Tacaíocht don íospartach
Eolas
Is féidir le híospartaigh na coireachta tacaíocht a fháil ó eagraíochtaí pobail. Daoine deonacha iad de ghnáth agus foireann bheag ghairmiúil leo. Tugann na heagraíochtaí seo tacaíocht mhothúchánach agus phraiticiúil d'íospartaigh na coireachta agus dá gclanna in Éirinn.
Cuireann siad eolas ar fáil freisin faoi do chearta mar íospartach, labhraíonn siad thar cheann do leasa mar íospartach agus spreagann siad feasacht an phobail faoi cheisteanna a bhaineann le híospartaigh.
D'fhéadfadh an Garda Síochána agus eagraíochtaí eile tú a atreorú chuig an eagraíocht is cóngaraí a chuireann tacaíocht ar fáil.
I measc na sainseirbhísí a chuirtear ar fáil tá:
- Seirbhís Tacaíochta na gCúirteanna - cuireann siad tacaíocht ar fáil roimh phróiseas na cúirte, lena linn agus ina dhiaidh.
- Cuireann AdVic saintacaíocht ar fáil do chlanna na ndaoine sin a ndearnadh iad a dhúnmharú nó dhúnorgain
- Seirbhís Cúnta do Thurasóirí - tugann sí tacaíocht do chuairteoirí chun na hÉireann ar íospartaigh na coireachta iad.
Cá háit a ndéanfaidh mé iarratas
Seirbhís Cabhrach do Thurasóirí
1a Sráid na Canálach Móire Íochtarach
Baile Átha Cliath 2
Éire
Teil:+353 (0)1 661 0562
Lóghlao:1890 365 700
Facs:+353 (0)1 661 0462
Láithreán Gréasáin: http://www.itas.ie
R-phost: info@itas.ie
Líne Cabhraí d'Íospartaigh na Coireachta
Teil:Freephone 116 006
Láithreán Gréasáin: http://www.crimevictimshelpline.ie/
R-phost: info@crimevictimshelpline.ie
Teanga
Ábhar Gaolmhar
- Cuairteoirí go hÉirinn - Coireanna a Sheachaint
Tá cur síos sa cháipéis seo ar chuid na rudaí gur féidir le cuairteoirí go hÉirinn a dhéanamh le coireanna a sheachaint. - An Garda Síochána agus íospartaigh choireanna
Tá cur síos déanta anseo ar an teagmháil a bhíonn idir íobartaigh choireanna agus an Garda Síochána. - Seirbhísí tacaíochta do náisiúnaigh choigríche in Éirinn
Liosta d'eagraíochtaí a sholáthraíonn eolas agus tacaíocht do náisiúnaigh choigríche in Éirinn.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.