An cróinéir agus íospartaigh choireanna

Rialacha

Aitheantas

Ba cheart socruithe a dhéanamh nach gcuirfidh isteach gan fáth ar bhaill an teaghlaigh le corp duine a aithint. Ó am go chéile is féidir socruithe a dhéanamh gurb é duine eile a dhéanfadh an corp a aithint.

Scrúdú Iar bháis

Is féidir scrúdú iarbháis a dhéanamh tar éis báis i gcúinsí áirid. Cuirfear eolas faoin bpróiséas a bhaineann le scrúdú iarbháis ar fáil don teaghlach ó oifig an chróinéara. Más mian leis an teaghlach é is féidir torthaí an scrúduithe a chur ar fáil dóibh.

Corp a thabhairt ar ais le haghaidh Sochraide

Déanfaidh an cróinéir chuile iarracht corp a chur ar fáil don teaghlach gan aon mhoill agus inseofar don teaghlach cén dáta agus cén t-am a bhfuil súil an corp a bheith réidh dóibh.

Coistí Cróinéara

Fiosrúchán poiblí a éisteann cróinéir é Coiste Cróinéara agus bíonn giúiré i láthair uaireanta. Breathnaíonn coiste an chróinéara ar na cúinsí a bhain le bás an duine. Tá sé mar aidhm ag an gcoiste cróinéara an fhírinne a bhain leis an mbás a thabhairt chun solais agus an scéal a thaifeadadh go poiblí. Ainmnítear an té atá básaithe, dáta agus áit an bháis chomh maith le fáth an bháis a thaifeadadh.

Inseofar don teaghlach an dáta, an t-am agus an áit ar a mbeidh an Coiste Cróinéara chomh luath agus is féidir.

Is féidir leis an gcróinéir nó leis an ngiúiré moltaí ginearálta a dhéanamh le bás den chineál céanna a sheachaint arís, ach ní féidir le Cúirt an Chróinéara cinneadh a dhéanamh faoin duine atá ciontach as an mbás.

Is féidir le fiosrúchán báis gaolta agus teaghlaigh an té atá básaithe a chur trína chéile. Ba cheart don chróinéir déanamh cinnte go bhfuil gach gné dá c(h)uid oibre curtha i gcrích ar bhealach leochaileach agus le hurraim don té atá básaithe agus do na teaghlaigh atá i gceist.

Tar éis an fhiosrúcháin, cuirfidh an cróinéir, má dhéantar éileamh air, cóipeanna de na cáipéisí a chur ar fáil don teaghlach.

Cabhair Dhlíthiúil Shibhialta

I láthair na huaire níl aon reachtaíocht ann a sholáthraíonn teidlíocht duit do chabhair dhlíthiúil shibhialta i gCúirt an Chróinéara. D'fhógair an Roinn Dlí agus Cirt agus Comhionannais i 2006 go soláthróidh reachtaíocht nua a leasaíonn an dlí reatha maidir le cróinéirí cúnamh dlí teoranta i gCúirt an Chróinéara. Cibé ar bith, tá líon beag íocaíochtaí ex-gratia lánroghnacha d'ionadaithe dlí ag ionchoisní déanta do theaghlaigh nó do neasghaolta daoine a fuair bás faoi chúram nó faoi choimeád an stáit nó nuair a bhí baint díreach ag an stát leis an gcás.