An tSeirbhís Ionchúisimh an Stáit agus íospartaigh choireanna

Eolas

Is iondúil go mbíonn íobartach coire ag iarraidh fáil amach an mbeidh cúis dhá thabhairt ar aghaidh agus an mbeidh an té atá ciontach tugtha ós comhair na cúirte.

Is seirbhís de chuid Oifig Stiúrthóir na nIonchúiseamh Poiblí (SIP) í Seirbhís Ionchúisimh an Stáit. Sé Príomhaturnae an Ionchúisimh atá mar aturnae ag an SIP. Bíonn aturnaetha an Ionchúisimh sna cúirteanna uile i mBaile Átha Cliath thar cheann an SIP agus Aturnaetha Stáit áitiúla sna cúirteanna lasmuigh de Bhaile Átha Cliath.

Cuireann Stiúrthóir na nIonchúiseamh Poiblí an dlí coiriúil i bhfeidhm sna cúirteanna ar son mhuintir na hÉireann, stiúrann sé agus déanann sé maoirseacht ar ionchúisimh phoiblí díotála sna cúirteanna agus tugann sé treoir ghinearálta agus comhairle don Gharda Síochána maidir le cásanna achoimre agus treoir faoi leith sna cásanna sin nuair a iarrtar é (tógtha ó Fhulangaithe Coireanna agus Seirbhís Ionchúisimh an Stáit).

Oifig neamhspléach go hiomlán í Oifig SIP - ní féidir leis an Rialtas ordú a thabhairt do SIP aon chúis faoi leith a thabhairt ar aghaidh nó gan í a thabhairt.

Cé go bhfuil beagnach gach cás tógtha in ainm SIP go foirmiúil, is iad na Gardaí a dhéanann an cinneadh i ndáiríre an mbeidh cúis dhá thabhairt ar aghaidh nó nach mbeidh. Ach, is faoi SIP amháin an cinneadh a dhéanamh cúis a thabhairt ar aghaidh i gcásanna troma (mar shampla, dúnmharú agus coireanna gnéis).

Má dhéanann SIP cinneadh gan cúis a thabhairt ar aghaidh i gcás faoi leith insítear cén fáth do na Gardaí ach bíonn sé coinnithe faoi rún cén fáth a bhí leis an gcinneadh sin.

Tá an méid seo a leanas geallta ag an SIP do dhaoine a d’fhulaing de bharr coiriúlachta:

• tuairimí a nochtann daoine a d’fhulaing a chur san áireamh i gcásanna áirithe agus é ag socrú an gcúiseoidh sé nó nach gcúiseoidh
• iarratas ó dhuine a d’fhulaing ar athbhreithniú a scrúdú i gcás ar cinneadh gan dul ar aghaidh leis
• athbhreithniú a iarraidh ar phianbhreith a cheapann sé a bheith róbhog

Is mar seo a chaitheann aturnae an ionchúisimh (i ngach cúirt i mBaile Átha Cliath) nó an tAturnae Stáit áitiúil (i gcúirteanna lasmuigh de Bhaile Átha Cliath) le daoine a d’fhulaing:

Téann siad i gcomhar leis an nGarda Síochána le daoine a d’fhulaing a choinneáil ar an eolas faoi chúisiú, go háirithe nuair atá foréigean nó ionsaí gnéasach i gceist. Má iarrann duine a d´fhulaing a leithéid socraíonn siad cruinniú roimhré le haturnae agus le habhcóide an ionchúisimh leis an gcás a phlé. Ag an gcruinniú seo mínítear próiséas na trialach don té a d’fhulaing. Ní phléitear fianaise le finnéithe roimh ré.

Is mar seo a chaitheann aturnae an ionchúisimh (i ngach cúirt i mBaile Átha Cliath) nó an tAturnae Stáit áitiúil (i gcúirteanna lasmuigh de Bhaile Átha Cliath) le daoine a d’fhulaing:

• Téann siad i gcomhar leis an nGarda Síochána le daoine a d’fhulaing a choinneáil ar an eolas faoi chúisiú, go háirithe nuair atá foréigean nó ionsaí gnéasach i gceist.
• Má iarrann duine a d´fhulaing a leithéid socraíonn siad cruinniú roimhré le haturnae agus le habhcóide an ionchúisimh leis an gcás a phlé.
• Ag an gcruinniú seo mínítear próiséas na trialach don té a d’fhulaing. Ní phléitear fianaise le finnéithe roimh ré

Má fhaightear duine ciontach, cinnfidh an chúirt ar phianbhreith. Má cheapann an Stiúrthóir Ionchúiseamh Poiblí (SIP) go bhfuil an phianbhreith róbhog, féadfaidh sé achomharc a dhéanamh sa gCúirt Achomhairc Choiriúil. Ní fhéadfadh an SIP achomharc a dhéanamh in aghaidh pianbhreithe a gearradh sa Chúirt Dúiche.