Creidmheas cánach i leith gaoil chleithiúnaigh
Eolas
D'fhéadfadh tuismitheoirí/caomhnóirí agus daoine a thugann aire do ghaolta cleithiúnacha a bheith i dteideal creidmheas cánach i leith gaoil chleithiúnaigh.
Rialacha
D'fhéadfá éileamh a dhéanamh ar chreidmheas cánach i dtaobh gaoil chleithiúnaigh má tá tú ag cothabháil ar do chostas féin:
- Gaol, gaol do chéile san áireamh, nach bhfuil in ann aire a thabhairt dó nó di féin mar gheall ar shean-aois nó drochshláinte.
- D'athair nó do mháthair, nó athair nó máthair do chéile atá ina mbaintreacha, is cuma an sláinte atá aige/aice
- Mac nó iníon leat atá ina c(h)ónaí leat agus ar a bhfuil tú ag brath mar gheall ar shean-aois nó drochshláinte.
Costais sláinte agus do ghaol cleithiúnach
Go dtí le déanaí, ba é an príomh-luach a bhí ag an gCreidmheas Cánach
do Ghaol Cleithiúnach ná gur ghá duit an creidmheas seo a éileamh chun costais
leighis a éileamh don ghaol sin. Níl an cás amhlaidh a thuilleadh, ón
mbliain chánach 2007 i leith. Má thabhaíonn do ghaol cleithiúnach, nó aon
duine eile, i gcás éilimh ón mbliain chánach 2007 ar aghaidh, costais
sláinte agus go gcuidíonn tú leo, d'fhéadfá a bheith i dteideal faoiseamh
cánach don mhéid a d'íoc tú. Is féidir leat faoiseamh a éileamh ar
chostais ar nós billí dochtúirí, cothabháil nó cóireáil san ospidéal,
cógais agus leigheasanna orduithe. Má tá an duine ina c(h)ónaí i dteach
altranais faofa agus go gcabhraíonn tú leis na táillí a bhaineann leis
an teach altranais a íoc, d'fhéadfá a bheith i dteideal cuid de na costais a
bhaineann leis a éileamh.
Rataí
Braitheann méid an Chreidmheasa Chánach i leith Gaoil Chleithiúnaigh ar:
- Costas cothabhála do ghaoil chleithiúnaigh - an costas cothabhála suas go dtí €70 atá sa chreidmeas cánach
- Má théann ioncam do ghaoil chleithiúnaigh thar €13,873 i 2011, níl creidmheas cánach ar fáil. Cuirtear iomlán ioncaim do ghaoil chleithiúnaigh san áireamh, sé sin íocaíochtaí leasa shóisialaigh, pinsin, ús ar chuntas taisce agus araile, nuair atá teorann ioncaim dhá ríomh.
Conas iarratas a dhéanamh
Más íocóir ÍMAT thú agus má tá tú ag éileamh an chreidmheasa chánach i leith gaoil chleithiúnaigh, ba cheart duit Foirm DR1 (pdf) a íoschóipeáil agus a líonadh nó iarratas ar líne ar an chreidmheasa a dhéanamh. D'fhéadfá chomh maith scríobh chuig d'oifig chánach áitiúil ag déanamh cur síos ar an gcreidmheas cánach atá tú ag éileamh, agus ag cur an eolais seo a leanas ar fáil:
- Ainm agus sloinne do ghaoil
- An gaol atá eadraibh
- Uimhir Phearsanta Sheirbhíse Phoiblí do ghaoil, má tá sé ar eolas
- Aois do ghaoil agus, má fheileann don chás, an cineál míchumais atá air/uirthi
- Foinse, nó foinsí ioncaim do ghaoil agus méid a (h)ioncam
- Sonraí cúnaimh airgeadais a thagann ó éinne eile.
Má tá tú ag éileamh an chreidmheasa chánach i leith mac nó iníon atá ina c(h)ónaí leat agus ar a bhfuil tú ag brath, ba cheart duit Foirm DR2 a líonadh. De rogha ar sin, d'fhéadfá scríobh chuig d'oifig chánach áitiúil ag déanamh cur síos ar an gcreidmheas cánach atá tú ag éileamh, agus ag cur an eolais seo a leanas ar fáil:
- Ainm do mhic nó d'iníne
- Uimhir Phearsanta Sheirbhíse Phoiblí do mhic nó d'iníne, má tá sé ar eolas
- An gcónaíonn do mhac nó d'iníon in éineacht leat
- Foinse/foinsí ioncaim agus méid an ioncaim
- Do dháta breithe agus an cineál míchumais atá ort
Má íocann tú cáin faoin gcóras féinmheasúnaithe, d'fheadfá éileamh a dhéanamh ar an gcreidmheas cánach ach rannóg "Gaol Cleithiúnach" do thuairisceán cánach bliantúil a líonadh.
Cá háit a ndéanfaidh mé iarratas
Cuir glaoch teileafóin ar Sheirbhis Lóghlao ÍMAT Ioncaim. Tá tuilleadh eolais faoi sonraí teagmhála do réigíúin anseo.
Teanga
Ábhar Gaolmhar
- Cáin do dhaoine atá ós cionn 65
Tá cur síos anseo ar na socruithe speisialta cánacha a bhaineann le daoine atá 65 agus ós a chionn. - Cáin agus costais leighis
Tá cur síos anseo ar an bhfaoiseamh cánach atá ar fáil ar chostas a bhaineann le hárachas sláinte agus árachas don chúram fadthéarmach agus ar chostais leighis. - Réamhrá ar chreidmheasanna cánach agus faoiseamh ó cháin
ioncaim
Laghdaíonn faoiseamh cánach an méid cánach a bhíonn ort a íoc. Faigh amach faoi chineálacha difriúla na bhfaoiseamh ó cháin ioncaim in Éirinn a bhaineann le do chúinsí.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.