orthu mar Oibrithe Forbartha Deonacha ar mhaithe leis an scéim seo.

Teorainn ar scéim OFD

Ní féidir Creidiúintí OFD a bhronnadh ach ar feadh tréimhse 5 bliana ar a mhéid. Cuirtear tréimhsí éagsúla oibre mar Oibrí Forbartha Deonach (OFD) le chéile ar mhaithe leis an gcúig bliana sin a ríomh. Mar shampla, má bhí tú i d'OFD ar feadh 3 bliana cheana, agus más mian leat dul thar lear arís mar OFD ar feadh 3 bliana eile, ní beidh tú in ann Creidiúintí OFD a fháil ach ar feadh 2 bhliain den dara tréimhse.

Sa chás go maireann an tréimhse oibre thar lear ar feadh níos mó ná 5 bliana, bronnfar ort, más féidir, creidiúintí OFD don tréimhse is fearr a dhéanfaidh leas duit.

Ag fáil íocaíocht leasa shóisialaigh

Is creidmheasanna "iomlán inríofa" iad creidmheasanna OFD go hiondúil, is é sin le rá go mbreathnaítear orthu mar ranníocaíochtaí íoctha. Mar sin, nuair a thagann tú ar ais chuig an tír seo is féidir le creidmheasanna OFD a bheith ina gcúnamh duit sochair agus pinsin faoi leith leasa shóisialaigh a fháil.

Déantar coinníollacha faoi leith cáilíochta a mhaolú ar mhaithe le Sochar Cuardaitheora Poist, Sochar Breoiteachta, Sochar Máithreachais agus Sochar Cóir Leighis sa bhliain ina bhfileann an tOFD ar an tír seo agus sna blianta cuí sochair ina diaidh sin.

Tá sé an-tábhachtach go ndeireann tú gur OFD thú atá ag filleadh abhaile nuair atá éileamh dhá dhéanamh agat ar ceann de na híocaíochtaí seo le déanamh cinnte go gcuirtear na coinníollacha maolaithe i bhfeidhm i do chás. Tá sonraí na gcoinníollacha cáilíochta a bhaineann le hOFD a fhileann ar an tír seo ar fáil ón rannóg chuí den Roinn Coimirce Sóisialaí.

Státseirbhíseach buan

Má bhí tú ag obair mar státseirbhíseach buan agus ag íoc ÁSPC ag Aicme B, C nó D díreach sular imigh tú le dul ag obair thar lear, beidh tú i dteideal Creidmheasanna OFD don tréimhse oibre thar lear. Ag brath ar an tréimhse oibre a chaitheann tú thar lear d'fhéadfadh sé go mbeadh tú in ann éileamh a dhéanamh bunaithe ar na creidmheasanna sin ar Shochar Cuardaitheora Poist, Sochar Míchumais, Sochar Cóir Leighis nó Sochar Máithreachais nuair a fhileann tú.

Ach, d'fhéadfadh sé nach mbeadh na Creidmheasanna OFD curtha san áireamh go hiomlán ar mhaithe le sochar má athógann tú fostaíocht ag Aicme B, C nó D ÁSPC.

Íocfaidh Comhlámh aon ranníocaíochtaí ag Aicme A atá tú gann má tá níos lú ná an 104 ranníocaíocht riachtanach agat sula dtosnaíonn tú ar do chuid oibre thar lear.

Sosanna gairme agus ranníocaíochtaí árachais shóisialaigh

Ba cheart d'OFD a thógann Sosanna Gairme óna bhfostaíocht ar mhaithe le dul thar lear ag obair dul i dteagmháil leis an Oifig Áitiúil Leasa Shóisialaigh muna mbíonn siad athfhostaithe díreach tar éis don tréimhse oibre thar lear críochnú.

Mar riail ghinearálta is féidir le hOibrithe Deonacha Forbartha Sochar Cuardaitheora Poist a éileamh má tá deireadh tagtha le tréimhse na Sosa Gairme agus muna bhfuil aon obair ar fáil dóibh ón bhfostóir a bhíodh acu. Ach, muna bhfuil tréimhse na Sosa Gairme caite ní bheidh tú i dteideal éilimh a dhéanamh.