Creidmheas a fhógairt

Rialacha

Riachtanais a bhaineann le creidmheas a fhógairt

Ba cheart go mbeadh na nithe seo a leanas i bhfógraí creidmheasa:

• Ní mór go mbeadh an Ráta Bliantúil Céatadáin, in áit fheiceálach go maith. "An costas iomlán ar chreidmheasa don tomhaltóir, curtha in iúl mar chéatadán bliantúil den chreidmheas atá ceadaithe" is brí le Ráta Bliantúil Céatadáin. Go ginearálta, braitheann costas iomlán an chreidmheasa ar chomh íseal agus atá an Ráta Bliantúil Céatadáin in aon chomhaontú. Seo bealach maith le comparáid a dhéanamh idir na cineálacha éagsúla creidmheasa atá ar fáil duit. Más tuairim den fhíor-chostas atá sa Ráta Bliantúil Céatadán atá luaite ar an bhfógra ní mór go mbeadh sé seo luaite go soiléir.
• An dteastaíonn slandáil
• Aon teorainneacha a bhaineann le creidmheas a chur ar fáil a bheith luaite go soiléar
• Sonraí aon táillí sa bhreis ar na híocaíochtaí agus ar an ús a bheith luaite go soiléar.

Socruithe airgeadais

Comhaontú fruilcheannaigh, comhaontú cíosa don tomhaltóir nó seirbhís a sholáthar is brí le socruithe airgeadais. Ní mór go mbeadh na nithe seo a leanas san áireamh in aon fhógra a bhaineann leo:

• An cineál socraithe (i.e., seirbhís nó fruilcheannach, & rl)
• Praghas in airgead tirim na n-earraí/seirbhísí
• Costas iomlán an chreidmheasa nó an praghas fruilcheannaigh
• Sonraí maidir le líon na n-aisíocaíochtaí, an méid atá i gceist agus cén uair a dhéanfar iad
• Sonraí maidir le haon éarlais atá mar chuid den chomhaontú
• Líon na n-aisíocaíochtaí nach mór a dhéanamh roimh na hearraí a bheith curtha ar fáil duit
• Aon sonraí a bhaineann le bealach eile creidmheasa, go bhféadfaí a úsáid mar chomparáid san fhógra.

Ní féidir le fógra creidmheasa a rá nach bhfuil ús le n-íoc má tá aon chonradh breise cothabhála nó árachais i gceist.

Comhaontuithe cíosa do thomhaltóirí a fhógairt

Tá, sa bhreis ar na nithe thuasluaite, ceisteanna faoi leith a bhaineann go háirid le comhaontuithe cíosa don tomhaltóir agus le comhaontaithe léasa. Ní mór a rá in aon fhógra a bhaineann le comhaontú léasa nach mbeidh úinéireacht ag an tomhaltóir ar na hearraí. Ba cheart go mbeadh na ráitis "Le Ligean, ar Cíos nó Earraí ar léas amháin" agus "Fánann na hearraí in úinéireacht an úinéara" luaite san fhógra. Ba cheart go mbeadh na ráitis seo ar a laghad in áit ar chomhchéim leis an tsuim a bheadh le n-íoc ag an bhfruilitheoir agus istigh i mbosca i bhfógra radharcach. Ní mór go mbeadh an tsuim atá le n-íoc ag an bhfruilitheoir luaite ar an bhfógra agus an t-iomlán a bheith san áireamh, móide cáin.

Banc Ceannais na hÉireann

Tá cumhacht ag an Banc Ceannais na hÉireann aon duine a bhfuil baint aige/aici le creidmheas a fhógairt a chúisiú más gá. Má dhearbhaíonn sé go bhfuil fáthanna ann cás a chur chun cinn déanfar na ceisteanna a ardú go díreach leis an gcomhlacht nó institiúid chuí. Muna féidir leis an Banc Ceannais agus an comhlacht nó institiúid an cheist a réiteach, tiocfaidh an cás ós comhair na Cúirte Dúiche. Má bhíonn soláthraí an chreidmheasa ciontaithe tá fíneáil nó téarma phríosúin nó an dá rud gur féidir leis an gCúirt a ghearradh. Gearrfar freisin fíneáil bhreise ar sholáthraí an chreidmheasa ar son gach lá a leanann an sárú. Is féidir cás dlí a thógáil ag am ar bith taobh istigh de dhá bhliain ó am na coire.