Stair Chreidmheasa - Biúró Creidmheasa na hÉireann

Rialacha

Fáil ar do chuid códanna féin

Má tá imní ort go bhfuil an t-eolas creidmheasa atá á choimeád fút mícheart nó as dáta, tá tú i dteideal scrúdú a dhéanamh ar do thaifead pearsanta féin faoin Acht um Chosaint Sonraí, 1988 agus 2003. Chomh maith leis sin má tá an t-eolas atá coinnithe fút míchruinn, tá sé de cheart agat an t-eolas seo a leasú agus i gcúinsí faoi leith an t-eolas sin a bhaint amach as an gcód.

Muna bhfaigheann tú aon fhreagra ar iarratas breathnú ar do chód creidmheasa pearsanta nó má dhiúltaítear duit eolas míchruinn a cheartú is féidir leat gearán a chur chuig an gCoimisinéir Cosanta Eolais. Tá an Coimisinéir Cosanta Eolais ceapaithe ag an Rialtas agus tá cumhachtaí dleathúla aige/aici le cinntiú go ndéantar do chearta a chosaint.

Má dhéantar damáiste duit de bharr droch láimsheáil eolais phearsanta atá coinnithe fút ar ríomhaire d'fhéadfadh sé go mbeadh tú in ann éileamh ar chúiteamh a dhéanamh tríd na cúirteanna.

Dearbhú pearsanta a chur le do thaifead creidmheasa

Is féidir dearbhú (ráiteas) pearsanta a chur le do thaifead creidmheasa féin chun do thaifead creidmheasa a shoiléiriú. Mar shampla, má tá costais shuntasacha tabhaithe agat (tar éis mar shampla briseadh caidrimh, méala, breoiteacht, timpiste, srl.) féadfaidh tú sonraí a chur le do thaifead creidmheasa á chur sin in iúl.

Caithfidh téacs an nóta a bheith níos lú ná 200 focal agus a bheith ábhartha do chúrsaí atá sa taifead agus ní fhéadfaidh sé a bheith suaibhreosach, cráiteach nó lochtach.

Cuireann Biúró Creidmheasa na hÉireann an dearbhú pearsanta sin ansin ar do chomhad mar fhreagra agus féadfaidh tú é a fheiceáil nuair a fhaigheann tú rochtain ar do chuid sonraí. Ná déan dearmad nach bhfuil sé d’oibleagáid ar an iasachtóir do ráiteas a ghlacadh san áireamh nuair a bheidh sé/sí ag athbhreithniú nó ag seiceáil do stair chreidmheasa nuair atáthar do do mheas le haghaidh iasachta.

Cén t-achar a bheidh taifead ann de mo stair chreidmheasa?

Fanann gach taifead ar bhunachar sonraí an ICB ar feadh 5 bliana chomh luath is a bheidh an cuntas tugtha chun críche. Tá feidhm leis an gcóras seo beag beann ar a ndearna tú aisíocaíocht ar an bhfiacha nó ar theip ort do chuid íocaíochtaí a dhéanamh.

An féidir liom droch-shonraí creidmheasa a bhí agam roimhe seo a ghlanadh ó mo thaifead creidmheasa?

Is féidir, ach ní féidir leat é a dhéanamh ach amháin má tá na sonraí seo mícheart agus má tá ag iarraidh iad a leasú. Tá sé d’oibleagáid ar gach banc agus ar gach institiúid airgeadais in Éirinn taifead fíor ionraic a thabhairt de do chuid comhaontuithe agus idirbhearta creidmheasa. Má bhíonn sonraí maidir le droch-fhiacha nó teip aisíocaíochta a dhéanamh mar chuid de thaifead fíor ionraic, ansin cuirfear iad sin san áireamh ar do thaifead. Ba chóir duit fios a bheith agat nuair a dhéanann tú iarratas ar iasacht d’aon chineál ar dtús in Éirinn, go n-iarrtar ort foirm toilithe a shíniú a luann go bunúsach go dtuigeann tú go gcoinneofar stair de do chuid aisíocaíochtaí agus go mbeidh sí mar chuid de do stair chreidmheasa.

Mar sin féin, beidh sonraí maidir le do thaifead creidmheasa le haon institiúid airgeadais/banc idir tú féin agus an institiúid sin. Má bhí drochthaifead creidmheasa agat píosa fada ó shin ach go bhfuil sé sin réitithe anois, b’fhéidir go mbeifeá in ann an t-eolas a bhaint ó do thaifead. Mar sin féin, ní tharlóidh sé sin ach amháin má aontaíonn an banc/institiúid airgeadais leis seo - níl aon oibleagáid orthu é sin a dhéanamh de réir an dlí, ná ní iarrfar orthu é a dhéanamh mar chuid dá mbeartas féin. Seiceáil an cás leis an institiúid/na hinstitiúidí airgeadais atá i gceist. Is féidir le roinnt institiúidí airgeadais cumhachtaí lánroghnacha a fheidhmiú agus má tabhaíodh na fiacha mar shampla i gcúinsí eisceachtúla nó mar gheall ar chruatan tromchúiseach, b’fhéidir go mbeidís toilteanach cuidiú leat.