Comhairle Sábháilteachta do mhic léinn ar láthair an choláiste

Eolas

Má bhíonn tú ar d'fhaichill ar na rudaí seo a leanas ba cheart go mbeadh sé ina chúnamh duit teacht slán ó choireanna agus tú ar láthair an choláiste.

• Bí cinnte go bhfuil glas ar na doirse san arasán agus sa teach an t-am ar fad. Nuair a fhágann tú d'arasán, ba cheart duit déanamh cinnte go bhfuil na fuinneoga ar fad faoi ghlas.
• Ná tabhair eochracha an arasáin d'aon duine eile ariamh agus ná fág ariamh do chuid eochracha in áit gur féidir le daoine eile teacht orthu.
• Roimh duit aon duine a thagann chuig an doras a ligean isteach san arasán, bí cinnte go bhfuil tú sásta cé atá ann, má tá tú in amhras iarr ar an duine fianaise aitheantais a chur ar fáil duit.
• Inis do chomharsa gur féidir leat muinín a bheith agat as/aisti má bhíonn tú ag dul ar saoire.
• Déan cinnte nach bhfuil sé soiléir nach bhfuil aon duine ag baile san arasán – e.g., na cuirtíní a bheith dúnta i rith an lae.
• Bí cinnte cód aitheantais phearsanta a chur ar do chuid maoine ar fad. Ba cheart aon rudaí luachmhara a chur faoi ghlas.

Sábháilteacht Phearsanta

• Nuair atá tú ag siúl bain úsáid as na bóithre gnóthacha agus cosáin le neart soilse – fan amach as áiteanna iargúlta agus dorcha.
• Inis do dhuine eile a bhfuil muinín agat as/aisti cá bhfuil tú ag dul, cén módh taistil atá agat agus cén t-am go bhfuil tú ag súil a bheith ann.
• Siúl agus an trácht ag teacht i do threo sa chaoi nach mbeidh feithiclí in ann tiomáint suas ar do chúla i ngan fhios duit.
• Seachain rudaí luchmhara a bheith le feiceáil ort, mar shampla seodra, málaí láimhe, ach amháin sa chás nach bhfuil an dara rogha agat.
• Ná bíodh ach an méid airgid thirim a theastaíonn uait dhá iompar agat – ba cheart cártaí creidmheasa agus leabhair phas baince a choinneáil go sábhailte in áit nach féidir iad a fheiceáil agus ná coinnigh i bpócaí do chromáin iad.
• Má cheapann tú go bhfuil duine do do leanúint téigh chuig an áit is giorra duit ina bhfuil daoine, fiú más teach príobháideach atá ann, agus cuir glaoch ar na Gardaí.
• Má déanadh ionsaí ort tá cúnamh ar fáil duit 24 uair sa lá. Nuair atá ionsaí gnéis i gceist d'fhéadfadh sé go mbeadh tú ag mothú salach, ach ní cheart duit tú féin a níochán, ná do chuid éadaí a níochán ná an láthair a ghlanadh go dtí go bhfuil tú tar éis labhairt leis na Gardaí mar d'fhéadfadh sé go mbeadh fianaise riachtanach millte agat i ngan fhios duit.
• Fan glan ó thaisteal leat féin san oíche. Más gá duit, áfach, taisteal leat féin, déan an turas a phleanáil timpeall ar amanna bus agus traenacha sa chaoi go mbeidh aon phriacal a bhaineann le hionsaí nó goid laghdaithe. Ba cheart duit úsáid a bhaint as tacsaí muna bhfuil aon mhódh taistil eile ar fáil duit.

Slándáil Feithicle

• Ná fág rudaí luachmhara i d'fheithicil, más gá duit é seo a dhéanamh, áfach, cuir amach as radharc iad i gcófra bagáiste na feithicle.
• Ná fág ariamh cáipéisí pearsanta mar shampla, ceadúnais tiomána agus teastais árachais, i d'fheithicil.
• Smaoinigh ar uimhir chláraithe an chairr a eitseáil ar fhuinneoga na feithicle agus ar píosaí luachmhara eile den charr.
• Nuair atá tú ag páirceáil do chairr, fan amach as áiteanna iargúlta agus dorcha. Bain úsáid as sráid le neart soilse nó áit phoiblí san oíche.
• Smaoinigh ar aláram d'ardchaighdeán a chur sa charr agus/nó gléas doghluaiseachta. Má bhíonn slabhra cruach agus glas fraincín le dlúthlúbanna ar an roth stiúrtha is cosc feiceálach agus éifeachtach é do ghadaithe.
• Ná pioc suas síobshiúlóirí ag aon am.

Slándáil do do rothar

• Nuair a cheannaíonn tú rothar ba cheart duit déanamh cinnte go bhfaigheann tú admháil le ainm agus seoladh an díoltóra/trádálaí air, chomh maith le déanamh, cineál, dath agus uimhir fhráma d'innill. Ba cheart duit an admháil seo a choinneáil mar phointe tagartha don todhchaí.
• Fáisc do rothar nuair atá sé gan tionlacan tríd úsáid a bhaint as glas d'ardchaighdeán.
• Fág do rothar in áit atá faoi mhaoirseacht nó in áit gur féidir le daoine atá ag dul thart é a fheiceáil.
• Tóg griangraf den rothar agus déan d'uimhir phearsanta aitheantais a eitseáil ar an bhfráma.

Tacaíocht don Íobartach

Tá seirbhísí tacaíochta ar fáil don íobartach.