Rialacha

Botún ar do thaifead creidmheasa a cheartú

De réir dlí, caithfidh institiúidí airgeadais a chinntiú go bhfuil eolas coinnithe acu fút nó eolas a thugann siad do dhuine ar bith eile ceart agus suas chun dáta. Mar sin, tá an ceart agat iarraidh orthu aon eolas fút atá mícheart a cheartú.

Má fhaigheann tú botún i do thaifead creidmheasa, iarr ar d'iasachtóir scríobh chuig BCÉ le sonraí an athraithe. Ní féidir le BCÉ do thaifeadh a athrú gan iarratas ón iasachtóir.

Cearta chun príobháideacht faoi d'iasacht.

Nuair atá iasacht agat, ní féidir le d’iasachtóir cuairt a thabhairt ort ná glaoch fóin a chur ort ag amanna áirithe. Tá feidhm dlíthiúil ag na srianta seo ar chuile iasachtóir agus tá siad ann chun do phríobháideacht mar thomaltóir a chosaint.

Teagmháil idir iasachtóirí agus tomhaltóirí

Ní féidir le hiasachtóir glaoch fóin a chur ort ná cuairt a thabhairt ort maidir le d'iasacht gan cead uait idir 9 i.n. agus 9 r.n. laethanta den tseachtain agus ag am ar bith ar an Domhnach nó ar lá saoire phoiblí.

• Ní féidir le hiasachtóir glaoch fóin a chur ort ná cuairt a thabhairt ort ag do láthair oibre ach amháin má tá tú i do chónaí ann freisin agus gur theip ar iarrachtaí réasúnta teagmháil a dhéanamh leat in aon áit eile.
• Ní féidir teagmháil a dhéanamh maidir le hiasacht ach leis an nduine lena mbaineann an iasacht. Ciallaíonn sé seo nach féidir le d'iasachtóir dul i dteagmháil le do fhostóir nó le duine de do theaghlach maidir le d'iasacht.