Cóiríocht do dhídeanaithe agus do dhaoine a dtugtar cead chun fanacht doibh

Dídeanaithe Coinbhinsiúin agus daoine a fuair cead fanacht

Má tá stádas dídeanaí nó cead chun fanacht agat agus má tá tú tar éis bheith ag maireachtáil in ionad cóiríochta Soláthair Díreach, beidh ort an ionad sin a fhágáil agus bogadh isteach i gcóiríocht eile. Tá an-seans ann go mbeidh an lóistín eile seo san earnáil chíosa phríobháideach agus beidh ort é a fháil tú féin. Is féidir leat bogadh go dtí aon pháirt den tír más mian leat anois. Más rud é go bhfuil tú ag maireachtáil i gcóiríocht atá ar cíos go príobháideach cheana féin, ní bheidh aon tionchar ag an athrú atá tagtha ar do stádas ar do chúrsaí tithíochta ar an bpointe.

Má tá tú ag maireachtáil i gcóiríocht atá san earnáil chíosa phríobháideach agus mura bhfuil na hacmhainní agat chun íoc as an cíos tú féin is féidir leis an t-ionadaí Roinne Coimirce Sóisialaí (a tugadh an tOifigeach Leasa Pobail air roimhe seo) an cuid is mó de do chíos a híoc trí fóirdheontas cíosa faoin Liúntas Leasa Forlíontach. Nuair atá cóiríocht fágtha agat ba chóír duit iarratas a dhéanamh ar an ionadaí na Roinne - féach 'Cá háit a dhéanfaidh mé iarratas' thíos.

Ba chóir duit clárú ag oifig d’údaráis áitiúil le bheith curtha ar an liosta feithimh tithíochta. Tá roinnt áirithe roghanna ag na húdaráis áitiúla ag braith ar do leibhéal ioncaim agus an gátar tithíochta atá agat.

Má fhágtar ag aon phointe fágtha gan dídean thú, is é sin le rá, mura mbíonn aon lóistín agat agus gan aon airgead agat le híoc as, tá tú i dteideal cóiríochta éigeandála a lorg ó d' ionadaí na Roinne. Eagróidh ionadaí na Roinne cóiríocht éigeandála duit i mbrú nó i mbord agus bricfeasta. Má tá tú ag maireachtáil i mBaile Átha Cliath, déanfaidh ionadaí na Roinne ag an Aonad Iarrtheoirí Tearmainn é seo. Is eagraíocht dheonach é Threshold a thugann tacaíocht do náisiúnaigh neamh-Éireannacha atá gan dídean, i mbaol easpa dídine nó atá comhairle maidir le cóiríocht agus cearta tithíochta ag teastáil uathu.

Is féidir leat cuir isteach ar mhorgáiste chun teach a cheannach má tá do dhóthain airgid agat agus ioncam rialta.