Nuair a chuirtear breith ar leataobh agus scaoileadh saor sealadach
Eolas
Má tá cuid de do phionós curtha ar leataobh ciallaíonn sé nach gcaithfidh tú fanacht i bpríosún don Téarma príosúnachta iomlán. Mar shampla, má ghearrtar téarma príosúnachta 8 mbliana ort, is féidir leat a bheith scaoilte amach i ndiaidh 6 bliana. Tá an dá bhliain atá fágtha curtha ar leataobh.
Ciallaíonn scaoileadh saor sealadach go bhfuil tú scaoilte saor ón bpríosún ar feadh tréimhse ama áirithe ar chúis áirithe.
Tháinig Alt 35 d'Acht na bPríosún 2007 i bhfeidhm i mí Bealtaine 2007 agus soláthraíonn sé do dhéanamh rialacha príosúin. Leagtar amach na rialacha príosúin na coinníollacha éagsúla i bpríosúin in Éirinn agus áirítear gach gné den iontráil, clárú, cóiríocht, cearta cuairte, sláinte, smacht, oideachas, etc. Síneann an tAcht nua ar an raon de nithe atá clúdaithe ag rialacha príosúin. Tháinig na rialacha príosúin (SI 252/2007) i bhfeidhm i mí Dheireadh Fómhair 2007.
Rialacha
Curtha ar Leataobh
Tá sé de cheart agat ceathrú amháin den téarma príosúnachta a chur ar leataobh. Ach mar sin féin is féidir cuid de a chur ar ceal de bharr pionós disciplíneach. Braitheann an méid a chuirtear ar leataobh ar do iompar sa bpríosún.
Scaoileadh Saor Sealadach
Tá dhá chineál scaoileadh saor sealadach ann:
- Scaoileadh saor sealadach ó lá go lá. Tarlaíonn sé seo nuair a fhágann tú an príosún i rith an lae le oibriú taobh amuigh agus caithfidh tú a theacht arais go dtí an príosún san oíche. Go hiondúil faightear é seo nuair atá tú gar do dheireadh an téarma príosúnachta.
- Faightear Scaoileadh saor sealadach iomlán do thréimhse ama áirithe nó go dtí deireadh an téarma príosúnachta. Tugtar é seo go truachroíoch nuair a thagann cásanna práinneacha a bhaineann le cúrsaí tí nó teaghlaigh aníos. Tagann an scaoileadh saor sealadach iomlán i gceist freisin nuair atá tú ag déanamh dul chun cinn le scaoileadh saor sealadach ó lá go lá.
Beidh an príosún ag tabhairt toscaí áirithe san áireamh nuair atá siad ag déanamh an cinneadh faoi scaoileadh saor sealadach. Beidh siad ag tabhairt san áireamh nádúr agus na toscaí a bhain leis an gcoir, do dhearcadh féin maidir le athshlánú, do chuid riachtanais agus deiseanna oideachais, traenála agus fostaíochta, do iompar sa bpríosún, cúlra ginearálta agus cúlra teaghlaigh.
Má éiríonn leat scaoileadh saor sealadach a fháil beidh sé ag brath ar choinníollacha ar nós:
- An riachtanas, an tsíocháin a choiméad agus dea-mhúineadh a bheith ort i rith an tréimhse scaoileadh saor
- An riachtanas nósanna stuama a choiméad
- An riachtanas gan aon ní a fhoilsiú nó teagmháil a dhéanamh leis na meáin cumarsáide.
Síneoidh tú "foirm scaoileadh saor" ag admháil
- Go bhfuil tú ar an eolas maidir leis na téarmaí agus na coinníollacha a bhaineann leis an scaoileadh saor
- Go bhfuil na téarmaí uilig mínithe duit go bhfuil tú ar an eolas faoin am a bheidh an scaoileadh saor sealadach thuas.
Nuair atá tú taobh amuigh den phríosún, má fheictear go bhfuil iompar mídhleathach ar siúl agat is féidir tú a ghabháil:
- Nuair atá an tréimhse sealadach imithe
- Nuair a bhristear ceann de na coinníollacha a bhain leis an scaoileadh saor sealadach.
Teanga
Ábhar Gaolmhar
- Na príosúin agus íospartaigh choireanna
Tá cur síos anseo ar ról na nÍobartach agus an Príosún. - Coinniollacha priosuin
Deantar cur sios sa doicimead seo ar choinniollacha priosuin. - Cineálacha pianbhreitheanna
Tá réimse leathan de phianbhreitheanna ar fáil do bhreithiúna ar féidir a ghearradh ar dhuine a fhaightear ciontach i gcion coiriúil.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.