Anseo atá tú: Baile > Airgead agus Cáin > Airgeadas pearsanta > Pinsin > An Bord Pinsean

An Bord Pinsean

Eolas

Bunaíodh an Bord Pinsean faoi Acht na bPinsean 1990 agus forálann sé do riar ceart scéimeanna pinsean agus do chosaint chearta pinsin do dhaoine atá ina gcónaí in Éirinn.

Is é an Bord an comhlacht rialála ar scéimeanna pinsean ceirde agus Cuntais Choigiltis Scoir Pearsanta (CCSPanna) agus tá ról aige i bhforbairt beartais pinsean go ginearálta.

Céard as a bhfuil an Bord Pinsean freagrach?

Tá an Bord freagrach as:

  • Slándáil agus cosaint bhaill de scéimeanna pinsean ceirde agus ranníocóirí le Cuntais Choigiltis Scoir Pearsanta a chur chun cinn
  • Forbairt struchtúir pinsean náisiúnta éifeachtacha a chur chun cinn
  • Daoine a spreagadh chun páirt a ghlacadh i scéim pinsean lena chinntiú go bhfuil go leor ioncaim scoir acu, agus
  • Eolas agus treoir údarásach a sholáthar do pháirtithe ábhartha faoi shlándáil pinsean, struchtúir pinsean, srl.

Céard a dhéanann an Bord Pinsean ó lá go lá?

  • Cuireann an Bord Pinsean eolas ar fáil do bhaill agus iontaobhaithe scéimeanna pinsean
  • Déanann sé monatóireacht ar ghéilliúlacht na Scéimeanna Pinsean Ceirde Sochair Shainithe le hAcht na bPinsean 1990 agus a chuid leasuithe
  • Tá roinnt freagrachtaí aige maidir le CCSPanna, mar shampla, táirgí CCSP a fhaomhadh leis na Coimisinéirí Ioncaim agus clár poiblí a choimeád de sholáthraithe agus tháirgí CCSP.
  • Déanann sé monatóireacht agus maoirseacht ar fheidhmiú Acht na bPinsean agus fhorbairtí pinsean go ginearálta
  • Eisíonn sé treoirlínte ar dhualgais agus fhreagrachtaí iontaobhaithe (a choimeádann cistí pinsean agus atá i bhfeighil orthu) scéimeanna pinsean ceirde agus cóid chleachtais ar ghnéithe ar leith dá gcuid freagrachtaí
  • Cuireann sé comhairle ar an Aire Coimirce Sóisialaíar fheidhmiú Acht na bPinsean agus ar chúrsaí pinsean go ginearálta.

Cé hiad baill an Bhoird Phinsean?

Tá an Bord Pinsean déanta suas d'ionadaithe arna n-ainmniú ag ceardchumainn, fostóirí, an Rialtas, an tionscal pinsean agus grúpaí tomhaltóirí agus gairme.

Seirbhísí eolais phinsean

Soláthraíonn an Bord seirbhísí eolais le cabhrú le baill de scéimeanna pinsean a gcearta a thuiscint agus leas a bhaint as na cearta sin lena chinntiú go bhfuil a bpinsin faoi chosaint iomlán. Cuireann an Bord eolas ar fáil d'iontaobhaithe agus sholáthraithe pinsean chomh maith.

Tá raon de leabhráin faoi phinsin le fáil saor in aisce ón mBord ar féidir leat a íoslódáil. Is féidir leat cóipeanna i gcló de na leabhráin seo a iarraidh díreach ón mBord chomh maith.

Cuirtear seirbhís eolais agus fiosraithe ar fáil chun ceisteanna a fhreagairt maidir le scéimeanna pinsean ceirde agus CCSPanna. Féach thíos le sonraí teagmhála a fháil.

Gearán a dhéanamh faoi sholáthraí pinsean nó scéim pinsean

Is féidir leis an mBord Pinsean cabhrú leat má tá imní ort faoi fheidhmiú do CCSP nó do scéime pinsean ceirde

Má tá gearán agat faoi do phinsean nach bhfuil tú in ann a réiteach le do sholáthraí CCSP (nó, i gcás pinsin cheirde le d'fhostóir, riarthóir pinsean nó iontaobhaithe), ansin is féidir leat dul i dteagmháil leis an mBord Pinsean le comhairle agus cúnamh a fháil.

Is féidir leis an mBord:

  • Gníomhú ar son baill scéime pinsean atá buartha faoina scéimeanna
  • Fiosrú a dhéanamh ar stádas agus stiúradh scéim pinsean ceirde
  • Ionchúiseamh a dhéanamh de bharr sháruithe ar Achtanna na bPinsean
  • Caingean chúirte a ghlacadh in aghaidh iontaobhaithe chun baill agus a gcearta a chosaint.

Cliceáil anseo le tuilleadh eolais a fháil ar ghearáin faoi phinsin.

Teagmháil

Soláthraíonn an Bord seirbhísí eolais le cabhrú le baill de scéimeanna pinsean a gcearta a thuiscint agus leas a bhaint as na cearta sin lena chinntiú go bhfuil a bpinsin faoi chosaint iomlán. Cuireann an Bord eolas ar fáil d'iontaobhaithe agus sholáthraithe pinsean chomh maith.

An tÚdarás Pinsean

Teach Verschoyle
28/30 Sráid an Mhóta Íocht
Baile Átha Cliath 2
Éire

Teil:+353 (0)1 613 1900
Lóghlao:1890 656 565
Facs:+353 (0)1 631 8602
Láithreán Gréasáin: http://www.pensionsauthority.ie/
R-phost: info@pensionsauthority.ie

Dáta an Leasaithe Deireanaigh: 29 June 2010

Teanga

English

Ábhar Gaolmhar

  • Pinsin gairme in Éirinn
    Tá cur síos deanta sa cháipéis seo ar na rialacha a bhaineann le iarratas a dhéanamh ar Phinsin Cheirde.
  • Cuntais Phearsanta Coigiltis Scoir
    Cuntas fadtéarmach pearsanta scoir é Cuntas Pearsanta Coigiltis Scoir (CPCS) atá curtha ar fáil le deis a thabhairt duit airgead a chur ar leataobh don am a bheidh tú imithe ó do phost ar bhealach atá solúbtha.
  • Ombudsman na bPinsean
    Beidh an chumhacht ag an Ombudsman na bPinsean fiosrúchán a dhéanamh agus cinneadh a thógáil maidir le do ghearáin a bhaineann le easaontas fíricí nó dlí agus botúin a bhaineann le scéimeanna pinsin saothair agus scéimeanna pinsin eile.

Téigh i dteagmháil linn

Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 8in) no trí bhualadh isteach san Ionad Faisnéise do Shaoránaigh is gaire duit.