Athaontú teaghlaigh dídeanaithe

Eolas

Féadann duine le stádas dídeanaí a chur isteach faoi alt 18 d’Acht na nDídeanaithe, 1996, chuig an Aire Dlí agus Cirt agus Comhionannais ar chead le ball dá dteaghlach nó páirtnéir sibhialta chun iontráil agus cónaí sa stát. Tarchuirtear an t-iarratas ar athaontú teaghlaigh chuig an gCoimisinéir Iarratais do Dhídeanaithe agus tugtar fógra d’Ard-Choimisinéir na Náisiún Aontaithe do Dhídeanaithe.

Fiosróidh Coimisinéir Iarratais do Dhídeanaithe an t-iarratas agus cuirfidh tuairisc i bhfoirm scríbhinne chuig an Aire Dlí agus Cirt agus Comhionannais. Leagfaidh an tuairisc amach an gaol idir an dídeanaí i gceist agus an duine a ndéantar an t-iarratas ar a son agus cúinsí baile an duine sin.

Má bhíonn an tAire sásta, tar éis machnamh dó ar an tuairisc ón gCoimisinéir Iarratais do Dhídeanaithe, gur ball de theaghlach nó páirtnéir sibhialta an dhídeanaí é an duine san iarratas, bronnfaidh an tAire cead i bhfoirm scríbhinne chuig an duine chun iontráil agus cónaí sa stát. Ní bhíonn an ceart ag daoine le cead chun fanacht ar athaontú teaghlaigh. Féadann siad a chur isteach, ámh, le go n-aontódh ball dá dteaghlach leo in Éirinn. Níl aon sainmhíniú dlíthiúil ann faoin duine ar ball den teaghlach iad do dhaoine le cead chun fanacht. Is dóichí, ámh, go mbeadh an sainmhíniú sin cosúil leis an gceann do dhídeanaithe.

Bíonn an duine a iontrálann agus a chónaíonn sa stát mar thoradh ar athaontú teaghlaigh i dteidil chun fanacht sa stát agus i dteidil do na cearta agus pribhléidí céanna le dídeanaí ar feadh chomh fada agus a bhíonn an dídeanaí a rinne an t-iarratas i dteidil chun fanacht sa stát.

Is éard is brí le ball teaghlaigh i ndáil le dídeanaí ná:

• Sa chás ina mbíonn dídeanaí pósta, a c(h)éile, ar chuntar gur ann don phósadh nuair a dhéantar an t-iarratas ar athaontú teaghlaigh;
• Sa chás ina mbíonn dídeanaí faoi bhun 18 bliain d’aois agus nach mbíonn pósta, a t(h)uismitheoirí;
• Leanbh dhídeanaí a bhíonn faoi bhun 18 bliain d’aois agus nach mbíonn pósta ar dháta an iarratais ar athaontú teaghlaigh.
• Féadann an tAire Dlí agus Cirt agus Comhionannais ar a d(h)iscréid féin, cead a bhronnadh ar bhall cleithiúnach de theaghlach dhídeanaí chun iontráil agus cónaí sa stát. Bíonn an ball teaghlaigh sin i dteideal chun fanacht sa stát agus do na cearta agus pribhléidí céanna le dídeanaí ar feadh chomh fada agus a bhíonn an dídeanaí a rinne an t-iarratas i dteideal chun fanacht sa stát. Ciallaíonn ball cleithiúnach den teaghlach i ndáil le dídeanaí aon seantuismitheoir, tuismitheoir, deartháir, deirfiúr, leanbh, garleanbh, coimircí nó caomhnóir den dídeanaí ar cleithiúnach don dídeanaí iad nó a fhulaingíonn ó mhíchumas meabhrach nó colanda dá mhéad sin is nach mbíonn réasúnach dósan/dise chun é/í féin a chothabháil go hiomlán.