Cionta in aghaidh oird phoiblí agus cumhachtaí gabhála

Eolas

Tá sé de chumhacht ag comhaltaí den Gharda Síochána in Éirinn daoine a ghabháil gan barántas má tá siad ciontach as na coireanna seo a leanas faoin Acht um Cheartas Coiriúil (Ord Poiblí) 1994:

• Bheith ar meisce in áit phoiblí (Alt 4)
• Iompraíocht bhagrach, mhaslach nó tharcaisneach a bheith ar siúl acu in áit phoiblí (Alt 6)
• Ábhar bagrach graosta nó tharcaisneach a scaipeadh nó a thaispeáint in áit phoiblí (Alt 7)
• Mainneachtain ordú ó chomhalta den Gharda Síochána a chomhlíonadh (Alt 8)
• Dul isteach i bhfoirgneamh etc., le hintinn cion a dhéanamh (Alt 11)
• Foghail a dhéanamh ar áitreabh, is araile (Alt 13)
• Bheith i mbun círéibe (Alt 14)
• Bearta mírialtachta foréigní a dhéanamh (Alt 15)
• Bearta gráscair a dhéanamh (Alt 16)
• Dúmhál agus airgead a éileamh go bagrach (Alt 17)
• Ionsaí a dhéanamh a bhfuil sé d'aidhm aige dochar corpartha a dhéanamh nó cion indíotáilte a dhéanamh(Alt 18)
• Ionsaí nó toirmeasc a dhéanamh ar oifigeach síochána (Alt 19).

Is léir ón liosta thuas go bhfuil sé de chumhacht ag comhaltaí den Garda Síochána daoine a ghabháil gan barántas de bharr formhór na gcoireanna a luaitear san Acht seo.

Slat tomhais an fhéachadóra

Cuirtear slat tomhais an fhéachadóra i bhfeidhm i gcás círéibe, mírialtachta foréigní nó gráscair. Ciallaíonn sé seo nach gá go mbeifeá i láthair ag teagmhas nó cion nuair atá sé á dhéanamh ach dá mbeifeá i láthair go mbeadh faitíos ort go mbeifeá féin nó duine eile i mbaol.

Áit Phoiblí

Tá roinnt cionta san Acht nach cionta iad mura ndéantar iad in áit phoiblí. Baineann na coireanna ó Alt 4 go hAlt 9 le háiteanna poiblí amháin. Thugtar sainmhíniú ar áit phoiblí in Alt 3 agus baineann sé le beagnach gach áit. Tá sé ar cheann de na sainmhínithe i leithne ar áit phoiblí sa chóras ceartais choiriúil go léir.

Is féidir leat níos mó a léamh faoi Chionta in aghaidh oird phoiblí ach cliceáil anseo.

Cionta in aghaidh oird phoiblí agus an Scéim um Rabhadh Aosach

Tugadh isteach an Scéim um Rabhadh Aosach i mí Feabhra 2006 agus cuireadh roinnt cionta in aghaidh oird phoiblí leis an liosta cionta ar féidir déileáil leo trí rabhadh a thabhairt faoin Scéim. Má thugtar rabhadh duit faoin Scéim ní thugtar os comhair cúirte thú. Is iad seo a leanas na cionta in aghaidh oird phoiblí ar féidir déileáil leo trí rabhadh a thabhairt:

• A bheith ar meisce in áit phoiblí (Alt 4)
• Iompar mí-ordúil a bheith ar siúl in áit phoiblí (Alt 5)
• Iompraíocht bhagrach, mhaslach nó tharcaisneach in áit phoiblí (Alt 6)
• Mainneachtain ordú ó chomhalta den Gharda Síochána a chomhlíonadh (Alt 8)
• Bac toiliúil (bac d'aon ghnó) a dhéanamh (Alt 9)
• Dul isteach i bhfoirgneamh, is araile, le hintinn cion a dhéanamh (Alt 11)
• Deoch mheisciúil is araile a thabhairt suas agus í a bheith gafa (Alt 22)

Tá tuilleadh eolais faoin Scéim um Rabhadh Aosach anseo.