Cuntas caighdeánach bainc

Mura bhfuil cuntas bainc reatha agat, is féidir leat saghas ar leith cuntais a oscailt ar a dtugtar cuntas bainc bunúsach. Cuntas reatha é cuntas bainc bunúsach atá saor in aisce do bhaincéireacht laethúil ar feadh na chéad bhliana, ar a laghad.

Is féidir leat cuntas bainc bunúsach a oscailt le ceann de na príomhbhainc Éireannacha má tá cónaí ort san AE agus mura bhfuil íocaíocht nó cuntas reatha eile agat in Éirinn.

Nuair a osclaíonn tú cuntas bainc bunúsach, ní ghearrtar aon táillí ar bhaincéireacht laethúil nó ar tháillí cothabhála don chéad bhliain.

I ndiaidh bliana, déanfaidh an banc athbhreithniú ar do chuntas. Is féidir leat leanúint de bhaincéireacht saor in aisce a fháil ar feadh a fhaide le 5 bliana, ar an iomlán, más lú an méid a íoctar isteach i do chuntas gach bliain ná an pá íosta.

I measc na seirbhísí atá saor in aisce, tá an méid seo a leanas:

• Airgead a thabhairt amach ag Uathmheaisín Bainc (meaisín airgid)
• Cárta dochair a úsáid i siopa chun íoc as rud éigin agus aisairgead a fháil i siopa
• Cárta dochair a úsáid chun íoc as rud éigin ar líne
• Airgead a aistriú go cuntas bainc eile
• Airgead a aistriú chun bille agus íocaíochtaí eile a íoc (cosúil le do leictreachas nó téamh nó do ghuthán póca a bhreisiú)
• Ordú seasta a shocrú agus a athrú (seo nuair a bhíonn suim rialta á baint as do chuntais agus á haistriú isteach i gcuntas coigiltis nó chun billí a íoc)
• Dochar díreach a shocrú chun íocaíochtaí a dhéanamh go huathoibríoch nuair is féidir leis an méid athrú, mar shampla, i gcás billí
• Airgead a thaisceadh isteach sa chuntas (taisceadh a dhéanamh)
• Ráiteas rialta a fháil a insíonn duit an méid atá i do chuntas agus an méid a ghlac tú amach agus do stair idirbheart
• Baincéireacht gutháin agus baincéireacht ar líne a úsáid (ní ghearrtar aon táillí bainc ach d’fhéadfaí táillí ar ghlaonna gutháin nó ar shonraí a ghearradh)

Iarr an mbanc liosta de tháillí a ghearrtar a thabhairt duit. Is féidir a áireamh leo seo, mar shampla, táillí ar chárta a caillte a athsholáthar nó ar chárta a úsáid thar lear.

Cén srianta atá i bhfeidhm?

Níl gach seirbhís cuntais reatha ar fáil le cuntas bunúsach. Ní féidir leat rótharraingt nó seicleabhar a fháil. B’fhéidir nach mbeidh gné íocaíochta gan tadhall ag do chárta dochair.

Ní féidir leat ach cuntas amháin a bheith agat.

Chun cuntas bainc bunúsach a fháil, caithfidh tú na coinníollacha seo a leanas a shásamh:

• Caithfidh tú a bheith ar a laghad 18 mbliana d’aois (nó ar a laghad 16 bliana i gcás Bhainc-Aontas Éireann (AIB))
• Caithfidh go bhfuil cónaí dlíthiúil ort san AE
• Caithfidh nach bhfuil cuntas reatha eile agat le banc in Éirinn

Má tá cuntas reatha agat ach má d’inis do bhanc duit go ndúnfar é, is féidir leat cuntas bunúsach a oscailt. Le cuntas a oscailt, déan teagmháil le do rogha bainc. Tá na cuntais bhainc bhunúsacha seo a leanas ar fáil:

Tá cuntas Bainisteoir Airgid (Money Manager) EBS cosúil le cuntas bainc bunúsach ach is féidir leat é a oscailt má bhíonn cuntas bainc eile agat. Ní ghearrtar táillí ar bhaincéireacht laethúil agus ní chuireann sé rótharraingtí nó seicleabhair ar fáil.

Is féidir leat níos mó a léamh in Treoir na Seirbhíse Buiséadta agus Comhairle Airgid (an SBCA) maidir le cuntas bainc a oscailt.

Tá Treoir maidir leis an gCuntas Bainc Bunúsach ar fáil i 9 dteanga ó Bord Chultúr Baincéireachta na hÉireann.