Nochtadh i gcásanna coiriúla

Rialacha

Ionchúisimh Achoimre

I gcás achomair ní bhíonn dualgas ginearálta ar lucht an ionchúisimh ráitis finnéithe a sholáthar duit roimh ré, bíodh go bhfuil siad á lorg agat nó nach bhfuil. Má déanann tú iarratas leis an gcúirt ar na ráitis a fháil, is faoin gcúirt socrú an ceart iad a sholáthar duit ar mhaithe le ceartas. Leag an Chúirt Uachtarach na hábhair a d'fhéadfadh go mbeadh ar an gcúirt a mheas i i Director of Public Prosecutions v Garry Doyle [1994] 2 IR 286.

Agus iad ag smaoineamh ar cheart nó nár cheart fianaise a scaoileadh, ní mór do lucht an ionchúisimh prionsabail chosúlacha a mheas. Má iarrann tú go soláthrófaí ráitis duit, is é tú féin go príomha nó do aturnae atá freagrach as fáthanna dóthanacha leis an nochtadh a sholáthar.

Ionchúisimh ar díotáil

I gcás trialach ar díotáil tá dualgas reachtúil ar lucht an ionchúisimh ábhair áirithe a sholáthar duit roimh do thriail a leagann amach an fhianaise a bhfuil sé beartaithe a thabhairt sa triail i do choinne. Is gnách go dtugtar an Leabhar Fianaise ar na doiciméid sin. Má bheartaíonn lucht an ionchúisimh fianaise nó finnéithe breise a ghairm ina dhiaidh ní mór na doiciméid bhreise a chur ar fáil duit freisin.

D'fhéadfadh go mbeadh ábhar breise ag lucht an ionchúisimh ar shocraigh siad gan a úsáid ag do thriail. Ba cheart an fhianaise sin a nochtadh duit, gan iarratas, má bhaineann an fhianaise le do chosaint.

Tá tuilleadh eolais ar nochtadh ar fáil san fhoilseachán Guidelines for Prosecutors (pdf) atá ar fáil ar Láithreán gréasáin an Stiúrthóra Ionchúiseamh Poiblí.